நம் முன்னோர்கள் புத்திசாலிகள்-பதிவு-51

              நம் முன்னோர்கள் புத்திசாலிகள்-பதிவு-51

இராமர் இளமையில்

ஶ்ரீநிவாசன் என்ற

நண்பனுடன் நட்பு

கொண்டு இருந்தார்.

இராமர், ஶ்ரீநிவாசனை

அடேய் சீனு

என்று தான் அழைப்பார்

அதைப்போல்

ஶ்ரீநிவாசனும், ராமரை

அடேய் ராமா என்று

தான் அழைப்பார்.

இராமர் வசிட்ட

முனிவரிடம் பல

கலைகளைக் கற்று

தாடகையை

வதம் புரிந்து விட்டு

சீதா கல்யாணம்

முடித்தபின்

கானகம் சென்றார்.

ஏழையாக இருந்த

ஶ்ரீநிவாசன்

பல ஊர்கள் சென்று

அலைந்து திரிந்து விட்டு

பல ஆண்டுகள் கழித்து

அயோத்தியை

அடைந்தான்.

“எங்கே? என் நண்பன்

ராமர் எங்கே?”

என்று கேட்டான்.

கானகம் சென்றிருக்கிறார்

என்பதை அறிந்தான்.

ராமர் காட்டுக்கு

சென்றதை நினைத்து

அழுதான்

அந்தோ ராமா

நீ கானகம் சென்றாயே

உனக்கு யார்

துணையாக இருப்பார்

மழை, வெயில், பனி

ஆகியவற்றால் நீ

துன்புறக்கூடிய

நிலை வருமே

அப்பொழுது நீ

என்ன செய்வாய்

நான் உன்னுடன்

வந்து இருந்தால்

உனக்கு துணையாக

இருந்து இருப்பேனே

என்று தன்னுள் கூறிக்

கொண்டு வருத்தப்பட்டான்.

காட்டை அடைந்தான்

ராமா ராமா என்று

கூவியழைத்த வண்ணம்

பித்தனைப் போல

கானகம் முழுவதும்

அலைந்தான்

காடெல்லாம் தேடினான்

ராமரைத் தேடி ஓடினான்

எவ்வளவு முயற்சிகள்

செய்தும் ஶ்ரீநிவாசனால்

ராமர் சென்ற

கானகத்தை அவனால்

கண்டு பிடிக்க முடியவில்லை

பதினான்கு ஆண்டுகள்

உருண்டு ஓடி

மறைந்து விட்டன

ஶ்ரீநிவாசன்

அயோத்தியை அடைந்தான்

இராமருக்கு

மகுடாபிஷேகம்

நடந்து கொண்டிருந்தது

மாதர்கள் மங்கல நாதம்

முழங்கிக் கொண்டு

இருந்தார்கள்

முனிவர்கள் மந்திரத்தை

உச்சாடனம் செய்து

கொண்டிருந்தார்கள்

மன்னர்கள் கைகூப்பி

நின்று கொண்டிருந்தார்கள்

கோலாகலமாக விழா

நடந்து கொண்டிருந்தது

அங்கே வந்தான்

ஏழை ஶ்ரீநிவாசன்

காவல் காரனை நோக்கி

“அடே ராமன் வந்து

விட்டானா” என்று கேட்டான்.

ஆம் வந்து விட்டார்

மகுடாபிஷேகம் நடந்து

கொண்டிருக்கிறது

என்றான் காவல்காரன்

ஶ்ரீநிவாசனுக்கு

அளவற்ற மகிழ்ச்சி

உண்டாகியது

தனக்கே மகுடாபிஷேகம்

நடப்பது போல்

உள்ளம் மகிழ்ந்தான்

ஒரே ஓட்டமாக

துள்ளி ஓடினான்

இரத்தின சிங்காசனத்தில்

வீற்றிருக்கின்ற

சக்கரவர்த்தித் திருமகனான

இராமரைக் கண்டான்

இளமையில் அழைத்த

நட்பின் பழக்கம்

உண்மையான நட்பின்

வெளிப்பாடு

அவையில் யாரைப்

பற்றியும் கவலைப்படவில்லை

மற்றவர்கள் என்ன

நினைப்பார்களோ

என்று நினைக்கவில்லை

ராமரிடம் எத்தகைய

நட்பை ஶ்ரீநிவாசன்

கொண்டிருந்தானோ

அத்தகைய நட்புடன்

"""""அடே ராமா

காட்டுக்குச் சென்றாயே

எப்படா வந்தாய்"""""

