திருக்குறள்-பதிவு-125

                     திருக்குறள்-பதிவு-125

“உலகமே உற்றுக்

கவனித்துக் கொண்டிருந்த

ஜியார்டானோ

புருனோவின் சிலை

திறக்கும் நாளான

1889-ஆம் ஆண்டு

ஜுன் மாதம்

9-ம் தேதி அதிகாலை

சூரியன் உதிக்க

ஆரம்பித்து விட்டது ;

விடியல் விடியத்

தொடங்கி விட்டது ;

உயிர்கள் விழிக்கத்

தொடங்கி விட்டது ;”

“ வீடுகளிலும் ;

தெருக்களிலும் ;

கடைகளிலும் ;

மக்கள் கூடும்

அனைத்து இடங்களிலும் ;

மக்களுடைய

பேச்சுச் சத்தமோ

மக்களுடைய

காலடி ஓசையோ

எதுவுமே கேட்கவில்லை ;

மக்கள் அனைவரும்

தங்களுடைய வீட்டின்

கதவுகள் ;

ஜன்னல்கள் ; ஆகிய

அனைத்தையும்

அடைத்து வைத்து

விட்டு வீட்டிற்குள்

அமைதியாக இருந்தனர் “

“மக்கள் அனைவரும் தங்கள்

உயிரை கைகளில் பிடித்துக்

கொண்டு என்ன

நடக்கப் போகிறதோ என்ற

அச்சத்துடன் இருந்த

காரணத்தினால் - யாரும்

வீட்டை விட்டு

வெளியே வரவில்லை ”

“தெருக்கள் அனைத்தும்

வெறிச்சோடிக் கிடந்தது ;

அந்த நகரம் முழுவதும்

மயான அமைதி நிலவியது ;

“சூரியன் கொஞ்சம் கொஞ்சமாக

மேலேறத் தொடங்கியது ;”

“ அந்த நேரத்தில் யாரும்

எதிர்பாராத வகையில்

தெருக்களில் மக்கள்

பேசும் சத்தமும் ;

காலடி ஓசையும் ;

வீட்டிற்குள்

இருந்தவர்களுக்கு கேட்டது “

“ நேரம் ஆக ஆக

மக்களுடைய

பேச்சுச் சத்தமும் ;

காலடி ஓசையும் ;

அதிகரித்துக்

கொண்டே வந்தது; “

“ மக்கள் அனைவரும்

கொஞ்சம் கொஞ்சமாக

வீட்டை விட்டு வெளியே

வரத் தொடங்கினர் ;

அவர்கள் அனைவரும்

ஜியார்டானோ புருனோ

உயிரோடு எரித்துக்

கொல்லப்பட்ட இடமான

காம்போ டி ஃபியோரி

(Campo dei Fiori)

என்ற இடத்தை நோக்கி

சென்று அந்த இடத்தில்

ஒன்றாக கூடினர் “

“ அந்த இடத்தில் உள்ள

வீடுகளில் உள்ளவர்கள்

தங்கள் வீடுகளிலுள்ள

கதவுகளையும் ;

ஜன்னல்களையும் ;

திறந்து வெளியே நடக்கும்

நிகழ்வுகளை பார்த்துக்

கொண்டு இருந்தனர் ;

மாடிகளில் ஏறி நின்று

கொண்டு பார்த்துக்

கொண்டு இருந்தனர் ; “

“அந்த இடம் முழுவதும்

மக்கள் வெள்ளத்தால்

நிரம்பி வழிந்தது ;

ஜியார்டானோ புருனோவின்

ஆதரவாளர்கள் மட்டுமல்ல

மக்களும் அதிக அளவில்

அந்த இடத்தில்

கூடி இருந்தனர் ;”

“ கத்தோலிக்க திருச்சபையின்

எச்சரிக்கையையும் மீறி

ஏராளமானவர்கள் அந்த

இடத்தில் கூடி இருந்தனர் “

“சிறுவர் முதல் முதியோர்

வரை வயது பேதம்

இல்லாமல் அந்த இடத்தில்

கூடி இருந்தனர் “

“ ஜியார்டானோ

புருனோவின் கருத்துக்கள்

உண்மையானது ;

