பரம்பொருள்-பதிவு-147

             பரம்பொருள்-பதிவு-147

உலூபி  :

“வேண்டும் !”

“அரவான்

களப்பலியாகத்

தான் வேண்டும் ! “

“பாண்டவர்கள்

சார்பாக அரவான்

களப்பலியாகத்

தான் வேண்டும் ! “

“ஒப்புதல் அளிக்கிறேன் ! “

“பாண்டவர்கள் சார்பாக

அரவானைக்

களப்பலியாகக்

கொடுப்பதற்கு

ஒப்புதல் அளிக்கிறேன் ! “

(என்று கண்ணீர்

விட்டு அழுது

கொண்டே ஒப்புதல்

அளித்தாள் உலூபி ;

நிற்க முடியாமல்

தரையில் படுத்த

உலூபியினுடைய

தலையை தரையில்

அமர்ந்து தன்னுடைய

மடியில் வைத்துத்

தாங்கிக் கொண்டாள்

திரௌபதி ;

உலூபியின் கூந்தலை

வருடிக் கொண்டே

இருந்தாள் திரௌபதி ;

திரௌபதியின் மடியில்

தலை சாய்த்தபடி

அழுத வண்ணம்

இருந்தாள் உலூபி ;)

கிருஷ்ணன் :

“அழு உலூபி அழு

நன்றாக அழு “

“உன்னுடைய கண்களில்

உள்ள தண்ணீர்

தீரும் வரை

நன்றாக அழு “

“நீ வடிக்கும்

கண்ணீரில் தான்

நாளைய உலகம்

பூப்பூக்கப் போகிறது “

“நீ வடிக்கும் கண்ணீரிலும்

அரவான் சிந்தப் போகும்

இரத்தத்தினாலும் தான்

நாளைய உலகம்

விடியப் போகிறது “

“வருங்கால உலகத்தில்

உள்ள மக்கள்

அனைவரும்

நிம்மதியாக வாழ

வேண்டும் என்பதற்காக ;

நல்லவர்கள்

அமைதியாக வாழ

வேண்டும் என்பதற்காக ;

பெண்கள் மானத்தோடு

வாழ வேண்டும்

என்பதற்காக ;

தர்மம் அழியாமல்

நிலைத்து இருக்க

வேண்டும் என்பதற்காக ;

பாண்டவர்கள் சார்பாக

அரவானைக்

களப்பலியாகக்

கொடுப்பதற்கு நீ

ஒப்புதல் அளித்த

விஷயம்

மிகப்பெரிய விஷயம் “

“இந்த உலகத்தில்

எந்தத் தாயும் செய்ய

முடியாத மிகப் பெரிய

விஷயத்தைத் தான்

நீ இப்போது

செய்து இருக்கிறாய் “

“இந்த உலகம் அரவானுக்கு

மட்டுமல்ல உனக்கும்

தான் நன்றிக்

கடன் பட்டிருக்கிறது “

“உன்னுடைய மகனுக்காக

நீ மட்டும் தான்

அழுது கொண்டிருக்கிறாய்

என்று நினைத்து விடாதே

நாளைய உலகமே

அரவான் செய்யப்போகும்

தியாகத்தை நினைத்து

கண்ணீர் விடப்போகிறது

என்பதை மட்டும்

மறந்து விடாதே “

“அரவான் செய்யப்போகும்

தியாகத்திற்காக இந்த

உலகம் அரவானைத்

தெய்வமாக வழிபட்டாலும்  ;

அந்தத் தெய்வமகனை

பெற்றெடுத்த

தெய்வத் தாயாக

நீ என்றும் திகழ்ந்து

கொண்டிருப்பாய் ;

என்பது சத்தியம் உலூபி “

“அரவானின் பெயர்

இந்த உலகத்தில்

இருக்கும் வரைக்கும்  ;

அரவானின் தாயான

உன்னுடைய பெயரும்

இந்த உலகத்தில்

இருக்கும் என்பது

நிச்சயிக்கப்பட்ட

உண்மை உலூபி ; “

“காலங்கள் மாறினாலும்

காட்சிகள் மாறினாலும்

கொண்ட கோலங்கள்

மாறினாலும்

இந்த உலகம்

இருக்கும் வரை

இந்த உலகத்தில்

அழியாமல்

இருக்கப்போவது

அரவானின் பெயரும்

உன்னுடைய பெயரும்

மட்டும் தான் உலூபி “

“அழு உன்னுடைய

வேதனைகளின்

பாரம் குறையும் வரை

நன்றாக அழு உலூபி

நன்றாக அழு

நன்றாக அழு

உலூபி

நன்றாக அழு”

 (என்று கிருஷ்ணன்

சைகை காட்ட

அந்த அவையில்

இருந்தவர்களில்

ஒவ்வொருவராக

வெளியேறினர் ;

திரௌபதியின்

மடியில் தலை

சாய்த்து படுத்துக்

கொண்டிருந்த உலூபி

அழுது கொண்டு

இருந்தாள் ;

அவளுடைய அழுகுரல்

மட்டுமே - அந்த

அறையில் எதிரொலித்துக்

கொண்டே இருந்தது)

----------- இன்னும் வரும்

----------- K.பாலகங்காதரன்

----------- 04-03-2020

//////////////////////////////////////////

பரம்பொருள்-பதிவு-146

           பரம்பொருள்-பதிவு-146

திரௌபதி :