என்றான் ஶ்ரீநிவாசன்

இது தான் எந்த

சூழ்நிலையிலும் ஒரே

மாதிரியாக

இருக்கும் நட்பு

ஶ்ரீநிவாசனுக்கு தன்னைச்

சுற்றி இருப்பவர்கள்

யாரும் கண்ணுக்கு

தெரியவில்லை

இராமர் மட்டுமே

கண்ணுக்கு தெரிந்தார்

இராமர் மேல் கொண்ட

நட்பு மட்டுமே தெரிந்தது

ஶ்ரீநிவாசன் ராமரை

“ராமா” என்றும்

“எப்படா” என்றும்

“டா” போட்டு அழைத்த

வார்த்தைகளைக்

கேட்ட இலட்சுமணரின்

கண்கள் சிவந்தன

இவன் தலையை

துண்டிப்பேன் என்று

எடுத்தார் கோதண்டம்

பரதர், சத்ருக்கனர்

கோபத்துடன் பாய்ந்தனர்

ஆனுமந்தர் வாலை எடுத்தார்

இவனைக் கட்டி

ஏழு கடலுக்கும்

அப்பால் எறிவேன் என்றார்

வசிட்ட முனிவர்

ரகு நாதனுக்கு நான்

தான் பேரிட்டேன்

எனினும் நானே

ராமா என்று

அழைப்பதில்லை

அழைத்ததில்லை

ராகவேந்திரா ராமச்சந்திரா

என்று தானே

அழைக்கின்றேன்

இந்த மூடன் அடே

ராமா என்று அழைத்தானே

இவனை விட்டு

வைக்கலாமா என்று

சினந்து தருப்பைக்

கட்டை எடுத்து ஓங்கினார்

ஆ ஆ என்று

ஒலி எங்கும் எழுந்தது.

ஶ்ரீநிவாசனுடைய

சொற்கள் அரச அவையைக்

குலுங்க வைத்தது.

சபையில் பெரிய

பரபரப்பு உண்டாகியது

---------இன்னும் வரும்

------------30-07-2018

////////////////////////////////////////////

நம் முன்னோர்கள் புத்திசாலிகள்-பதிவு-50

             நம் முன்னோர்கள் புத்திசாலிகள்-பதிவு-50

நட்பானது

உண்மையான நட்பாக

இருந்தால்

அந்த நட்பானது

முக்கியமாக இரண்டு

விதமான உயர்ந்த

தன்மைகளைத்

தன்னுள் கொண்டிருக்க

வேண்டும்.

ஒன்று  :எந்த சூழ்நிலையிலும்

         நட்பு ஒரே மாதிரி

         இருக்க வேண்டும்

இரண்டு :எத்தகைய

         விஷயத்தையும்

         செய்வதற்குத் தயாராக

         இருக்க வேண்டும்

இளவயதில் ஒன்றாக

படித்த இரண்டு நண்பர்கள்

படிக்கும் காலத்தில்

நண்பர்களாக இருந்து

பின்னர் பிரிந்து

சென்றார்கள்

அந்த நண்பர்கள்

நீண்ட நாட்கள்

கழித்து ஒன்றாக

சந்தித்துக் கொண்டனர்

அவ்வாறு சந்தித்துக்

கொண்டபோது

ஒருவர் பணம், பதவி

நல்ல வேலை

அதிக சம்பளம் என்று

பணக்காரனாக இருக்கிறார்

மற்றொருவர்

சாதாரண வேலை

பார்த்துக் கொண்டு

குறைந்த வருமானத்தில்

குடும்பத்தை

ஓட்டிக் கொண்டு

ஏழையாக இருக்கிறார்.

ஏழை நண்பன்

பணக்கார நண்பனை

சந்திக்கும்

இடங்களில் எல்லாம்

பணக்கார நண்பனை

பெயர் சொல்லி கூப்பிடுவது

வா, போ என்று

ஒருமையில் அழைப்பது

என்று இருந்தார்.

இதனால் பணக்கார நண்பன்

ஏழை நண்பனை அழைத்து

நீ பெயர் சொல்லி

கூப்பிடுவதையும்

வா, போ என்று

ஒருமையில் அழைப்பதையும்

என்னை சுற்றி

இருப்பவர்கள்

தப்பாக நினைத்துக்

கொள்கிறார்கள்

எனவே,

நாம் தனியாக இருக்கும்

போது எப்படி

வேண்டுமானாலும்

பேசிக் கொள்ளலாம்

ஆனால் நான் அலுவலகத்தில்

இருந்தாலோ (அல்லது)

நண்பர்களுடன்

இருந்தாலோ (அல்லது)

