பரம்பொருள்-பதிவு-141

              பரம்பொருள்-பதிவு-141

உலூபி :

“பரவாயில்லை

நீங்கள் சொல்லலாம்”

சகாதேவன் :

“நான் சொல்வதால்

எனக்கு எந்த

பிரச்சினையும்

ஏற்படப் போவதில்லை ;

ஆனால், உங்களுக்கு

எந்த பிரச்சினையும்

ஏற்பட்டு விடக்கூடாது

என்பதற்காக யோசித்தேன் “

“நீங்களே ! கேட்கும் போது

சொல்லவேண்டியது

என்னுடைய கடமை

சொல்கிறேன் கேளுங்கள் “

“ஒருவர் இந்த உலகத்தை

கட்டி காப்பாற்றிக்

கொண்டிருக்கும்

பரந்தாமன் கிருஷ்ணன் “

“இன்னொருவர்

என்னுடைய அண்ணனும்

உங்களுடைய

கணவருமாகிய அர்ஜுனன் “

உலூபி  :

(ஐயோ ! என்று

சொல்லிக் கொண்டே

தன்னுடைய இரண்டு

காதுகளையும் மூடிக்

கொண்டாள் உலூபி)

சகாதேவன்  :

“நான் சொன்னேன் அல்லவா

நீங்கள் காதை மூடிக்

கொள்வீர்கள் என்று?”

உலூபி  :

( உலூபி தன்னுடைய

காதுகளில் இருந்து

தன்னுடைய இரண்டு

கைகளையும் எடுத்து

விட்டு சகாதேவனைப்

பார்த்தாள் - சகாதேவன்

பேசுவது எதுவும்

உலூபியின் காதுகளில்

விழவே இல்லை ;

அவளுடைய காதுகளுக்கு

எந்தவிதமான சத்தமும்

விழவே இல்லை ;

உலூபி எதுவும் சொல்ல

முடியாமல் மௌனமாக

இருந்தாள் - அவளை

அறியாமல் அவள்

கண்களிலிருந்து

கண்ணீர் வந்தது - அதைத்

துடைத்துக் கொண்டாள் )

சகாதேவன்  :

“நீங்கள் உங்களுடைய

வாயை மூடிக் கொண்டிருந்தால்

காதுகளை மூட வேண்டிய

அவசியம் உங்களுக்கு

ஏற்பட்டிருக்காது “

“நீங்கள் உங்களுடைய

வாயை மூடவில்லை

அதனால் உங்களுடைய

காதுகளை மூட வேண்டிய

அவசியம் ஏற்பட்டு விட்டது. “

தர்மர்  :

“சகாதேவா…………………….?”

சகாதேவன் :

“என்ன அண்ணா ? “

தர்மர்  :

“உன் முன்னால் நிற்பது

உன்னுடைய அண்ணி

என்பதை உணர்ந்து கொண்டு

வார்த்தையை அளந்து பேசு “

“மகனைப் பற்றிய கவலையில்

இருக்கும் ஒரு தாயிடம்

பேசிக் கொண்டிருக்கிறோம்

என்பதை உணர்ந்து

கொண்டு பேசு “

சகாதேவன் :

“உண்மையைத் தானே

அண்ணா பேசினேன் “

தர்மர் :

“உண்மை எல்லா இடங்களிலும்

இனிப்பாக இருக்காது ;

சில இடங்களில் உண்மை

கசப்பாகத் தான் இருக்கும் ;

என்பதை உணர்ந்து

கொண்டு பேசு“

“நீ பேசும் உண்மைகள்

தாய்ப்பாசத்தால்

வாடிப்போயிருக்கும்

ஒரு தாயின் இதயத்தை

காயப்படுத்துவது போல்

இருக்கக் கூடாது “

“அமைதியாக பேசு”

“அதே நேரத்தில்

நிதானமாகப் பேசு”

சகாதேவன்  :

“அப்படியே ஆகட்டும்

அண்ணா ! “

உலூபி :

(சகாதேவனைப் பார்த்து

உலூபி பேசத் தொடங்கினாள்)

“நீங்கள் என்ன

நினைக்கிறீர்களோ-அதை

தாராளமாகப் பேசலாம் ;

நான் எதையும் தவறாக

எடுத்துக் கொள்ள மாட்டேன்  

மிகப்பெரிய இடியையே

தாங்கிக் கொண்டிருக்கும்

என்னுடைய இதயம்

உங்களுடைய சூடான

வார்த்தைகளையா தாங்காது “

சகாதேவன் :

“நான் பேசிய எந்த

வார்த்தையாவது

உங்களுடைய மனதை

புண்படுத்தி இருந்தால்

அதற்காக நான் மன்னிப்பு

கேட்டுக் கொள்கிறேன் “

உலூபி :

“உங்களை மன்னிக்கும்

அளவிற்கு நீங்கள் - எந்த

தவறான சொல்லையும்

சொல்லவில்லை ;

காலம் என்ன சொல்ல

நினைத்ததோ - அதைத்

தான் நீங்கள் சொன்னீர்கள் ;

காலம் செய்து கொண்டிருக்கும்

தவறுக்கு உங்களை எப்படி

குற்றம் சொல்ல முடியும் “

“எனக்கு சோதிட

சாஸ்திரத்தில் ஒரு சந்தேகம்

இருக்கிறது - அதை

உங்களால் தீர்க்க முடியுமா ? “

சகாதேவன் :

“என்னால் முடிந்த அளவு

உங்களுடைய சந்தேகத்தை

தீர்க்கிறேன் கேளுங்கள்

உங்கள் சந்தேகம் என்ன ?”

----------- இன்னும் வரும்

----------- K.பாலகங்காதரன்

----------- 27-02-2020

//////////////////////////////////////////