பரம்பொருள்-பதிவு-197

             ஜபம்-பதிவு-445

           (பரம்பொருள்-197)

“மரணமே

ஒருவரைப் பார்த்து

மரண பயத்தில்

ஓலமிட்டு

அலறுகிறது என்றால்

அது அரவானைப்

பார்த்துத் தான்

என்று சொல்லத்

தக்க வகையில் “

“வீரத்தின் விளை

நிலமாக பிறந்த

அரவானை ;

அச்சத்தின் பொருள்

கூடத் தெரியாத

அரவானை ;

பயம் என்றால்

என்ன என்றே

தெரியாமல் வளர்ந்த

அரவானை ;

தைரியத்தின்

முன்னோடியாகத்

திகழ்ந்து 

கொண்டிருக்கும்

அரவானை ;

மனவுறுதிக்கு

இலக்கணமாக வாழ்ந்து

கொண்டிருக்கும்

அரவானை ;

சிந்தினையில் கூட

சிந்தித்துப் பார்க்க

முடியாத

பிரமிக்கத் தக்க

செயலை செய்து

காட்டுவதற்காக

அஞ்சா நெஞ்சத்துடன்

வாளை கையில் ஏந்தி

நின்று கொண்டிருந்த

அரவானை ;

கண் இமை கொட்டாமல்

பார்த்துக் கொண்டு நின்று

கொண்டிருந்தார்கள்

பஞ்ச பாண்டவர்கள் ; “

“சரித்திரம் இதுவரை

பதிவு செய்யாத

ஒரு செயலை  ;

சரித்திரத்தில்

யாராலும் இனி பதிவு

செய்ய முடியாத

ஒரு செயலை ;

சரித்திரம் நினைத்தாலும்

காணவே முடியாத

ஒரு செயலை ;

சரித்திரம் பதிவு

செய்வதற்காக சரித்திர

முக்கியத்துவம் வாய்ந்த

ஒரு செயலை

நிகழ்த்திக் காட்டுவதற்காக

வாளை வலது

கையில் ஏந்திக்

கொண்டு கிருஷ்ணனின்

உத்தரவிற்காக

கிருஷ்ணனையே

பார்த்துக் கொண்டு

நின்று கொண்டிருந்தான்

அரவான் ; “

“கடமையின் தன்மையை

கருத்தில் கொண்டு ;

தகுந்த

காலத்தைக் கணித்து ;

தகுந்த காலத்தில்

கடமையைச் செய்தால்

கடமை

காலத்தைக் கடந்து

மக்கள் மனதில்

நிலைத்து நிற்கும் ;

காலத்தால் அழியாமல்

கருத்தானது

கடமையினில்

உயிர்த்து இருக்கும் ;

என்பதால்

தகுந்த நேரத்தில்

அரவான்

தன்னுடைய

தலையைத் தானே

வெட்ட வேண்டும்

என்பதற்காக

சரியான நேரத்தை

எதிர்பார்த்து

வானத்தை உற்று

நோக்கியபடி நின்று

கொண்டிருந்தார்

கிருஷ்ணன் ; “

“ஆதியும்

அந்தமும் இல்லாத

அருட்பெரும் ஜோதியாக

விளங்கிக் கொண்டிருக்கும்

பரம்பொருள்

பிரபஞ்சமாக பரிணமித்து

பிரபஞ்ச ரகசியங்கள்

அனைத்தையும் தன்னுள்

வைத்துக் கொண்டு

இயங்கிக் கொண்டிருக்கும்

இந்த பிரபஞ்சத்தில்  

உள்ள 9 கிரகங்கள்

12 வீடுகளில் உள்ள

27 நட்சத்திரங்கள்

இவைகளுடன் இந்த

பிரபஞ்சம் முழுவதும்

நிறைந்து இருக்ககூடிய

கோடிக்கணக்கான

நட்சத்திரங்கள்

ஆகியவற்றுடன்

பிரபஞ்சத்தில் உள்ள

அனைத்து பொருட்களும்

நடைபெறப் போகும்

நிகழ்வுக்கு சாட்சியாக

நின்று கொண்டிருந்தன “

“தன்னலம் கருதாமல்

பொது நலத்திற்காக

தன்னுடைய

தலையை தானே

வெட்டுவதற்காக

தயாராக இருக்கும்

அரவானைக் கண்டு

இந்த பிரபஞ்சமே

அதிர்ச்சியில் உறைந்து

போய் இருந்தது ;

நடக்கப் போகும்

நிகழ்வை உற்று

நோக்குவதற்காக

அச்சத்துடன் காத்துக்

கொண்டிருந்தது ;

அந்த இடமே

அமைதியால்

நிரப்பப்பட்டு இருந்தது ;

சத்தம் என்ற ஒன்றே

அங்கு இல்லாமல்

இருந்தது ;

நேரம் போய்க்

கொண்டே இருந்தது ;”

“அங்கே

நடக்கப்போகும் காட்சி

இதுவரை யாரும்

பார்க்காத காட்சி ;

இனியும் யாரும்

பார்க்க முடியாத

காட்சி ;

என்பதால்

ஒருவர் முகத்தை

ஒருவர் பார்த்துக்

கொண்டே இருந்தனர் ;

இதனால் காலம் கடந்து

கொண்டேபோய்க்

கொண்டு இருந்தது ;”

----------- ஜபம் இன்னும் வரும்

----------- K.பாலகங்காதரன்

----------- 15-04-2020

//////////////////////////////////////////