உறவினர்களுடன்

இருந்தாலோ

என்னை பெயரைச்

சொல்லி கூப்பிடாதே

வா, போ என்று

ஒருமையில் கூப்பிடாதே

என்னை மரியாதையாக

கூப்பிடு

மரியாதையாக பழகு

மரியாதையாக

நடந்து கொள்

என்று சொல்கிறான்

அதைக் கேட்டு

அந்த ஏழை நண்பனும்

நடந்து கொள்கிறான்

காலத்திற்கு தகுந்தபடியும்

இடத்திற்கு ஏற்றபடியும்

நேரத்திற்கு உகந்தபடியும்

நட்பானது

தனது குணத்தை

மாற்றிக் கொண்டே

இருந்தால் அந்த நட்பு

எல்லா சூழ்நிலையிலும்

ஒரே மாதிரியாக

இருக்கும் நட்பு அல்ல

என்பதையும் தனது

குணத்தை மாற்றிக்

கொள்ளாமல் இருந்தால்

அந்த நட்பு  

எந்த சூழ்நிலையிலும்

ஒரே மாதிரியாக

இருக்கும் நட்பு.

என்பதையும் நாம்

தெரிந்து கொள்ளலாம்

அவ்வாறு

தெரிந்து கொண்டால்

நாம் பணக்கார

நண்பனின் நட்பு

எல்லா சூழ்நிலையிலும்

ஒரே மாதிரியாக

இருக்கும் நட்பு அல்ல

என்பதையும்

அதைப்போல

எழை நண்பனின்

நட்பும் எல்லா

சூழ்நிலையிலும்

ஒரே மாதிரியாக

இருக்கும் நட்பு அல்ல

என்பதையும் நாம்

தெரிந்து கொள்ளலாம்.

நண்பன் ஒரு விஷயத்தை

நம்மை செய்யச்

சொன்னாலோ (அல்லது)

நண்பன் ஒரு விஷயத்தை

செய்கிறான் என்பதை

அறிந்து

அந்த விஷயத்தை

நாம் செய்தாலோ

நண்பனுக்கு நன்மை

கிடைக்குமா (அல்லது)

தீமை கிடைக்குமா

என்பதை அறிந்து

தீமை கிடைத்தால்

அந்த விஷயத்தை

செய்யாமல் விலக்கி

வைத்து விட்டு

நன்மை தரும்

விஷயங்கள் எவை

என்பதை ஆராய்ந்து

அத்தகைய நன்மையான

விஷயங்களை

நல்ல

செயல்களைக் கொண்டு

முழு முயற்சி

எடுத்து செய்து

முடிக்க வேண்டும் அதாவது

உயிரைக் கொடுத்தாவது

நண்பனுக்காக அந்த

நல்ல விஷயத்தை

செய்து முடிக்க

வேண்டும் என்பதே

எத்தகைய விஷயத்தையும்

செய்யத் தயாராக

இருக்க வேண்டும்

என்பதற்கான பொருள்

எந்த சூழ்நிலையிலும்

ஒரே மாதிரியாக

இருக்க வேண்டும்

என்பதும்

எந்த விஷயத்தையும்

செய்யத் தயாராக இருக்க

வேண்டும் என்பதும்

நட்பின் மிக

உயர்ந்த தன்மைகள்

இவைகளை கடைபிடித்து

வாழ்ந்தவர்களும்

இச்சமுதாயத்தில்

இருந்திருக்கிறார்கள்

தற்போது வாழ்பவர்களும்

இருக்கிறார்கள்

என்பதை நினைவில்

கொள்ள வேண்டும்

----------இன்னும் வரும்

-----------28-07-2018

//////////////////////////////////////////////

நம் முன்னோர்கள் புத்திசாலிகள்-பதிவு-49

            நம் முன்னோர்கள் புத்திசாலிகள்-பதிவு-49

“”””உடுக்கை இழந்தவன்

கைபோல ஆங்கே

இடுக்கண் களைவதாம்

நட்பு””””

