இயேசு கிறிஸ்து-திருவள்ளுவர்-உடையார்முன்-பதிவு-11

                இயேசு கிறிஸ்து-திருவள்ளுவர்-உடையார்முன்-பதிவு-11

      

                        “”பதிவு பதினொன்றை விரித்துச் சொல்ல

                                                              ஈசர்  பயின்றெடுத்த கரிமுகன் காப்பாகும்””

இயேசு கிறிஸ்து :

                                   குடும்பத்தில் உள்ளவர்கள் ,

                                   உறவு முறைகள் ,

                                   நெருக்கமான நண்பர்கள் ,

                                    நெருக்கமில்லாத நண்பர்கள் ,

                                    வீட்டிச் சுற்றி இருந்தவர்கள்,

                                    வீட்டைச் சுற்றி இருந்து விட்டு சென்றவர்கள் ,

                                    அலுவலகத்தில் உடன் பணி புரிவோர் ,

ஏதேனும் விழா நடத்தினால்,

விழாவுக்கு நம்மை வரும்படி அழைத்தால்,

நாம் செய்ய வேண்டியவை யாவை ? என்பதை இயேசு கீழ்க்கண்ட வசனங்கள் மூலம் கூறுகிறார் :

வசனம்-1:

“நீ அழைக்கப் பட்டிருக்கும் போது போய் தாழ்ந்த இடத்தில் உட்காரு; அப்பொழுது உன்னை அழைத்தவன் வந்து சிநேகிதனே , உயர்ந்த இடத்தில் வாரும் என்று சொல்லும் போது, உன்னுடனே கூடப் பந்தியிருக்கிறவர்களுக்கு முன்பாக உனக்கு கனமுண்டாகும்.”

                                                                       -----லுhக்கா - 14 : 10

பணம் பல வழிகளில் அடைந்து உயர்ந்தாலும் ;

செல்வச் செழிப்பில் திளைத்து மகிழ்ந்தாலும் ;

தொழில்கள் பல செய்து வெற்றி பெற்றாலும் ;

நிலங்கள் பலவற்றை வாங்கி வைத்திருந்தாலும் ;

வீடுகள் பலவற்றை கட்டி , நல்ல நிலைதனை அடைந்தாலும் ;

அறிவாளி என்று பலர்  பாராட்டினாலும் ;

புத்திசாலி என்று பலர்  சிறப்பித்தாலும் ;

ஏவல் செய்வதற்கு பணியாள் பல வைத்திருந்தாலும் ;

பதவி சுகத்தில் திளைத்தாலும் ;

அதிகார போதையில் மிதந்தாலும் ;

சமுதாயம் உயர்ந்தோன் என்று அடையாளக் குறி வைத்து

அழைக்கக் கூடிய தகுதிகள் பல பெற்றாலும் ;

பிறர்  உங்களை கையெடுத்து கும்பிடும் அளவுக்கு

மதிப்பு உங்களுக்கு இருந்தாலும் ;

திருமணம் சடங்கு விழாக்களுக்கு சென்றால் ,

அமர்வதற்கு என்று வரிசையாக அடுக்கி வைக்கப் பட்டிருக்கும் நாற்காலிகளில் ,

கடைசி வரிசையில் உள்ள நாற்காலியில் அமர்ந்து கொள்ள வேண்டும் .

விழாவை நடத்துவோர் ,

விழாவை நடத்துபவருடைய குடும்பத்தார் ,

விழாவை நடத்துபவருடைய உறவினர்கள் ,

விழாவை நடத்துபவருடைய சுற்றத்தார் ,

நம்மை அடையாளம் கண்டு கொண்டு

அன்பாகவும் , அமைதியாகவும்  ,பண்பாகவும்

முன் வரிசையில் வந்து அமருங்கள் என்று நம்மை கேட்பார்கள் .

நாம் அதை மறுத்தால் ,

அவருடைய கோரிக்கையை , ஏற்க மணமில்லாமல் ,

கடைசி வரிசையிலேயே அமர்ந்து கொள்கிறேன் என்று சொன்னால்,

அவர்கள் அன்பின் மேலிட்டால்

அன்பு அதிகமாகி நம்மை

நம்முடைய கையைப் பிடித்து இழுத்துச் சென்று முன் வரிசையில் அமர வைப்பார்கள் .