நியாயமானது ; - என்று

நினைத்து அவரைப்

பின்பற்றுபவர்கள் ;

தலை சிறந்த

தத்துவ மேதைகள் ;

சிறந்த அறிஞர்கள் ;

புகழ் பெற்ற பேச்சாளர்கள் ;

என்று கணக்கிலடங்காதவர்கள்

அந்த இடத்தில்

கூடி இருந்தனர் ; “

“ மக்கள் வெள்ளத்தால்

அந்த இடமே நிரம்பி

வழிந்து கொண்டிருந்தது ;

மக்கள் தொடர்ந்து

அந்த இடத்தை நோக்கி

வந்து கொண்டு இருந்தனர் ; “

“ வெயிலின் தாக்கம்

அதிகமாக இருந்தது ;

மக்கள் அனைவரும்

வெயிலின் வெம்மையிலிருந்து

தங்களை பாதுகாத்துக்

கொள்வதற்காக

தாங்கள் கொண்டு வந்த

குடையை பிடித்துக் கொண்டு

நின்று கொண்டு இருந்தனர் ; “

“ பலத்த கரகோஷங்களுக்கு

இடையே மக்களுடைய

ஆரவாரங்களுக்கிடையே

ஜியார்டானோ

புருனோவின் முழுஉருவ

வெண்கல சிலை ;

வாத்திகனைப் பார்த்தவாறு

அமைக்கப்பட்டுள்ள சிலை ;

1889-ஆம் ஆண்டு

ஜுன் மாதம் 9-ம் தேதி

திறக்கப்பட்டது ;”

“ அடிமை விலங்கை

அறுத்தெறிய வந்த

புரட்சியாளர் ;

ஜியார்டானோ புருனோ

வாழ்க ! “

“ மதவெறிக்கு

அடிபணியாத மாமேதை ;

ஜியார்டானோ புருனோ

வாழ்க ! “

என்று அங்கு கூடியிருந்த

மக்கள் எழுப்பிய கரகோஷம்

அந்த நகரத்தையே

அதிர வைத்தது.

“ சிலையைத் திறந்து

வைத்து - அறிஞர்கள்

ஆற்றிய உரை வரலாற்று

முக்கியத்துவம் கொண்டவை

அவைகள்……………………………….!”

---------  இன்னும் வரும்

----------  K.பாலகங்காதரன்

---------  13-03-2019

//////////////////////////////////////////////

1889-ஆம் ஆண்டு

ஜுன் மாதம் 9-ம் தேதி

வாத்திகன் நகரத்தைப்

பார்த்தவாறு

திறக்கப்பட்ட

ஜியார்டானோ

புருனோவின்
சிலை இது தான்

///////////////////////////////////////////////

திருக்குறள்-பதிவு-124

                     திருக்குறள்-பதிவு-124

“ஜியார்டானோ

புருனோவின் பார்வை

வாத்திகன் நகரத்தைப்

பார்த்தபடியும் ;

ஜியார்டானோ
புருனோவின் முழுஉருவ

வெண்கல சிலை

வாத்திகன் நகரத்தைப்

பார்த்தபடியும் தான் ;

அமைக்கப்படும் என்று

ஜியார்டானோ

புருனோவின்

ஆதரவாளர்கள்

திட்டவட்டமாக சொல்லி

விட்ட காரணத்தினால்

ஜியார்டானோ புருனோவின்

ஆதரவாளர்களும் ;

ஜியார்டானோ புருனோவின்

எதிர்ப்பாளர்களும் ;

தங்கள் பேச்சுவார்த்தைகளை

முடித்துக் கொண்டனர் “

“ ஜியார்டானோ புருனோ

உயிரோடு எரித்து

கொல்லப்பட்ட இடமான

காம்போ டி ஃபியோரி

(Campo dei Fiori)

மீது ஜியார்டானோ

புருனோவின் சிலை

அமைக்கப்படும் என்றும் ;

