அறிய வேண்டியவை-பதிவு-38

            ஜபம்-பதிவு-530

      (அறிய வேண்டியவை-38)

“நீ இந்த

தவறைச் செய்யாதே

செய்யவும் சிந்தையில்

நினைக்காதே

வீரனுக்கு அழகு

நேர் நின்று

தாக்குவது

மறைந்து நின்று

தாக்குவது கிடையாது

மறைந்து நின்று

தாக்குவது

கோழைகளின் செயல்

நீ கோழையாக

மாறாதே

அஸ்வத்தாமா

வீரனாக இருந்தாய்

வீரனாகவே

இருக்க முயற்சி செய் “

“தவறான வழியில்

செல்லாதே- நான்

சொன்னவைகளை

யோசித்துப் பார்

அஸ்வத்தாமா நான்

சொல்வது

உனக்கு விளங்கும் “

“துரியோதனன்

பெரியோர்களுடைய  ;

பேச்சைக்

கேட்கவில்லை ;

யாரையும்

மதிக்கவில்லை ;

ஆணவம்

அவனுடைய

கண்ணை மறைத்தது ;

அகம்பாவம்

அவனுடைய

சிந்தனையை

அழித்தது ;

அவன்

பெரியவர்களுடைய

பேச்சை

மதித்து கேட்டு

நடந்து இருந்தால்

துரியோதனனுக்கு

இந்த நிலை

ஏற்பட்டிருக்காது ;  

அனாதையாக

மண்ணில்

புழுதியில் கிடக்க

வேண்டிய நிலை

ஏற்பட்டிருக்காது ;”

“அதனால் நான்

சொல்வதைக் கேள்

அஸ்வத்தாமா - நாம்

சென்று

திருதராஷ்டிரன்

காந்தாரி விதுரர்

ஆகியோரிடம் போய்

ஆலோசனை

கேட்போம் ;

அவர்கள் என்ன

வழிமுறைகளை

சொல்கிறார்கள்

என்று பார்ப்போம் ;’

அஸ்வத்தாமன் :

“நான் எந்த ஒரு

விஷயத்திற்காகவும்

என்னை

சமாதானப்படுத்திக்

கொள்ள மாட்டேன் ;

நீங்கள் சொல்லும்

வார்த்தைகள்

என் மனதை

சாந்தப்படுத்தவில்லை ;

நாம் அனைவரும்

துரியோதனுக்காக

போரிட்டோம் ;

துரியோதனனுடைய

வெற்றிக்காக

உழைத்தோம் ;

எது சரி

எது தவறு

என்று கூட

யோசிக்காமல்

துரியோதனன் செய்த

செயல்கள்

அனைத்திற்கும்

பின்னால் நின்று

உழைத்தோம் ;

துரியோதனனின்

பின்னால்

நின்று எப்படி

துரியோதனனுடைய

வெற்றிக்காக

பாடுபாட்டுமோ

அவ்வாறே இப்போதும்

துரியோதனனுக்காக

உழைக்க வேண்டும்

என்று நான் முடிவு

எடுத்திருக்கிறேன் ;

பாண்டவர்களை

இரவில் உறங்கிக்

கொண்டிருக்கும்

போது அவர்களைக்

கொல்ல வேண்டும்

என்ற என்னுடைய

எண்ணத்தை யாராலும்

மாற்ற முடியாது ;

என் புண்பட்ட

மனதிற்கு

பாண்டவர்களின்

மரணம் தான் மருந்து ;

அது எந்த விதத்தில்

நிகழ்கிறது என்பது

முக்கியமில்லை

நடக்க வேண்டியது

தான் முக்கியம் “

“பாண்டவர்கள்

அனைவரையும்- நான்

அழித்த பிறகே

என் மனம் சாந்தம்

அடையும்  

என்னுடைய

தந்தையின்

மரணத்திற்கும்

துரியோதனனின் இந்த

நிலைக்கும் நான்

பழி தீர்த்தவனாவேன்”

கிருபர் :

“அஸ்வத்தாமா நீ

இப்போது உணர்ச்சி

வசப்பட்ட நிலையில்

இருக்கிறாய் ;

அதனால் ஏற்பட்ட

கோபம் உன்னுடைய

அறிவை மறைக்கிறது ;

நல்லது எது

கெட்டது எது

என்பதை சிந்திக்க

முடியாமல் நீ

தடுமாறுகிறாய் ;

நீ ஒரு முடிவை

எடுத்து விட்டாய் -அதை

முடிக்க வேண்டும்

என்று செயலில்

இறங்குவதற்கு

தயாராகி விட்டாய் ;

இப்போது இரவாக

இருக்கிறது ;

இப்போது அமைதியாக

உறங்கு - உனது

மனம் சாந்தப்படும்

தூங்கி காலையில்

எழுந்தால் மனம்

புத்துணர்ச்சியுடன்

இருக்கும்

நீ என்ன செயல்படுத்த

நினைக்கிறாயோ அதை

நாளை காலையில்

செயல்படுத்துவோம் ;

நாங்கள் இருவரும்

உனக்கு துணையாக

வருகிறோம் “

“இப்போது

உறக்கம் கொள்

காலையில் ஆக

வேண்டியதைப்

பற்றிப் பார்ப்போம் “

----------- ஜபம் இன்னும் வரும்

----------- K.பாலகங்காதரன்

----------- 24-06-2020

//////////////////////////////////////////