பரம்பொருள்-பதிவு-105

          பரம்பொருள்-பதிவு-105

சகாதேவன் :

"மூன்று பேர்களில்

முதலாவது கிருஷ்ணன் !"

துரியோதனன் :

"ம்ம்ம் ,,,,,,,,,,,,,,,சரி   

இரண்டாவது  "

சகாதேவன் :

"இரண்டாவது அர்ஜுனன் !"

துரியோதனன் :

"ம்ம்ம் ,,,,,,,,,,,,,,,,,,,சரி  

மூன்றாவது "

சகாதேவன் :

"மூன்றாவது அரவான் !"

துரியோதனன் :

"களப்பலியாக

கொடுப்பதற்கு தகுதி

உடையவர்கள் இந்த

மூன்று பேர்களுமா

தம்பி ! "

சகாதேவன் :

"ஆமாம் அண்ணா !

இந்த மூன்று பேர்கள்

தான் களப்பலி

கொடுப்பதற்குத்

தகுதி உடையவர்கள்"

"கிருஷ்ணன்

அர்ஜுனன் அரவான்

ஆகிய மூன்று

பேர் மட்டுமே

32 லட்சணங்கள்

உள்ளவராகவும் ;

எதிர்ரோமம்

படைத்தவராகவும் ;

உள்ளனர். "

"இந்த மூன்று

பேரில் யாரேனும்

ஒருவரை வருகின்ற

அமாவாசை தினத்தன்று

களப்பலி கொடுத்தால்

போரில் வெற்றி

பெறுவது என்பது

நிச்சயம் "

"களப்பலி

கொடுப்பவர்களை

யாராலும் போரில்

வெற்றி கொள்ள

முடியாது என்பது

முற்றிலும்

உண்மை அண்ணா ! "

துரியோதனன் :

"நீ சொன்னவைகளைக்

கேட்டு நான்

மிகுந்த மகிழ்ச்சி

அடைந்தேன் தம்பி

இதை பெற்றுக் கொள் "

(என்று கழுத்தில்

இருந்த நகையை

கழட்டி கொடுக்கிறான்

துரியோதனன்)

சகாதேவன் :

"இது எதற்கு அண்ணா

உறவுகளுக்குள்"

துரியோதனன் :

"உறவு என்பது வேறு ;

தொழில் என்பது வேறு ;

நான் என்னுடைய

விஷயத்திற்காக

சோதிடம்

கேட்க வந்தேன் ;

சோதிடம்

கேட்க வந்தவர்

சோதிடம்

பார்த்தவருக்கு

ஊதியம் கொடுப்பது

என்பது உலக

நடப்பு தானே

சகாதேவா ! "

நான் பார்த்த

சோதிடத்திற்கு

ஊதியமாக

இதை வைத்துக்

கொள் தம்பி "

(சகாதேவன்

துரியோதனன் அளித்த

நகையைப் பெற்றுக்

கொள்கிறான்)

"அறையை விட்டு

வெளியே வருகிறான்

துரியோதனன் "

"அறைக்கு வெளியே

பாண்டவர்களுடன்

நின்று கொண்டிருந்த

கிருஷ்ணன்

துரியோதனனிடம்

பேசத் தொடங்குகிறார் "

கிருஷ்ணன் :

"துரியோதனா நீ

வந்த வேலை

எதிர்பார்த்தபடி முடிந்ததா ?"

துரியோதனன் :

"கிருஷ்ணா அறைக்குள்

நீ இல்லையல்லவா

அதனால் வந்த வேலை

நல்லபடியாகவே

முடிந்தது "

கிருஷ்ணன் :

"துரியோதனா வந்த

வேலை நல்லபடியாக

முடிந்தது என்பதை

நீ எப்படி இப்பவே

முடிவு செய்ய முடியும் ?

வருங்காலம் தானே

முடிவு செய்ய வேண்டும் ? "

"வருங்காலம் என்ன

முடிவு செய்து

வைத்திருக்கிறது

என்பதை இப்போது

யாரால் சொல்ல

முடியும் ? "

"வருங்காலம் என்ன

முடிவு செய்து

வைத்திருக்கிறதோ

தெரியவில்லை  ?"

"வருங்காலத்தில்

என்ன நடக்கப்

போகிறது என்பதைப்

பொறுத்திருந்து பார்ப்போம் "

(துரியோதனன்

கோபத்துடன்

மாளிகையை விட்டு

வெளியேறுகிறான்)

---------- இன்னும் வரும்

----------- K.பாலகங்காதரன்

---------- 27-12-2019

//////////////////////////////////////////