ஜியார்டானோ புருனோ

எரிந்த சரியான

இடத்தில் ஜியார்டானோ

புருனோவின் முழுஉருவ

வெண்கல சிலை

அமைக்கப்பட்டு

திறக்கப்படும் என்றும் ;

ஜியார்டானோ

புருனோவின் பார்வை

வாத்திகன் நகரத்தை

பார்த்தபடியும் ;

சிலை வாத்திகன்

நகரத்தைப் பார்த்த

வண்ணமும் தான்

அமைக்கப்படும் என்றும் ;

ஜியார்டானோ

புருனோவின் சிலை

1889-ஆம் ஆண்டு

ஜுன்மாதம் 9-ம் தேதி

திட்டமிட்டபடி

திறக்கப்படும்

என்றும் அறிவிக்கப்பட்டது ; “

“ ஜியார்டானோ

புருனோவின் சிலை

திறக்கப்படக் கூடாது ;

அப்படியே திறக்கப்பட்டாலும்

வாத்திகன் நகரத்தை

பார்த்தபடி

இருக்கக் கூடாது ;

என்று போராடிய

வாத்திகன் நகரம் ;

கத்தோலிக்க கிறிஸ்தவ

திருச்சபை ;

சர்ச்சுகள் ; கிறிஸ்தவர்கள் ;

ஆகியோருக்கு இந்த

செய்தி பெரும்

அதிர்ச்சியை ஏற்படுத்தியது ; “

“ கத்தோலிக்க கிறிஸ்தவ

திருச்சபையைச்

சேர்ந்தவர்கள்

ஒவ்வொரு வீட்டின்

கதவைத் தட்டி

அந்த வீட்டில்

உள்ளவர்களிடம்

பேசினர் “

“ ஜியார்டானோ

புருனோவின் சிலை

திறப்புக்கு எதிர்ப்பு

தெரிவிக்க வேண்டும் ;

ஜியார்டானோ

புருனோவின் சிலை

திறப்புக்கு எதிர்ப்பு

தெரிவிக்காமல் ஆதரவு

அளித்து சிலை

திறப்பு விழாவில்

கலந்து கொண்டால் ;

கிறிஸ்தவ மதத்தின்

மூலம் பெற்று வரும்

அனைத்து சலுகைகளும்

ரத்து செய்யப்படும் ;

சர்ச்சின்

உறுப்பினரிலிருந்து

நீக்கப்படுவார் ;

உலகின் எந்த மூலையில்

உள்ள சர்ச்சிலும்

அவர்கள் உறுப்பினராக

இருக்க முடியாது ;

சுருக்கமாக சொல்ல

வேண்டுமானால்

கிறிஸ்தவ மதத்திலிருந்து

நீக்கப்படுவார் என்று

அறிவுறுத்தப்பட்டது ; “

“ இந்த செயல் அந்த

நகரம் முழுவதும்

நடைபெற்றது “

“ இதற்கு ஜியார்டானோ

புருனோ ஆதரவாளர்கள்

எதிர்வினை எதுவும்

ஆற்றாமல் இருந்தது

கத்தோலிக்க கிறிஸ்தவ

திருச்சபையினர்

மத்தியிலும் ;

கிறிஸ்தவர்கள் மத்தியிலும் ;

மக்கள் மத்தியிலும் ;

பெருத்த ஆச்சரியத்தை

ஏற்படுத்தியது ; “

“ அவர்களுடைய அமைதி

எத்தகைய விளைவுகளை

ஏற்படுத்தும் என்று

தெரியாமல் அனைவரும்

ஆச்சரியம் கலந்த

பயத்துடன் இருந்தனர் ‘

“ சிலை திறப்பு விழாவிற்கு

முந்திய நாள்

என்ன நடக்கும்

எது நடக்கும் - என்று

கலக்கத்துடன் - அந்த

நகரமே அமைதியாக

இருந்தது - மக்கள்

நடமாட்டம் இல்லாமல்

தெருக்கள் அனைத்தும்

வெறிச்சோடிக் கிடந்தன “

“நேரம் ஆக ஆக

மக்கள் யாருமே

தெருவில் நடமாடவில்லை ;

