பொங்கல் திருநாள்- சூட்சும ரகசியங்கள்

     பொங்கல் திருநாள்- சூட்சும ரகசியங்கள்

உலகில் உள்ள மதங்கள் அனைத்தும் உணர்த்துவது எதை ,

மனிதர்களின் அறிவுத் திறனுக்கு ஏற்றவாறு விளக்குவது எதை ,

பாரம்பரியமான முறைகளின் மூலம் சொலல வருவது எதை,

சமுதாய நோக்குடன் குறிப்பிடுவது எதை ,

கால ஓட்டத்தில் கரைந்து போகாமல் காப்பாற்றி வருவது எதை ,

சிந்தனை சிதைந்து போகாமல் செதுக்கி வருவது எதை ,

உணர்வுகளில் பிரிந்து போகாமல் காப்பாற்றி வருவது எதை ,

இரத்த நாளங்கள் மரத்து போகாமல் சூடேற்றி வருவது எதை ,

மானிட சமுதாயம் மாண்டு போகாமல் உயிர் ஊட்டி வருவது எதை ,

மாக்களை மக்களாக்க முயற்சி செய்வது எதை ,

அநித்தியத்தை நித்தியமாக்க கனவு காண்பது எதை ,

பிரேதத்தை உயிருடன் உலா விட முயற்சிப்பது எதை ,

கானல் நீரில் கரைந்து போகாமல் காப்பாற்றி வருவதை எதை ,

சுயமரியாதை உள்ளவனையும் சிந்திக்க வைப்பது எதை ,

நாத்திகவாதியின் அறிவுத் திறனையும் சோதிக்க வைப்பது எதை ,

சமதர்ம சமுதாயத்தைப் பற்றி யோசிக்க வைப்பது எதை ,

என்று யோசித்து ,

உலகிலுள்ள மதங்களை எல்லாம் எடுத்துப் பார்த்தோமேயானால் ,

உணவு , உடை , வணக்க முறை வித்தியாசப்படும் , மற்ற படி மனிதன், மனிதனாக இருந்து , மனிதனை , மனிதன் நேசிக்க வேண்டும்,  என்று தான் அனைத்து மதங்களும் வலியுறுத்துகின்றன .

ஒவ்வொரு மதத்திலும் பல்வேறு பண்டிகைகள் கொண்டாடப்படுகின்றன .

அந்த பண்டிகைகளை நன்கு ஆராய்ந்தோமானால் ,அதில் பல்வேறு கருத்துக்களும் , சமுதாயத்திற்கு தேவையான பல்வேறு நடைமுறை செயல்பாடுகளும் மறைந்து இருப்பதை உணர்ந்து கொள்ளலாம் .

அத்தகைய பண்டிகைகள் பலவற்றில் தமிழர்கள் கொண்டாடும் பண்டிகைகளில் மிக முக்கியமான பண்டிகையான  பொங்கல் பண்டிகையை நாம் எடுத்துக் கொள்வோம் .

பொங்கல் பண்டிகை கீழ்க்கண்ட நான்கு நாட்களில் நான்கு வெவ்வேறு நிலைகளில் வெவ்வேறு பெயர்களில் கொண்டாடப்பட்டு வருகிறது. அவையாவன ,

                       1.   போகி பண்டிகை

                      2.  பொங்கல் பண்டிகை

                      3.   மாட்டுப் பொங்கல்

                      4.   காணும் பொங்கல்

என நான்கு நாட்கள் தொடர்ந்து கொணடாடப்படுகிறது .

அந்த பண்டிகைகளின் உள் அர்த்தத்தை ஆராய்ந்து பார்த்தோமானால், அதில் உள்ள சூட்சும ரகசியங்கள் ,

இந்த சமுதாயம் நலம் பெற வேண்டி நமது முன்னோர்கள் செய்து வைத்து விட்டு போன ,

சமுதாய நோக்குடன் கொண்ட பொது நலன்கள்,

அதில் பிரதிபலிப்பதை நாம் நன்றாக உணரலாம் .

வருடா வருடம் நாம் பண்டிகைகளைக் கொண்டாடுகிறோம் ,

அந்த பண்டிகைகள் எதை சொல்ல வருகின்றன ,

எத்தகைய காரணங்களை விளக்குவதற்காக கொண்டாடப் படுகின்றன ,

எத்தகைய செயல்களை உணர்த்துவதற்காக கொண்டாடப்படுகின்றன ,

என்பதை இவ்வளவு காலம் நாம் சிந்திக்கா விட்டாலும் , உணரா விட்டாலும், அறியா விட்டாலும் இப்பொழுது நாம் அதை உணர்ந்து கொள்வோம் .

