இயேசு கிறிஸ்து-திருவள்ளுவர்-புறந்துhய்மை- பதிவு-22

             இயேசு கிறிஸ்து-திருவள்ளுவர்-புறந்துhய்மை- பதிவு-22

                  “”பதிவு இருபத்துஇரண்டை விரித்துச் சொல்ல

                                                     ஈசர்  பயின்றெடுத்த கரிமுகன் காப்பாகும்””

இயேசு கிறிஸ்து :

அகத்தை துhய்மையாக எவ்வாறு வைத்திருக்க வேண்டும்

என்பதைப் பற்றி இயேசு உவமைகள் மூலம்

கீழ்க்கண்ட வசனங்கள் வாயிலாக விளக்குகிறார் :

“மாயக்காரராகிய வேதபாரகரே ! பரிசேயரே ! உங்களுக்கு ஐயோ , போஜன பான பாத்திரங்களின் வெளிப்புறத்தைச் சுத்தமாக்குகிறீர்கள் ; உட்புறத்திலோ அவைகள் கொள்ளையினாலும் அநீதத்தினாலும் நிறைந்திருக்கிறது.”

                                                                         --------மத்தேயு - 23 : 25

                                                      

“குருடனான பரிசேயனே ! போஜனபான பாத்திரங்களின் வெளிப்புறம் சுத்தமாகும் படி அவைகளின் உட்புறத்தை முதலாவது சுத்தமாக்கு”

                                                                     -----------மத்தேயு - 23 : 26

அகத்திலே நஞ்சை வைத்துக் கொண்டு

புறத்திலே அமிர்தம் நிறைந்த வார்த்தை பேசுபவர் ;

அகத்திலே துரோகத்தை வைத்துக் கொண்டு

புறத்திலே நட்பின் இலக்கணமாகத் திகழ்பவர் ;

அகத்திலே பொய்யை வைத்துக் கொண்டு

புறத்திலே உண்மையின் வடிவமாக உலவுபவர் ;

   

அகத்திலே காமப் பிசாசை வைத்துக் கொண்டு

புறத்திலே காதல் கீதம் இசைப்பவர் ;

அகத்திலே அழிக்கும் எண்ணத்தை வைத்துக் கொண்டு

புறத்திலே கருணையின் வடிவமாக நடப்பவர் ;

அகத்திலே சுயநலத்தை வைத்துக் கொண்டு

புறத்திலே பொது நலம் கொண்டவர்  போல் பாசாங்கு செய்பவர் ;

அகத்திலே களங்கங்களை வைத்துக் கொண்டு

புறத்திலே கண்ணியவானாக திரிபவர்  ;

அகத்திலே வஞ்சனைகளை வைத்துக் கொண்டு

புறத்திலே கருணையின் இலக்கணமாய்த் திகழ்பவர் ;

அகத்திலே தன்னலத்தை வைத்துக் கொண்டு

புறத்திலே தியாகி வேடம் போடுபவர் ;

அகத்திலே அளவற்ற அழுக்குகளை வைத்துக் கொண்டு

புறத்திலே துhய்மையானயவராக உலா வருபவர் ;

இவ்வாறு பல்வேறுபட்ட தன்மைகளை தன்னுள் கொண்டு

                                    உண்மை உருவை மறைத்து ,

                                    பொய் வேஷம் போட்டு ,

                                   போலி வேடம் தரித்து ,

                                   உதட்டில் புன்னகையையும் ,

                                   வார்த்தையில் வசீகரத்தையும் ,

                                 முகத்தில் கவர்ச்சியையும் ,

                                  செயலில் பொய்மையையும் ,

                                  வைத்துக் கொண்டு திரியும்

             வேதபாரகரே!

             பரிசேயரே !

வேதபாரகர்  என்றால் அனைவருக்கும் தெரியும்

பரிசேயர்  என்றால் என்ன என்று பார்ப்போம் .

பரிசேயர் :

பரிசேயர் என்றால் பிரிந்து நிற்பவர் .

அதாவது சட்டத்தை மிக நுணுக்கமாக கடை பிடிக்கும்

பொருட்டுச் சாதாரண மக்களிடமிருந்து தம்மையே

பிரித்துக் கொண்டவர்  எனப்பொருள் .

இவர்கள் 10 கட்டளைகளைப் பல நுhறு சட்டங்களாகப் பகுத்து ,

613 துணைச் சட்டங்களாகப் பிரித்து அவற்றுக்கு அதிகாரப் பூர்வமான

விளக்கம் கொடுத்து வந்தார்கள்.

அத்தகைய வேதபாரகரையும் , பரிசேயரையும் பார்த்து இயேசு

அகத் துhய்மையை உவமை கொண்டு விளக்குவதன் மூலம்

இந்த சமுதாயத்திற்கு தேவையானவற்றை விளக்குகிறார் .