ஏதேனும் அசம்பாவிதம்

நிகழ்ந்து அதில் மாட்டிக்

கொள்ளக்கூடாது ;

என்பதற்காக

மக்கள் அனைவரும்

முன்னெச்சரிக்கை

நடவடிக்கையாக வீட்டை

பூட்டிக் கொண்டு

வீட்டிற்குள் இருந்தனர் ;

யாரும் வீட்டை விட்டு

வெளியே வரவில்லை ; ‘

“ சிலை திறப்புக்கு

முந்திய நாளே

இப்படி இருந்தால்

சிலை திறப்பு அன்று

எத்தகைய விளைவுகள்

ஏற்படுமோ என்று

அஞ்சி மக்கள்

அனைவரும் ஒருவித

பயத்துடனே இருந்தனர் “

“ ஜியார்டானோ புருனோவின்

சிலை திட்டமிட்டபடி

திறக்கப்படுமா

திறக்கப்படாதா என்ற

கேள்விக்குறியுடன்

உலகமே உறங்காமல்

விழித்துக் கொண்டிருந்தது “

“கொஞ்சம் கொஞ்சமாக

இரவு விடிந்து

கொண்டிருந்தது  “

---------  இன்னும் வரும்

----------  K.பாலகங்காதரன்

---------  12-03-2019

//////////////////////////////////////////////

திருக்குறள்-பதிவு-123

                   திருக்குறள்-பதிவு-123

ஜியார்டானோ புருனோ

எதிர்ப்பாளர்கள் :

" நடிக்க வேண்டிய

அவசியம் எங்களுக்கு

இல்லை "

" நாங்கள் பிரச்சினையை

தீர்ப்பதற்காக வந்தோம் ;

நீங்கள் பிரச்சினையை

தீர்க்க வேண்டும்

என்ற நோக்கத்துடன்

வந்ததாகத் தெரியவில்லை ; "

" பிரச்சினையை மேலும்

மேலும் வளர்க்கும்

விதத்தில் பேசிக்

கொண்டிருக்கிறீர்கள் "

" ஜியார்டானோ

புருனோவை

மதத்துடன் தொடர்புபடுத்தி

மதப் பிரச்சினையை

பெரிசு பண்ணாமல்

அமைதியை நிலைநாட்ட

என்ன செய்ய வேண்டுமோ

அதை யோசியுங்கள்

அதை பேசுங்கள் "

ஜியார்டானோ புருனோ

ஆதரவாளர்கள் :

" அமைதியை எந்த

வகையில் நிலை நாட்ட

வேண்டும் – என்று

நீங்கள் நினைக்கிறீர்கள் "

ஜியார்டானோ புருனோ

எதிர்ப்பாளர்கள் :

" சிலையை வாட்டிகனைப்

பார்ப்பது போல் அமைப்பது

அமைதியின்மையைத்
தான் ஏற்படுத்தும் "

" மேலும், மேலும்

பிரச்சினை ஏற்படத்

தான் வழிவகுக்கும் "

" ஜியார்டானோ

புருனோவினுடைய

சிலையை வாட்டிகனைப்

பார்ப்பது போல்

அமைக்காமல்

சூரியனை பார்ப்பது

போல் அமைக்க வேண்டும் "

" இது தான் பிரச்சினையை

தீர்ப்பதற்கான ஒரே வழி "

ஜியார்டானோ புருனோ

ஆதரவாளர்கள் :

" சூரியனை நோக்கி

வைப்பதால் ஒரு பயனும்

இல்லை - அதனால் தான்

நாங்கள் வாட்டிகன்

நகரத்தைப் பார்ப்பது

போல் ஜியார்டானோ

புருனோவின் சிலையை

நிறுவ இருக்கிறோம் "

ஜியார்டானோ புருனோ

எதிர்ப்பாளர்கள் :