இத்தகைய சிறப்பு வாய்ந்த தமிழர்களின் பாரம்பரியமிக்க  பொங்கல் பண்டிகை எதன் அடிப்படையில் கொண்டாடப்படுகிறது என்று இப்பொழுது பார்ப்போம்.

போகி பண்டிகை :

விவசாயிகள் உழுது பயிரிட்டு ,அறுவடை செய்து, களத்து மேட்டில் குவித்து, நெல்லை காற்றில் துhற்றுவார்கள் .

அவ்வாறு துhற்றுவதால் காற்றானது மாசுபடும் .

காற்றில் பல்வேறு கிருமிகள் கலந்துவிடும் . பல்வேறு அசுத்தங்கள் காற்றில் கலந்து விட வாய்ப்புக்கள் உண்டு

அதை சுவாசிப்பது உடல் நலத்திற்கு கேட்டை உருவாக்கும் . மிகப் பெரிய தீங்கினை கொண்டு வர வாய்ப்புகள் உண்டு .

எனவே துhற்றிய பதர்களை ஒன்றாக குவித்து எரித்து விடுவார்கள் .

மேலும் , சில மூலிகைகளையும் சேர்த்து எரித்து விடுவதால் காற்றில் கலந்த கிருமிகள் இறந்து விடும் . அவைகள் நம்மை பாதிக்காது.

இதனால் மனிதர்களுக்கு எந்தவிதமான தீங்கான செயல்களோ , உடல்நலக் குறைபாடுகளோ ஏற்பட வாய்ப்பு இல்லாமல் தடுக்கப்படுகிறது .

இத்தகைய ரகசியத்தைத் தன்னுள் கொண்டது தான் போகிப் பண்டிகை .

இதைத் தான் போகி பண்டிகை என்ற பெயரில் கொண்டாடுகிறோம் .

பொங்கல் பண்டிகை:

மறுநாள் எல்லா இடங்களையும் , அனைத்து இடங்களையும்,  துhய்மை செய்கின்றனர்.

தான் வாழ்வதற்கு தேவையான , வாழ்வாதாரத்தைக் கொடுக்க காரணமான, சூரியனுக்கு நன்றி தெரிவிக்கும் வகையில் பொங்கல் வைத்து சூரியனுக்கு நன்றி தெரிவிக்கின்றனர்.

தாங்கள் கஷ்டப்பட்டு பல்வேறு இடையூறுகளுக்கிடையில்,  பல்வேறு துன்பங்களுக்கிடையில் , பல்வேறு விதமான மன உளைச்சல்களுக்கு இடையில் ,

உழுது பயிரிட்டு விளைவித்த நெல்லை , பொங்கல் செய்து சாப்பிடும் பொழுது , தாங்கள் பட்ட கஷ்டங்கள் , துன்ப ரேகைகள் , கவலைகள், மன உளைச்சல்கள் அனைத்தும் அவர்களை விட்டு விலகுகிறது .

இன்பத்திற்கு உகந்த அந்த நாளை புத்தாடை உடுத்தி மனமகிழ்வுடன் பொங்கள் பண்டிகையாக கொண்டாடுகின்றனர்.

அதைத் தான் நாம் பொங்கள் பண்டிகை என்று கொண்டாடுகிறோம் .

மாட்டுப் பொங்கல் :

தனது விவசாயத்திற்கு உதவி புரிந்த மாட்டிற்கு நன்றி தெரிவிக்கும் நாள் மாட்டுப் பொங்கல் என்ற பண்டிகையாகக் கொண்டாடப் படுகிறது .

மாட்டை அலங்கரித்து , அதற்கு பூஜை செய்து , கடவுளாக கும்பிட்டு ,அது விருப்பப்படும் உணவை சாப்பிடக் கொடுத்து , அதை சுதந்திரமாக ஊரைச் சுற்றி வலம் வரும் படி விட்டு விடுவார்கள் .

மாடும் சுதந்திரமாக சுற்றித் திரியும் .

மாட்டை சிறப்பிக்கும் இந்த நாளைத் தான் நாம் மாட்டுப் பொங்கல் தினமாக கொண்டாடுகிறோம் .

