அறிய வேண்டியவை-பதிவு-35

             ஜபம்-பதிவு-527

        (அறிய வேண்டியவை-35)

(துரியோதனன் படுகாயமுற்று

இரத்த வெள்ளத்தில்

தரையில் படுத்துக்

கொண்டிருக்கிறான் ;

தொடைகள் முறிக்கப்பட்டு

புழுதியினால் மூடப்பட்ட

நிலையில் தரையில்

படுத்துக் கொண்டிருந்த

துரியோதனனுடைய

அருகில் சென்ற

சஞ்சயனிடம்

துரியோதனன்

பேசத் தொடங்கினான்;)

துரியோதனன் :

“சஞ்சயனே பதினோரு

அக்ரோணி சேனைக்குத்

தலைவனாக இருந்த

துரியோதனனான

என்னை நேருக்கு நேர்

நின்று போர் புரிந்து

வெற்றி பெற முடியாது

என்பதைத் தெரிந்து

கொண்ட கோழைகளான

பாண்டவர்கள்  ;

கபடவேடதாரியான

கிருஷ்ணனின்

கால் பிடித்து

வாழும் பாண்டவர்கள் ;

தர்மத்தின் வழி

செல்கிறேன் ;

தர்மத்தை நிலை

நாட்டப் போகிறேன் ;

என்று சொல்லிக்

கொண்டு நல்லவர்கள்

போல் நடித்துக் கொண்டு

அதர்மங்களை செய்து

கொண்டிருக்கும்

பாண்டவர்கள் ;

பீமனை வைத்து

நயவஞ்சக வேலை

செய்து போர்

விதிமுறைகளை மீறி

என்னைத் தாக்கியதால்

நான் அடிபட்டு

வீழ்ந்தேன் இதற்கு

காரணம் சூழ்ச்சிகளைச்

செய்யும்

கிருஷ்ணன் தான்;”.

“கபட வேடதாரி

கிருஷ்ணனின்

தூண்டுதலின்

பேரில் பீமன் போரின்

விதிமுறைகளை மீறி

என்னை தாக்கி

படுகாயமுறச்

செய்து இருக்கிறான் ;

இச்செயலால்

காயமுற்ற நான்

தரையில் இரத்த

வெள்ளத்தில்

புழுதிக்கு நடுவே

நகர முடியாமல்

இறப்பை எதிர்

நோக்கிக் காத்துக்

கொண்டிருக்கிறேன் ;

என்னால் நகர

முடியாமல்

கஷ்டப் பட்டுக்

கொண்டிருக்கிறேன் ;

இரத்த வெள்ளத்தில்

துடித்துக்

கொண்டிருக்கிறேன் ;

நயவஞ்சகம் என்னை

இந்த மண்ணில்

கிடத்தி இருக்கிறது ;

சூழ்ச்சி என்னை

நகர முடியால்

செய்து இருக்கிறது ;

சதித்திட்டம் என்னை

தோல்விக்கு கொண்டு

சென்று இருக்கிறது ;’

“எனக்கு ஏற்பட்டுள்ள

இந்த நிலைமையை

என்னுடைய தாய்

தந்தையரிடம் சென்று

சொல் நான் என்னுடைய

வாழ்க்கையில்

அனைத்துவிதமான

சுகங்களையும்

அனுபவித்து விட்டேன் ;

அரச தர்மப்படி

போர் செய்து அதனால்

ஏற்பட்ட காயத்தால்

நான் உயிர் துறக்க

இருக்கிறேன் ;

நான் புறமுதுகு காட்டி

ஓடவில்லை ;

போர்க்களத்தில் உயிர்

துறக்க இருக்கிறேன் ;

நயவஞ்சகம் என்னை

சாய்த்து விட்டது ;

இந்த உலகத்தை விட்டு

செல்லக்கூடிய

நேரம் நெருங்கிக்

கொண்டிருக்கிறது ;

எனக்கு ஏற்பட்டிருக்கும்

இந்த முடிவை

அஸ்வத்தாமன்

கிருபர் கிருதவர்மன்

ஆகியோரிடம்

சென்று சொல் ;”

(என்றான் துரியோதனன்

இச்செய்தியைக்

கேள்விபட்ட

அஸ்வத்தாமன் கிருபர்

கிருதவர்மன் ஆகியோர்

துரியோதனன் இருக்கும்

இடம் வந்தனர்

துரியோதனன் இருக்கும்

நிலையைப் பார்த்து

அஸ்வத்தாமன் கிருபர்

கிருதவர்மன் ஆகியோர்

கண் கலங்கி

நிற்கின்றனர்)

அஸ்வத்தாமன் :

“இளவரசே வீரத்திற்கு

இலக்கணமாக இருந்தீர்கள் ;

யாராலும் உங்களை

வீழ்த்த முடியாது

என்று சொல்லத்தக்க

வகையில்

வீரனாகவே வாழ்ந்தீர்கள் ;”

“யாருக்கும் தலை

வணங்காத நீங்கள்

தரையில் புழுதியில்

படுத்துக்

கொண்டிருக்கிறீர்கள் ;

உலகத்தையே ஆளக்கூடிய

வல்லமை படைத்த

நீங்கள் தரையில் நகர

முடியாமல் இருக்கிறீர்கள் ;”

“:உம்முடைய

அரியணை எங்கே ?

உம்முடைய

வெண்கொற்றக்குடை

எங்கே?

உம்முடைய மாபெரும்

படை எங்கே ?

உம்முடைய வீரமும்

புகழும் எங்கே ?

என்னுடைய

கண்களையே என்னால்

நம்பமுடியவில்லை  ;

வீரம் வீழ்ந்து

கிடக்கிறது ;

வீரம் நகர

முடியாமல் இருப்பதை

என்னால் நம்பவே

முடியவில்லை ;

இளவரசே உங்களுக்கு

நேருக்கு நேராக

நின்று போரிட்டு

வெற்றி பெற

முடியாத போது

உங்களை எப்படி

வீழ்த்தினார்கள் ;”

----------- ஜபம் இன்னும் வரும்

----------- K.பாலகங்காதரன்

----------- 24-06-2020

//////////////////////////////////////////