“நாட்டை அரசாட்சி

செய்யும் மன்னர்

திருதராஷ்டிரர்

இருந்த அவையில்  ”

“யாராலும் வெல்ல

முடியாத பீஷ்மர் ;

குருவுக்கு உதாரணமாக

இருக்கும்

துரோணாச்சாரியார் ;

கலைகளுக்கு தலைவராக

இருக்கும் கிருபாச்சாரியார் ;

ஞானத்திற்கு உதாரணமாக

இருக்கும் விதுரர் ;

ஆகியோர் நிரம்பி

இருந்த அவையில்  “

“தர்மத்தின் காவலனாக

இருக்கும் தர்மர் ;

வீரத்திற்கு வித்தாக

இருக்கும் பீமன் ;

யாராலும் வீழ்த்த

முடியாத அர்ஜுனன் ;

நெருங்க முடியாத

நகுலன் ;

சோதிட மேதை

சகாதேவன் ;

ஆகியோர் நிரம்பி

இருந்த அவையில்  ”

“நியாயத்தை உணர்ந்த

நீதிமான்களும் ;

கண்ணியத்தை போதிக்கும்

கல்விமான்களும் ;

அனுபவத்தை உணர்ந்த

ஞானவான்களும் ;

நீதிக்காக போராடும்

நியாயவான்களும் ;

தர்மத்தை கடைபிடிக்கும்

தர்மவான்களும் ;

உண்மை வழி செல்லும்

சத்தியவான்களும் ;

அறிவை அறிந்த

ஆன்மஞானிகளும் ;

நிதானத்தை இழக்காத

உண்மைவாதிகளும் ;

நிரம்பி இருந்த அவையில் “

“வசதியான குடும்பத்தில்

பிறந்த என்னை ;

இளவரசியாக

வளர்ந்த என்னை ;

ராணியாக

இருந்த என்னை ;

திரௌபதியான என்னை ;

துரியோதனனின்

தூண்டுதலின் பேரில்

துச்சாதனனும்

துரியோதனனும்

என்னை சபை

நடுவில் வைத்து

அவமானப்படுத்தினார்கள் “

“நாட்டுக்கு ராணியாக

இருந்த எனக்கே

இவ்வளவு

அவமானம் என்றால்

துரியோதனனுக்காக

அரவான் களப்பலியாகி

துரியோதனன் போரில்

வெற்றி பெற்று

விட்டான் என்றால்  

வருங்கால

உலகத்தில் எந்த

ஒரு பெண்ணும்

மானத்தோடு

வாழ முடியாது”

“பாண்டவர்கள் சார்பாக

அரவான்

களப்பலியானால்

மட்டுமே வருங்கால

உலகத்தில் பெண்கள்

மானத்தோடு

வாழ முடியும் ;”

“வருங்கால உலகத்தில்

பெண்கள் மானத்தோடு

வாழ வேண்டும்

என்பதற்காகத் தான் ;

நான் பாண்டவர்கள்

சார்பாக அரவானைக்

களப்பலியாகக்

கொடுப்பதற்கு

ஒப்புதல் அளித்தேன் “

“இந்த ஒரு

காரணத்திற்காக

மட்டும் தான் நான்

ஒப்புதல் அளித்தேன்

வேறு எந்த ஒரு

காரணத்திற்காகவும்

நான் ஒப்புதல்

அளிக்கவில்லை ; “

“வருங்கால உலகத்தில்

பெண்கள் மானத்தோடு

வாழ வேண்டும்

என்பதற்காக ஒரு

பெண்ணான நான்

பெண்ணான

உன்னிடம் கேட்கிறேன்”

“வருங்கால உலகத்தில்

பெண்கள் மானத்தோடு

வாழ்வதற்கு பாண்டவர்கள்

சார்பாக அரவான்

களப்பலியாக வேண்டுமா?

அல்லது வேண்டாமா ?

என்பதை முடிவு செய் “

“யோசித்துப் பார்த்து

ஒப்புதல் அளி என்று

நான் சொல்ல மாட்டேன்”

“வேண்டுமா அல்லது

வேண்டாமா என்று

தான் நான் கேட்கிறேன்”

“சொல் உலூபி சொல்”

“வருங்கால உலகத்தில்

பெண்கள் மானத்தோடு

வாழ்தற்கு பாண்டவர்கள்

சார்பாக அரவான்

களப்பலியாக

வேண்டுமா அல்லது

வேண்டாமா ?”

“வேண்டுமா வேண்டாமா”

உலூபி :

(உலூபியின்

கண்களிலிருந்து

கண்ணீர் கொட்டியது ;

திரௌபதியை கட்டி

பிடித்து அழத்

தொடங்கினாள் உலூபி ;

உலூபியின் மனதில்

இருந்த சோகம்

அனைத்தும் அவள்

கண்களில் இருந்து

கண்ணீராகக் கொட்டியது ;

திரௌபதி உலூபியை

தன் மார்போடு

அணைத்துக் கொண்டாள் ;

அழுகுரலுக்கு நடுவே

உலூபியின் வாயிலிருந்து

வார்த்தைகள்

வெளிப்படத் தொடங்கின ;)

-----------இன்னும் வரும்

----------- K.பாலகங்காதரன்

----------- 04-03-2020

//////////////////////////////////////////