இந்தக் காட்சியைக் காண்பவர்கள் ,

இந்தக் காட்சியைக் காணும் அன்பர்கள் ,

விழாவிற்கு வந்தவர்கள் ,

விழாவை சிறப்பிக்க வந்தவர்கள் ,

நம்மை ஆச்சரியக் கண் கொண்டு

வியப்பு மேலிட்டால் பார்த்து ,

சிறப்பான தகுதிகள் பலவற்றை கொண்டவராக இருப்பார் ;

சமுதாயத்தில் உயர்ந்தவராக இருப்பார் ;

விழாவுக்கு வந்திருப்பவர்களில் சிறந்தவராக இருப்பார் ;

சமுதாய அங்கீகாரத்தை பெற்றவராக இருப்பார் ;

அவ்வளவு பெற்றும் அவர்  அமைதியாக,  அடக்கமாக ,

எந்த விதமான ஆடம்பரமும் இல்லாமல் ,பின் வரிசையில் அமர்ந்திருக்கிறார்;

எவ்வளவு உயர்ந்தவர்  இவர் ,

மனதில் சிறந்தவர்  இவர் ,

அடக்கத்தில் அருமையானவர்  இவர் - என்று

இந்த சமுதாயமும் , சமுதாய மக்களும் விழாவுக்கு வந்திருப்பவர்கள் ;

அவரை நம்மை போற்றி புகழ்வார்கள் ;

ஆச்சரியக் கண் கொண்டு பார்ப்பார்கள்;

அதிசயத்தில் திளைப்பார்கள் ;

இதைத் தான் இயேசு ,

தன்னைத் தான் தாழ்த்துகிறவன் உயர்த்தப்படுவான் என்கிறார் .

வசனம் -2,3 :

“ஒருவனால் கலியாணத்துக்கு நீ அழைக்கப் பட்டிருக்கும் போது , பந்தியில் முதன்மையான இடத்தில் உட்காராதே ; உன்னிலும் கனமுள்ளவன் ஒரு வேளை அவனால் அழைக்கப் பட்டிருப்பான்.”

                                                                    ------லுhக்கா - 14 : 8

“அப்பொழுது உன்னையும் அவனையும் அழைத்தவன் உன்னிடத்தில் வந்து; இவருக்கு இடங்கொடு என்பான்; அப்பொழுது நீ வெட்கத்தோடே தாழ்ந்த இடத்திற்குப் போக வேண்டியதாயிருக்கும்.”

                                                                --------லுhக்கா - 14 : 9

நாம் நம்மை தாழ்த்திக் கொண்டு கடைசி வரிசையில் அமராமல் ,

ஆணவத்தை மண்டையில் ஏற்றிக் கொண்டு ,

கர்வத்தை மனத்தில் பதித்துக் கொண்டு ,

          அறிவில் தெளிந்தவன் ;

          ஆன்மீகத்தில் உயர்ந்தவன் ;

          இன்பத்தைத் துய்ப்பவன் ;

          ஈகையில் சிறந்தவன் ;

          உண்மையே பேசுபவன் ;

          ஊருக்கெல்லாம் உழைப்பவன்;     

          எளிமையில் விளங்குபவன் ;

          ஏழ்மைக்கு உதவுபவன் ;

          ஐயத்தை விளக்குபவன் ;

          ஓற்றுமையை உணர்த்துபவன் ;

          ஓர்மையில் தெளிந்தவன் ;

          ஓளஷதத்தில் சிறந்தவன் ;

          எஃதையும் வெல்லுபவன் ;

என்று தன்னை நினைத்துக் கொண்டு ,

அறிவு தெளிவு பெறாமல் ,

சிந்தனை சீர்திருத்தம் பெறாமல் ,

முன் வரிசையில் சென்று அமர்ந்தால் ,

நம்மை விட உயர்ந்தவர்  யாரேனும் விழாவுக்கு வந்தால் ,

விழாவை நடத்துவோர்  நாற்காலி இல்லை அமர இடம் தேவை - என்ற

காரணங்களைக் காட்டி நம்மை பின் வரிசையில் உள்ள நாற்காலியில்

சென்று அமரச் சொல்வர் .

விழாவுக்கு வந்திருப்போர் ,

இந்த சமுதாயத்தில் உள்ளவர்கள் ,

வினாக் குறிகளை விழிகளில் தேக்கிக் கொண்டு பார்க்கும்;

சுட்டெரிக்கும் சுடர் நெருப்பில் நமது மனம் வெந்து சாம்பலாகும் ;

அவமானத்தால்  தலை கவிழும் ;

            இதயம் உடையும்;          

            கோபம் எழ நேரம் பார்க்கும் ;

            கண்ணீர்த் துளிகள் கண்களை விட்டு

            இந்த உலகத்தை எட்டி பார்க்க நேரம் பார்க்கும் ;

அதனால் தான் இயேசு ,

தன்னைத் தான் உயர்த்துகிறவனெவனும் தாழ்த்தப்படுவான் என்கிறார் .