ஒரு பாத்திரத்தின் வெளிப்புறம் துhய்மையாக இருந்து

உட்புறம் துhய்மையாக இல்லையெனில்

அந்த பாத்திரத்தை நீர்  ஊற்றி வைப்பதற்கோ ?

பொருட்களை வைத்து பாதுகாப்பாக வைப்பதற்கோ ?

உணவுப் பண்டங்களைப் போட்டு வைப்பதற்கோ ?

காய்களை போட்டு சமைப்பதற்கோ ?

அரிசியை போட்டு சாதம் வடிப்பதற்கோ ?

எண்ணெய் ஊற்றி பலகாரம் செய்வதற்கோ ?

உபயோகப்படாது .

எந்தப் பாத்திரத்தை எடுத்துக் கொண்டாலும்

அதன் உட்புறம் துhய்மையாக இருக்க வேண்டும்

உட்புறம் துhய்மையாக உள்ள பாத்திரம் மட்டுமே நமக்கு பயன்படும்

உட்புறம் துhய்மையாக உள்ள பாத்திரம் மட்டுமே

பயன்படுத்தும் தகுதியை உடையது .

வெளிப்புற துhய்மையை மட்டுமே வைத்துக் கொண்டு

உட்புறம் துhய்மையில்லாத பாத்திரத்தை நாம் பயன்படுத்த முடியாது .

எதற்கும் பயன் படாது ஒன்றுக்கும் உதவாது .

அதைப் போல ,

அகத்தை அழுக்காக வைத்துக் கொண்டு ,

அழுகிய பிணத்தின் நாற்றத்தை அகத்தில் வைத்துக் கொண்டு ,

புறத்தே நல்லவர் போல் நடமாடுகிறீர்கள் .

இதனால் சமுதாயம் கெடுகிறது ;

மக்கள் கெடக்கூடிய நிலை உருவாகிறது ;

நல்லவர்கள் வாழ முடியாத சூழ்நிலை ஏற்படுகிறது ;

                                           கருணை கொல்லப்படுகிறது ;

                                          இரக்கம் அழிக்கப்படுகிறது ;

                                          அன்பு சிதைக்கப்படுகிறது ;

                                         அறிவு முழுங்கடிக்கப்படுகிறது ;

                                         சிந்தனை புதைக்கப்படுகிறது ;

                                         பகுத்தறிவு எரிக்கப்படுகிறது ;

                                         முன்னேற்றம் தடைபடுகிறது ;

                                         இன்பம் குலைக்கப்படுகிறது ;

                                        துரோகம் சதிராட்டமாடுகிறது ;

                                        துன்பங்கள் உயர்த்தப்படுகிறது ;

                                        கவலைகள் முடிசூட்டப்படுகிறது ;

                                       ஆணவம் எள்ளிநகையாடுகிறது ;

                                       அறியாமை தவழ்கிறது ;

                                       ஏழ்மை உயர்கிறது ;

                                       வறுமை சிறக்கிறது ;

                                       துhய்மை அழுக்காகிறது ;

                                       உண்மை இறக்கிறது ;

                                       பொய்மை சிரிக்கிறது ;

                                        உவகைகள் அழுகிறது ;

                                        காலங்கள் மறைகிறது ;

                                        கடமைகள் தொலைகிறது ;

                                        பொறுமைகள் இறக்கிறது ;

                                        நிதானங்கள் மரிக்கிறது ;

                                        உழைப்பு வாடுகிறது ;

                                       சோம்பல் துளிர்க்கிறது ;

                                       வாழ்க்கை வெறுக்கிறது ;

                                       மனிதத்தன்மை அழிகிறது ;

                                       நீதி விலையாகிறது ;

                                      சட்டம் சிறையாகிறது ;

                                      அநீதி ஆனந்தமாகிறது ;

                                      சாத்தான் வளர்கிறது ;

எனவே அகத்தை துhய்மைப் படுத்துங்கள் என்கிறார்  இயேசு .

திருக்குறள்    :

              “”“புறந்துhய்மை நீரான் அமையும் அகந்துhய்மை

                   வாய்மையால் காணப் படும்””””

                                             ---------திருவள்ளுவர்------திருக்குறள்---

சிந்தனையை சிலந்தி வலை பின்னி இருக்கிறதா ?

உள்ளத்தை கரையான் அரித்து விட்டிருக்கிறதா ?

அறிவை அறியாமை சூழ்ந்து இருக்கிறதா ?

அன்பை அரக்கத்தனம் ஆண்டு கொண்டு இருக்கிறதா ?

கருணையை கள்ளத்தனம் அடிமைப் படுத்தி வைத்து இருக்கிறதா ?