நண்பனுக்கு

துன்பம் வரும்போது

நாம் நண்பனுக்கு

செய்யும் உதவியை

இரண்டு நிலைகளில்

பிரித்து விடலாம்

ஒன்று : பிறருடைய துன்பம்

        போல் கருதி

        உதவி செய்வது

இரண்டு :நம்முடைய

         துன்பம் போல்

         கருதி உதவி

         செய்வது

நாம் அலுவலகத்தில்

வேலை செய்து

கொண்டு இருக்கிறோம்

நம் உறவினர்

ஒருவருக்கு மிகவும்

உடல் நிலை

சரியில்லை

அவரை மருத்துவமனையில்

சேர்த்திருக்கிறோம்

என்று நமக்கு

போன் வருகிறது

நாம் சரி

நான் வந்து பார்க்கிறேன்

என்று சொல்லி விட்டு

மிகவும் பொறுமையாக

வேகமாக இல்லாமல்

நிதானமாக வேலை

எல்லாம் முடித்து

விட்டு பொறுமையாக

இரவு சென்று

மருத்துவமனையில்

சேர்த்திருக்கும்

நமது உறவினரை

பார்த்து விட்டு

துன்பத்தை நீக்குவதற்கு

தேவையான நடவடிக்கைகளை

எடுத்து துன்பத்தை

நீக்குகிறோம்

அதைப் போல

நண்பனுக்கு துன்பம்

வரும் போது

நிதானமாகவும்

பொறுமையாகவும்

அலட்சியமாகவும் இருந்து

ஈடுபாடு இல்லாமல்

இருந்து நண்பனுக்கு

வரும் துன்பத்தை

நீக்குவதற்கு தேவையான

நடவடிக்கைகளை

மேற்கொண்டு நண்பனுடைய

துன்பத்தை நீக்குவது

பிறர் துன்பம் போல்

கருதி உதவி

செய்வது ஆகும்.

நமக்கு உடல்நிலை

சரியில்லை

என்று மருத்துவமனையில்

சேர்த்திருக்கிறார்கள்

நமக்கு நோய்

வந்து விட்டதே

இதை எப்படி போக்குவது

பணம் எப்படி திரட்டுவது

உதவிக்கு ஆட்களை

எப்படி அழைப்பது

அலுவலகத்திற்கு

விடுப்பு எப்படி எடுப்பது

என்று நமக்கு துன்பம்

வரும் போது நாம்

விரைவாகவும்

சுறுசுறுப்பாகவும்

கவனமாக இருந்து

முழு ஈடுபாட்டுடன்

இருந்து பல்வேறு

செயல்களைச்செய்து

நமக்கு வந்த துன்பத்தை

நீக்குகிறோம்

அதைப்போல்

நண்பனுக்கு துன்பம்

வரும் போது

அந்த துன்பத்தை

நீக்குவதற்கு தேவையான

நடவடிக்கைகளை

விரைவாகவும்

சுறுசுறுப்பாகவும்

கவனமாகவும் இருந்து

முழுஈடுபாட்டுடன்

இருந்து

செயல்களைச் செய்து

நண்பனுக்கு வரும்

துன்பத்தை நீக்குவது

நம்முடைய துன்பம் போல்

கருதி உதவி

செய்வது ஆகும்

நண்பன் துன்பத்தில்

இருக்கும் போது

பிறர் துன்பம் போல்

கருதி உதவி

செய்வதற்கு மனம்

இருந்தால் போதும்

ஆனால்

நண்பன் துன்பத்தில்

இருக்கும் போது

நம்முடைய துன்பம்

போல் கருதி

உதவி செய்வதற்கு

அன்பும், கருணையும்

வேண்டும்

அன்பும், கருணையும்

யாருடைய உள்ளத்தில்

இருக்கிறதோ

அவரால் மட்டுமே

நண்பன் துன்பப்படும்போது

தன் துன்பம் போல் கருதி

உதவி செய்ய முடியும்

நாம் நான்கு நண்பர்களுடன்

பேசிக் கொண்டு

இருக்கிறோம்

அப்பொழுது

நம் உடலிலிருந்து உடை

நழுவினால் எப்படி கை

உடனே சென்று

அதை பிடித்து

நம்முடைய மானத்தை

காப்பாற்ற முயற்சி

செய்கிறதோ

அதைப்போல நண்பனுக்கு

துன்பம் வரும்போது

நமக்கு ஒரு துன்பம்

வரும் போது எப்படி

விரைவாகவும்

சுறுசுறுப்பாகவும்

கவனமாகவும்

முழுஈடுபாட்டுன்

செயல்களைச் செய்து

அதை நீக்குவதற்கு

தேவையானநடவடிக்கைகளை

மேற்கொண்டு அதை

நீக்கினோமோ

அதைப்போல

நண்பன் கஷ்டத்தில்

இருக்கிறான்

துன்பப்படுகிறான்

என்பதை கேள்விப்

படும்போது

விரைவாகவும்

சுறுசுறுப்பாகவும்

கவனமாகவும் இருந்து

முழு ஈடுபாட்டுடன்

செயல்களைச் செய்து

துன்பத்தை நீக்குவதற்கான

நடவடிக்கைகளை

மேற்கொண்டு அதை

நீக்க வேண்டும்

என்பதைத் தான்

“”””உடுக்கை இழந்தவன்

கைபோல் ஆங்கே

இடுக்கண் களைவதாம்

நட்பு”””””

என்ற திருக்குறள்

மூலம் திருவள்ளுவர்

விளக்குகிறார்.

---------இன்னும் வரும்

-----------25-07-2018

///////////////////////////////////////////////////////////