காணும் பொங்கல்:

இரத்தத்தை நிலமாக்கி ,

சிந்தனையை விதையாக்கி ,

உழைப்பை உரமாக்கி ,

கவலைகளை தண்ணீராக்கி ,

உழுது பயிரிட்டு விவசாயம் செய்து ,

களைத்து போன உழவர்கள் தாங்கள் உழுது பயிரிட்ட நெல்லை எடுத்து கொண்டு , வேறு ஊரில் வசிக்கும் தங்கள் உறவினர்கள் வீட்டிற்கு கொண்டு சென்று தங்கள் நெல்லை அவர்களுக்கு கொடுப்பார்கள் .

வேறு ஊரில் வாழும் உறவினர்களுடைய வேறு வகையான நெல்லை வாங்கி வருவார்கள் .

உறவினர்கள் ஒருவருக்கொருவர்  கூடி மகிழ்ந்து சந்தோஷமாக இருப்பார்கள் .

அந்த நாளைத் தான்,

ஒருவரை ஒருவர்  காணும் நாளாக அதாவது காணும் பொங்கலாக கொண்டாடுகிறோம் .

வேறுபட்ட பெயர்களில் உள்ள மாறுபட்ட பண்டிகைகளில் உள்ள அர்த்தத்தை புரிந்து கொள்வோம் .

                                மனது சிறப்புற கொண்டாடுவோம் ,

                                சூத்திரங்களைப் பயன் படுத்துவோம் ,

                                சூட்சும ரகசியங்களை உணர்வோம் .

       கால தேவனின் நற்கருணையால்,

       கற்பனைக்கு எட்டாத சக்திகளை ,

       காலத்தே பெற்று மகிழ்வோம்.

                             நல்ல மனம் படைப்போம்,

                            நல்ல செயல்களைச் செய்வோம்,

                            நல்லோர்  களுக்கு உதவுவோம் ,

                           மனிதத் தன்மையை உணர்த்துவோம்,

     கால மாற்றத்தை அறிவோம் ,

     கருத்துக்களை மனதில் நிறுத்துவோம் ,

    அனுபவங்களை சிந்தனையில் செதுக்குவோம் ,

                         பகைநெஞ்சம் கொண்ட மாற்றாரின்

                                       குறுக்கு புத்தியை அறிவோம்,

                       தள்ளி நின்று அவருடன்

                                   பகை   மையைத் தவிர்ப்போம் .

                        உறவாடிக் கெடுப்போரை உதறுவோம் ,

      நயமாகப் பேசி நயவஞ்சகம்

                  செய்து வாழ்வோரை நசுக்குவோம் .

      எதிரிகளை வீழ்த்தும் உபாயம்அறிந்து

                    வீழ்த்தி வெற்றி பெறுவோம் .

                    
அண்டிப் பிழைத்து வருவோரை

                                     அரியணை ஏற மாட்டோம்.

                     அடிமையாக இருந்து காலத்தை

                                    வீணாய் கழிக்க  மாட்டோம்.

உறவுகளை மதித்து நடப்போம்,

உரிமையை விட மாட்டோம்,

தலைதாழல் செய்ய மாட்டோம்,

                              சுடர்  விழி காட்டுவோம் ,

                             சூழ் பகையை உடைப்போம் ,

                             ஆறாவதுஅறிவை விழிப்படையச் செய்வோம் ,

                              மனிதனாக இருக்க முயற்சிப்போம்,

                               மனித நேயம் வளர்ப்போம்,   

மானிடரை வழி நடத்துவோம்

சிந்திப்போம் சீர்துhக்குவோம் செயல்படுவோம்,

புத்துணர்ச்சி பெற்று உயர்வோம்,

புது உலகைப் படைப்போம்,

                         உழைப்பை உயிராக்கி விதைப்போம் ,

                         விடாமுயற்சி உரத்தை துhவுவோம் ,

                          தன்னம்பிக்கை நீரைப் பாய்ச்சுவோம்,

                          கர்மவினைக் களைகளைக் களைவோம்,

                           வெற்றியை அறுவடை செய்வோம்,

                           இன்பத் திரு நாளாம்,

                         தைப் பொங்கலை கொண்டாடுவோம்,

                         பொங்கல் நல் வாழ்த்துக்கள்.

                                         ---------கவிதைகள்--

                                ----பாலகங்காதரன்----