இரக்கத்தை நயவஞ்சகம் நசுக்கிக் கொண்டு இருக்கிறதா ?

பொது நலத்தை சுயநலம் சாப்பிட்டுக் கொண்டு இருக்கிறதா ?

( அல்லது )

                              அன்பு அரசாட்சி செய்கிறதா ?

                             ஆணவம் அடங்கி கிடக்கிறதா ?

                             இரக்கங்கள் பூத்து குலுங்குகிறதா ?

                             ஈகை உயர்ந்து இருக்கிறதா ?

                             எளிமை நாட்டியம் ஆடுகிறதா ?

                             ஏழ்மை மதிக்கப் படுகிறதா ?

                            ஐம்புலன் ஒடுங்கி இருக்கிறதா ?

                            ஓற்றுமை போற்றப் படுகிறதா ?

                            ஓருயிராக உணரப் படுகிறதா ?

                            ஓளஷதகுணம் நிரம்பி இருக்கிறதா ?

நல்லெண்ணங்கள் சிறந்து விளங்குகிறதா ?

துரோகங்கள் துண்டிக்கப் படுகிறதா ?

உண்மைகள் விதைக்கப் படுகிறதா ?

பொய்மைகள் புதைக்கப் படுகிறதா ?

களங்கங்கள் கழற்றப் படுகிறதா ?

அழுக்குகள் நீக்கப் படுகிறதா ?

துhய்மைகள் போற்றப் படுகிறதா ?

நற்பண்புகள் ஏற்றம் பெறுகிறதா ?

கருணைகள் வளர்க்கப் படுகிறதா ?

என்ற இரு வேறுபட்ட ,இரு நிலைகள் கொண்ட ,

இரு துருவங்களை,

அகத்தில் உள்ள மாறுபட்ட நிலைகளை ,

எவ்வாறு உணர்ந்து கொள்ள முடியும் .

புறத்தை நீரால் துhய்மைப் படுத்தலாம் ,

பன்னீரால் நீராட்டலாம் ,

வாசனை திரவியங்களால் குளிப்பாட்டலாம் .

பல்வண்ண ஆடைகளை ,

உயர்தரமான ஆடைகளை ,

கவர்ச்சிகரமான ஆடைகளை ,

மதி மயக்கும் ஆடைகளை ,

அணிவிக்கலாம் .

சந்தனம் ,ஜவ்வாது போன்ற வாசனைத் திரவியங்களால்

வாசனைக்கு உட்படுத்தலாம் .

தங்கம் ,பிளாட்டினம் , பஞ்சலோகம் ,முத்து ,வைரம்

பவளம் ,மாணிக்கம் ,புஷ்பராகம் என்று பலவித அணிகலன்களை

கொண்டு அழகு செய்யலாம் .

புறம் துhய்மையாக இருக்கிறது

அழகாக இருக்கிறது - என்று

வெளிக் காட்டிக கொள்ளலாம் .

அகம் துhய்மையாக இருக்கிறதா இல்லையா?

என்பதை எவ்வாறு உணர்வது

பேசும் பேச்சும் ; செய்யும் செயலும் ;

ஒன்றாக இருக்க வேண்டும் .

அப்பொழுது தான் அகம் துhய்மையாக இருக்கிறதா ?

அழுக்காக கரைப்படிந்து இருக்கிறதா ?

என்று உணர்ந்து கொள்ள முடியும் .

நான் ,

ஏழ்மையைக் கண்டு வருந்துபவன் ;

ஏழையைக் கண்டு இரங்குபவன் ;

துன்பத்தைக் கண்டு துயர்  துடைப்பவன் ;

ஆபத்து என்று வந்தவர்க்கு அபயம் அளிப்பவன் ;

கண்ணீருடன் வருபவர்க்கு உதவும் கரமாக இருப்பவன் ;

கொடுமை கண்டு கொதிப்பவன் ;

தவறுகளைக் கண்டு மிதிப்பவன் ;

ஏமாற்றுபவர்களை கழுவில் ஏற்றுபவன் ;

பகைவனை பஞ்சாக்கி காற்றில் துhற்றுபவன் ;

என்று வீர வசனம் பேசிவிட்டு ,

உதவி என்று அபயக்கரம் நீட்டி

துன்பத்தை நீக்குங்கள் என்று ஓடிவரும்

ஏழைக்கு உதவாமல் ஓடி ஒளிந்து கொள்பவர் ;

அகம் அழுக்கால் கரை படிந்திருக்கிறது என்றும்

துன்பம் நீக்கி அவர்  வாழ்வு சிறக்க செயற்கரிய செயல் செய்பவர் ;

                  அகம் துhய்மையாக இருக்கிறது ;

                               உண்மையாக இருக்கிறது ;

                                நேர்மையாக இருக்கிறது ;

                                களங்கமற்று இருக்கிறது ;

                                அழுக்கற்று இருக்கிறது ;

என்பதை உணர்ந்து கொள்ளலாம் ;

ஒருவன் பேசும் உண்மையிலிருந்து

அவன் மனத்துhய்மை உடையவன் என்பதை அறியலாம்

என்கிறார்  திருவள்ளுவர் .

