அறிய வேண்டியவை-பதிவு-36

              ஜபம்-பதிவு-528

       (அறிய வேண்டியவை-36)

துரியோதனன் :

“வஞ்சனை என்னை

வீழ்த்தி விட்டது ;

சூழ்ச்சி என்னை

சாய்த்து விட்டது ;

போரின் விதிமுறைகளை

மீறி பீமன் என்னை

கிருஷ்ணனின்

தூண்டுதலின் பேரில்

என்னைத் தாக்கினான் ;

அதனால் நான்

இந்த நிலைக்கு

ஆளானேன் ;

நான் வாழ்க்கையில்

அனுபவிக்க வேண்டிய

அனைத்து சுகங்களையும்

அனுபவித்து விட்டேன் ;

ஆகவே நீங்கள்

கவலைப்பட வேண்டாம் ;

இறப்பு என்னை

நெருங்கிக்

கொண்டிருக்கிறது  ;

காலன் என்னை

அழைக்க வந்து

கொண்டிருக்கிறான் ;

இந்த உலகத்தை

விட்டு செல்வதற்கான

நேரம் நெருங்கிக்

கொண்டிருக்கிறது ; “

அஸ்வத்தாமன் :

“பாண்டவர்கள் தாங்கள்

நல்லவர்கள் என்பதை

இந்த உலகத்தில்

உள்ள மக்கள்

அனைவருடைய

மனதிலும்

ஆழமாக பதித்து

வைத்து இருக்கிறார்கள் ;

இதனால் உலகம்

பாண்டவர்களை

நல்லவர்கள் என்று நம்பிக்

கொண்டு இருக்கிறது ;”

“இதனால் பாண்டவர்கள்

செய்யும் தவறுகள்

இந்த உலகத்தில்

உள்ள மக்களுக்கு

தெரிவதே இல்லை  ;

அதர்மச் செயல்களை

பாண்டவர்கள் புரிந்தாலும்

அதை கவனத்தில்

கொள்வதே இல்லை ;

சூழ்ச்சிகள் செய்தாலும்

அதை பெரிதாக

எடுத்துக் கொள்வதில்லை ;

நயவஞ்சகம் புரிந்தாலும்

இந்த உலகம்

நம்புவதே இல்லை  ;”

“ஆனால் கௌரவர்களை

இந்த உலகம்

கெட்டவர்கள் என்றே

பார்க்கிறது ;

கெட்டவர்கள் என்பதை

இந்த உலகம்

தன்னுடைய மனதில்

ஆழமாக பதித்து

வைத்திருக்கிறது ;

அதனால் கௌரவர்கள்

நல்லது செய்தாலும்

அதை இந்த உலகம்

கவனத்தில் எடுத்துக்

கொள்வதில்லை ;”

“கௌரவர்கள் எந்த

செயலைச் செய்தாலும்

அதை தவறாகவே

பார்க்கிறது - கௌரவர்கள்

பக்கம் உள்ள

நியாயத்தை சிந்தித்துக்

கூட பார்ப்பதில்லை ;

தர்மத்தின் வழி நின்று

தர்ம காரியங்களைச்

செய்தாலும்

அதர்மமாகவே பார்க்கிறது ;”

“நல்லவர்கள் என்ற

போர்வையைப்

போர்த்திக் கொண்டு

பாண்டவர்கள் செய்யும்

அட்டூழியங்கள்

எல்லை மீறியதால்

தான் இளவரசே

தங்களுக்கு இந்த

முடிவு ஏற்பட்டிருக்கிறது ;

தங்களுக்கு ஏற்பட்ட

இந்த செயலுக்கு

நான் பழி வாங்குவேன் ;”

“சூழ்ச்சியால் என்னுடைய

தந்தை கொல்லப்பட்ட

போதும் நான்

இவ்வளவு வேதனை

அடையவில்லை  ;

உங்களைக் கண்டு

அளவிட முடியாத

வேதனை அடைகிறேன் ;

உங்களுக்கு ஏற்பட்ட

இந்த நிலைக்கு பழி

வாங்குவேன் இந்த

செயலுக்கு

காரணமானவர்கள்

ஒருவரையும் நான்

சும்மா விடப்போவதில்லை  ;

பாண்டவர்களையும்

பாஞ்சாலர்களையும்

கொன்று குவிப்பேன் ;

இது சத்தியம்

எனக்கு அனுமதி

அளியுங்கள் இளவரசே!”

துரியோதனன் :

“கிருபாச்சாரியாரே ஒரு

பாத்திரத்தில் நீர்

கொண்டு வாருங்கள்”

(கிருபாச்சாரியார் ஒரு

பாத்திரத்தில் நீர்

கொண்டு வருகிறார்)

“கிருபாச்சாரியாரே

நம்முடைய படைகளுக்கு

அஸ்வத்தாமனை

சேனாதிபதியாக்குகிறேன் ;

அஸ்வத்தாமனை

சேனாதிபதியாக்குவதற்கு

செய்ய

வேண்டியவைகளை

செய்யுமாறு

கேட்டுக் கொள்கிறேன் ;”

(கிருபாச்சாரியார்

அஸ்வத்தாமன்

தலையில்

நீர் ஊற்றுகிறார்

மங்களஸ்நானம்

செய்கிறார் ;

துரியோதனன் அருகில்

சென்றான் அஸ்வத்தாமன் ;

அஸ்வத்தாமனுக்கு

துரியோதனன்

இரத்தத்தால்

திலகமிட்டான் ;)

அஸ்வத்தாமன் :

“எனக்கு என்ன

கட்டளை இளவரசே ‘

துரியோதனன் :

“பாண்டவர்கள் மடிய

வேண்டும் பாண்டவர்கள்

இறப்பு சாதாரணமாக

நிகழக் கூடாது யாரும்

கனவிலும் நினைத்து

கூட பார்க்காத வகையில்

பயங்கரமானதாக

இருக்க வேண்டும்  ;

பாண்டவர்களுடைய

அறுபட்ட தலைகள்

எனக்கு வேண்டும் ;

பாண்டவர்களுடைய

தலையை கொய்து

என்னிடம் கொண்டு வா

பாண்டவர்கள்

இறந்தார்கள் என்ற

செய்தி கேட்டு

விட்டுத் தான் நான்

உயிர் துறப்பேன்  ;”

----------- ஜபம் இன்னும் வரும்

----------- K.பாலகங்காதரன்

----------- 24-06-2020

//////////////////////////////////////////