வசனம்-4 :

 “தன்னைத் தான் உயர்த்துகிறவனெவனும் தாழ்த்தப்படுவான் , தன்னைத் தான் தாழ்த்துகிறவன் உயர்த்தப் படுவான் என்றார்.”

                                                                      - லுhக்கா - 14 : 11

பணம் ,பதவி ,புகழ் ,செல்வாக்கு ,அதிகாரம்-  என்று

பலவற்றை தன்னகத்தே கொண்டிருந்தாலும்

சமுதாயத்தில் தன்னை தாழ்த்திக் கொள்கிறவன் எவனும்

இந்த சமுதாயத்தால் உயர்த்தப் படுவான் .

பணம் ,பதவி ,புகழ் ,செல்வாக்கு, அதிகாரம்-  என்று

பலவற்றை தன்னகத்தே கொண்டிருந்தாலும்

சமுதாயத்தில் தன்னை உயர்த்திக் கொள்கிறவன் எவனும்

இந்த சமுதாயத்தால் தாழ்த்தப் படுவான்.

என்கிறார்  இயேசு .

திருவள்ளுவர்:

          “””””உடையார்முன் இல்லார்போல் ஏக்கற்றுங் கற்றார்

                  கடையரே கல்லா தவர்”””””

                                                       ----திருவள்ளுவர்---திருக்குறள்----

                

                                       பணம் படைத்தவனிடம் ,

                                      பணம் இல்லாதவன் ,

                                      பணிந்து தான் இருக்க வேண்டும் .

                    அதிகாரம் உள்ளவனிடம் ,

                    அதிகாரம் இல்லாதவன் ,

                   அடங்கித்தான் இருக்க வேண்டும் .

                                     பதவி உள்ளவனிடம் ,

                                    பதவி இல்லாதவன் ,

                                    ஒடுங்கித்தான் இருக்க வேண்டும் .

                உயர்ந்தவனிடம் ,

                தாழ்ந்தவன் ,

                அடிமையாகத் தான் இருக்க வேண்டும் .

பணம் படைத்தவனிடம் ,

அதிகாரம் உள்ளவனிடம் ,

பதவி உள்ளவனிடம் ,

உயர்ந்தவனிடம் ,

இவைகள் இல்லாதவன்

பணிந்து ,அடங்கி ,அடிமையாகத் தான் இருக்க வேண்டும் .

என்ற எழுதப்படாத ஒரு விதி இந்த சமுதாயத்தில் இருக்கிறது .

அது சமுதாயத்தை மட்டுமில்லை

மக்கள் மனங்களையும் அரித்து விட்டிருக்கிறது .

இதை மாற்ற நினைத்தவர்கள்

சீர்திருத்த முற்பட்டவர்கள் தான்

மாண்டு போனார்களே ஒழிய

சமுதாயம் மாறவில்லை;

மக்கள் திருந்தவில்லை ;

அறியாமை விலகவில்லை ;

அறிவொளி பரவவில்லை ;

சமுதாயம் தன்னுடைய சட்ட திட்டங்களை மாற்றவில்லை ;

சமுதாயம் தன்னுடைய கொடுமைக்கார முகமூடியைக் கழற்றவில்லை ;

பணம் படைத்தவனிடம் ,

அதிகாரம் உள்ளவனிடம் ,

பதவி உள்ளவனிடம் ,

உயர்ந்தவனிடம் ,

உள்ள சமுதாய மேன்மைக்கான

அடையாளக் குறியீடுகள் உள்ளவனிடம்

அவைகள் இல்லாதவன்

பணிந்து ,வணங்கி ,அடங்கி

அடிமையாகத் தான் இருக்க வேண்டும் .

நான் அடங்கிப் போக மாட்டேன் ,

எனக்கு மானம் இருக்கிறது ,

சுயமரியாதை இருக்கிறது ,

தன்மானம் இருக்கிறது ,

என்று வீர வசனங்கள் பேசி ,

கொடுமை கண்டு ஆர்த்தெழுவேன் ;

மடமை முன் மண்டியிட மாட்டேன் ;

சுயமரியாதையை விட்டுக் கொடுக்க மாட்டேன் ;

மானத்தை மண்டியிடச் செய்து விட்டு வாழ மாட்டேன் ;

என்று வீண் வசனம் பேசி திரிந்து கொண்டு ,

இந்த அவனியில் எந்த மூலையிலும் சென்று ,

நிம்மதியாக வாழ முடியாது .