" அவசரத்தில் எடுக்கப்படும்

முடிவுகள் அவதியைத்

தான் கொண்டு வரும் "

ஜியார்டானோ புருனோ

ஆதரவாளர்கள்

" இது அவசரத்தில்

எடுக்கப்பட்ட முடிவு அல்ல

யோசித்து எடுத்த முடிவு

இந்த முடிவில் எந்தவித

மாற்றமும் இல்லை "

ஜியார்டானோ புருனோ

எதிர்ப்பாளர்கள் :

" நீங்கள் உங்கள் முடிவை

மாற்றிக் கொள்ளவில்லை

எனில் அது எத்தகைய

விளைவுகளை

ஏற்படுத்தும் என்பதை

யோசித்துப் பார்த்தீர்களா "

ஜியார்டானோ புருனோ

ஆதரவாளர்கள்

 "நாங்கள் எதையும் பார்க்க

துணிந்து விட்டோம்

எதைக் கண்டும்

அஞ்ச மாட்டோம் "

" நாங்கள் சிலையை

வாட்டிகன் நகரத்தை

நோக்கித் தான்

அமைப்போம் "

" நாங்கள் சிலையை

மாற்றி அமைக்க

மாட்டோம் என்று

சொன்னால்……………………….? "

ஜியார்டானோ புருனோ

எதிர்ப்பாளர்கள் :

" நாங்கள் மாற்றி

அமைப்போம் "

ஜியார்டானோ புருனோ

ஆதரவாளர்கள்

" உங்களால் முடியாது "

ஜியார்டானோ புருனோ

எதிர்ப்பாளர்கள் :

" ஏன் முடியாது "

ஜியார்டானோ புருனோ

ஆதரவாளர்கள் :

" உங்களால்

ஒரு உயிரைத் தான்

கொல்ல முடியும் ;

எந்த ஒன்றையும்

ஆக்கவோ - மாற்றி

அமைக்கவோ

உங்களால் முடியாது "

" மாற்றி அமைக்க

வேண்டும் என்று

நீங்கள் எப்போதோ

முடிவு எடுத்து

இருந்தால் கிறிஸ்தவ

மதத்தில் சீர்திருத்தம்

கொண்டு வந்து

கிறிஸ்தவ மதத்தை

மாற்றி அமைத்து

இருப்பீர்கள் "

" உங்களால் முடியாத

காரணத்தினால் தான்

இங்கு வந்து

மன்றாடிக் கொண்டு

இருக்கிறீர்கள் "

ஜியார்டானோ புருனோ

எதிர்ப்பாளர்கள் :

" நாங்கள் யாரிடமும்

சென்று மன்றாட

வேண்டிய அவசியம்

எங்களுக்கு இல்லை "

" மக்களின்

அமைதிக்காகத் தான்

நாங்கள் அமைதியாக

இருக்கிறோம் ;'

" இறுதியாக என்ன

சொல்ல வருகிறீர்கள் "

" சிலையை சூரியனைப்

பார்த்தவாறு

நிறுவப் போகிறீர்களா

இல்லையா "

" உங்களுடைய இறுதி

முடிவு தான் என்ன "

யார்டானோ புருனோ

ஆதரவாளர்கள் :

"எங்களுக்கு இறுதி

முடிவு என்ற

ஒன்று இல்லை ;

ஒரே முடிவு தான்

ஜியார்டானோ

புருனோவின் சிலையை

சூரியனைப் பார்த்தவாறு

அமைக்க மாட்டோம்"

" வாட்டிகன் நகரத்தைப்

பார்ப்பது போல் தான்

அமைப்போம் "

ஜியார்டானோ புருனோ

எதிர்ப்பாளர்கள் :

 "சூரியனைப் பார்ப்பது

போல் நாங்கள்

வைப்போம் "

ஜியார்டானோ புருனோ

ஆதரவாளர்கள் :

" அது நாங்கள்

இறந்தால் தான்

நடக்கும் "

---------  இன்னும் வரும்

----------  K.பாலகங்காதரன்

---------  11-03-2019

//////////////////////////////////////////////