அறிய வேண்டியவை-பதிவு-42

              ஜபம்-பதிவு-534

        (அறிய வேண்டியவை-42)

(வெற்றிக் களிப்புடன்

வெளியே வந்தான்

அஸ்வத்தாமன்

அவனை கிருபரும்

கிருதவர்மனும்

வரவேற்றனர்)

கிருபர் :

“நாம் வெற்றி

பெற்று விட்டோம்

அஸ்வத்தாமா - நீ

நினைத்ததை முடித்து

விட்டாய் - நீ

எண்ணியதை செய்து

காட்டி விட்டாய் “

“யாரும் நிகழ்த்த

முடியாததை நிகழ்த்தி

காட்டி  விட்டாய்”

கிருதவர்மன் ;

“கொல்ல முடியாத

பாண்டவர்களையே

கொன்று விட்டாய் ;

சரித்திரம்

படைத்து விட்டாய் ;

வீரன் என்று

நிரூபித்து விட்டாய் ;”

“பாண்டவர்கள் இறந்த

இந்த நற்செய்தியை

துரியோதனனிடம்

சொல்வோம் வா!”

(என்று

அஸ்வத்தாமனை

அழைத்துக் கொண்டு

கிருபர் கிருதவர்மன்

ஆகிய மூவரும்

துரியோதனன்

இருக்கும் இடம்

சென்றனர் ;

துரியோதனனை

நெருங்கிய போது

துரியோதனன்

கொஞ்சம்

கொஞ்சமாக இறந்து

கொண்டிருந்தான்

துரியோதனன்

அருகில் சென்றான்

அஸ்வத்தாமன்)

அஸ்வத்தாமன் :

“துரியோதனா

உனக்காக - நான் பழி

வாங்கி விட்டேன்  ;

என்னுடைய

தந்தையை சதி

செய்து கொன்ற

அந்தக் கோழைப்பயல்

திருஷ்டத்யும்னனை

கொன்றேன் “

“பீஷ்மரை சதி

செய்து கொன்ற

சிகண்டியைக்

கொன்றேன்”

“நல்லவர்கள் என்று

சொல்லிக் கொண்டு

திரிந்து

கொண்டிருக்கும்

அந்த

கோழைப்பயல்கள்

பாண்டவர்கள்

ஐவரையும் கொன்றேன் ;

பாஞ்சாலர்கள்

அனைவரையும்

கொன்றேன் ;”

“உனக்காகத் தான்

நான் இவைகள்

அனைத்தையும்

செய்தேன் ;

உன்னுடைய

நட்புக்காகத் தான்

இவைகள்

அனைத்தையும்

செய்தேன் ;

உனக்கு நான்

பட்ட நன்றிக்கடனை

அடைப்பதற்காகத் தான்

இவைகள்

அனைத்தையும்

செய்தேன் ;”

“தூங்கிக்

கொண்டிருந்தவர்களை

கொன்றது

கோழைத்தனம் தான்

தூங்கிக்

கொண்டிருந்தவர்களைக்

கொன்று மிகப்பெரிய

பாவத்தைச்

செய்து இருக்கிறேன் “

“அதற்கு நான்

பிராயச்சித்தம்

செய்ய வேண்டும்

என்னுடைய பாவத்தைப்

போக்குவதற்கு நான்

என்ன பிராயச்சித்தம்

செய்ய வேண்டும்

என்று வியாசரிடம்

கேட்க இருக்கிறேன் ;

அவர் வசிக்கும்

இடத்திற்கு செல்ல

இருக்கிறேன் ;

பிராயச்சித்தம்

செய்வதற்கு

என்ன வழி என்று

அவரை கேட்க

இருக்கிறேன் ;

அதனால் அவரைச்

சந்திக்க செல்ல

இருக்கிறேன் ;”

“அதற்கு முன் உனக்கு

இந்த செய்தியை

சொல்வதற்காகவே

வந்தேன் “

(இவைகள்

அனைத்தையும்

கேட்டுக் கொண்டிருந்த

துரியோதனன் மெதுவாக

பதில் அளிக்கத்

துவங்கினான்)

துரியோதனன் :

“பீஷ்மர் துரோணர்

கர்ணன் ஆகியோர்

மட்டுமல்லாது

மிகப்பெரிய

வீரர்களாலும்

செய்ய முடியாத

மிகப்பெரிய காரியத்தை

நீ செய்து விட்டாய்  ;

இப்போது தான்

என்னுடைய மனம்

அமைதி கொள்கிறது ;

நான் உங்களை விட்டு

விடை பெறுகிறேன் “

(இதைக் கூறிய பின்

துரியோதனனின் ஆத்மா

அவனை விட்டு

பிரிந்து சென்றது ;

போருக்கு

காரணமாக

இருந்தவன்

போரை

வழிநடத்தியவன்

போரில் முதலாவதாக

பங்கேற்றவன்

போரில் கடைசியாக

உயிர் நீத்தான்

யாராலும் வெல்ல

முடியாத அந்த

மாவீரனான

துரியோதனன்

இந்த உலகத்தை விட்டு

பிரிந்து சென்றான்

அஸ்வத்தாமன்

துரியோதனன் உடலுக்கு

செய்ய வேண்டிய

காரியங்களைச் செய்தான்)

----------- ஜபம் இன்னும் வரும்

----------- K.பாலகங்காதரன்

----------- 24-06-2020

//////////////////////////////////////////