பணம் படைத்தவனிடம் பல்லிளிக்கிறது சமுதாயம் ;

பதவி உள்ளவனிடம் அடிபணிகிறது சட்டம் ;

அதிகாரம் உள்ளவனிடம் வளைந்து கொடுக்கிறது நீதி ;

என்ற நிலை இச் சமுதாயத்தில்

இருக்கும் வரை ,

உடையவனிடம் இல்லாதவன்

பணிவாகத் தான் இருக்க வேண்டும் .

அத்தகையை ஒரு நிலையை நம் வாழ்க்கையில்

ஏற்படுத்திக் கொண்டால் தான்

நாம் நம் வாழ்க்கையை

நிம்மதியாக , அமைதியாக ஓட்ட முடியும் .

அதைப் போல ,

அறிவு விளக்கம் பெற்றவனிடம் ;

புத்தி தெளிவு பெற்றவனிடம் ;

ஞானத் தன்மை அடைந்தவனிடம் ;

சிந்தனை சீர்பெற்று விளங்குபவனிடம் ;

கலைகளை கசடறக் கற்றவனிடம் ;

மறைபொருளை மறைப்பின்றி உணர்ந்தவனிடம் ;

சூட்சுமத்தின் ரகசியத்தை அறிந்தவனிடம் ;

இன்பத்தின் இனிமையை அனுபவித்தவனிடம் ;

துன்பத்தைக் களைய படித்தவனிடம் ;

இத்தகைய தன்மைகள் உள்ளவனிடம்

இத்தகைய தன்மைகள் இல்லாதவர்கள்

இத்தகைய தன்மைகளில்

எத்தகைய தன்மையை பெறவேண்டும்

என்று நினைக்கிறார்களோ,

அத்தகையவரிடம் சென்று ,

அன்பாக ,பணிவாக ,அடக்கமாக

உடையவன் முன் இல்லாதவன் எவ்வாறு

தன் வாழ்விற்கு

தேவையான நிம்மதியைப் பெற்றுக் கொண்டு

அமைதியாக இருக்கிறானோ ?

நிம்மதியாக வாழ்க்கையை நடத்துகிறானோ ?

அத்தகைய ஒரு நிலையில் ,

அடிமையாக இருந்து ,

அமைதியாக இருந்து ,

பணிவாக இருந்து ,

தனக்கு தேவையானவற்றைக் கற்றுக் கொள்ள வேண்டும் .

இத்தகைய ஒரு நிலையில் ,

அமைதியாக ,அடக்கமாக , பணிவாக

அடிமையாக இருந்து கற்க முடியாது என்றால்

அவரால் வாழ்க்கையில்

எந்த ஒரு விஷயத்தையும் கற்றுக் கொள்ள முடியாது .

தனக்குத் தெரியாத ஒன்றை கற்றுக் கொள்ள முயற்சி செய்பவன் சீடன்

கற்றுக் கொள்ள  நினைப்பவனுக்கு கற்றுக் கொடுப்பவர்  குரு

என்பதை மனதில் கொண்டால் இயற்கையாகவே

அமைதி பணிவு வந்து விடும்

என்கிறார் திருவள்ளுவர் .

இயேசு கிறிஸ்து - திருவள்ளுவர்:

இயேசு , தன்னைத் தானே தாழ்த்திக் கொள்கிறவன் எவனும் இந்த சமுதாயத்தால் உயர்த்தப்படுவான் ;

தன்னைத் தானே உயர்த்திக் கொள்கிறவன் எவனும் இந்த சமுதாயத்தால் தாழ்த்தப்படுவான் ;

என்கிறார் .

அவ்வாறே

திருவள்ளுவரும் , தன்னைத் தானே தாழ்த்திக் கொள்கிறவன் எவனும் இந்த சமுதாயத்திற்குத் தேவையானவைகளை  பெற்றுக் கொள்வதால்,

இந்த சமுதாயத்தால் மதிக்கக் கூடிய சூழ்நிலை உருவாகி இந்த சமுதாயத்தால் உயர்த்தப்படுவான் ;

தன்னைத் தானே தாழ்த்திக் கொள்ளாமல் , உயர்த்திக் கொள்கிறவன் இந்த சமுதாயத்திற்கு தேவையானவைகளைப்  பெற முடியாமல் போவதால் ,

இந்த சமுதாயத்தால் அவமானம் அடையக் கூடிய சூழ்நிலை உருவாகி இந்த சமுதாயத்தால் தாழ்த்தப்படுவான்;

என்கிறார்.

                          “”போதித்த குருவின்பாதம் தெண்டனிட்டுப்

                                                        போற்றினேன் பதிவுபதினொன் றுந்தான்முற்றே “”