இயேசு கிறிஸ்து - திருவள்ளுவர் :

இயேசு ,புறத்தே எவ்வளவு தான் நல்லவனாக நடித்தாலும்

அகத்தே அழுக்கு நிறைந்து இருந்தால்

புறத்தே உங்கள் உண்மை நிலையை வெளிக்காட்டி விடும்

ஆகவே அகத்தை முதலில் துhய்மைப் படுத்துங்கள் என்கிறார்  .

அவ்வாறே ,

திருவள்ளுவரும் ,புறத்தே எவ்வளவு தான் நல்லவனாக நடித்தாலும்

உங்கள் பேச்சும் ,செயலும்

ஒன்றுக்கொன்னு மாறுபட்டு செயலைச் செய்யும் போது

உங்கள் அகம் அழுக்கடைந்திருக்கிறது என்பதை வெளிக்காட்டி விடும்

எனவே முதலில் அகத்தை துhய்மைப்படுத்துங்கள் என்கிறார் .

இயேசு , அகத்தை துhய்மைப்படுத்துங்கள் என்கிறார் .

அவ்வாறே ,

திருவள்ளுவரும் , அகத்தை துhய்மைப்படுத்துங்கள் என்கிறார்.

                      “”போதித்த குருவின்பாதம் தெண்டனிட்டுப்

                                                போற்றினேன் பதிவுஇருபத்துஇரண்டு  ந்தான்முற்றே “”

இயேசு கிறிஸ்து-உலகநாதர்-கோயில்இல்லா-பதிவு-21

       இயேசு கிறிஸ்து -உலகநாதர் -கோயில் இல்லா-பதிவு - 21    

                         “”பதிவு இருபத்துஒன்றை விரித்துச் சொல்ல

                                                          ஈசர்  பயின்றெடுத்த கரிமுகன் காப்பாகும்””

இயேசு கிறிஸ்து :

கடவுள் இருக்கும் இடத்தைப் பற்றியும் ,

கடவுள் இருக்கும் இடத்தை எவ்வாறு

துhய்மையாக வைத்திருக்க வேண்டும் என்பதைப் பற்றியும் ,

இயேசு தன் வாழ்வில் செயல்படுத்தி காட்டிய விதத்தைப் பற்றி

கீழ்க்கண்ட வசனங்கள் மூலம் தெரிந்து கொள்ளலாம் :

இயேசு எருசலேமுக்குப் போய் ,

“தேவாலயத்திலே ஆடுகள் மாடுகள் புறாக்களாகிய இவைகளை விற்கிறவர்களையும் , காசுக்காரர்  உட்கார்ந்திருக்கிறதையும் கண்டு, ”

                                                                        ----------யோவான் - 2 : 14

“கயிற்றினால் ஒரு சவுக்கையுண்டு பண்ணி , அவர்கள் யாவரையும் ஆடுமாடுகளையும் தேவாலயத்துக்குப் புறம்பே துரத்தி விட்டு , காசுக்காரருடைய காசுகளைக் கொட்டி பலகைகளைக் கவிழ்த்துப் போட்டு, ”

                                                                        -----------யோவான் - 2 : 15  

“புற விற்கிறவர்களை நோக்கி : இவைகளை இவ்விடத்திலிருந்து எடுத்துக் கொண்டு போங்கள் ; என் பிதாவின் வீட்டை வியாபார வீடாக்காதிருங்கள் என்றார் .”

                                                                          -----------யோவான் - 2 : 16

                         அறியாமையை அடித்தளமாக்கி ;

                         மடமையைச் சுவராக்கி ;

                        மத வெறியை மாளிகையாக்கி ;

                        கண்மூடிப் பழக்கங்களைக் கதவாக்கி ;

                        வேற்றுமையை வேலியாக்கி ;

                         கடவுளை வியாபாரப் பொருளாக்கி ;

பக்தி என்னும் போர்வையில்

தின்று கொழுக்கும் பருந்துகள் ;

இரத்தம் குடிக்கும் ஓநாய்கள் ;

இரத்தம் உறிஞ்சும் அட்டைகள் ;

சாக்கடையில் நெளியும் புழுக்கள் ;

அழுக்கை சாப்பிடும் காகங்கள் ;

பிணம் தின்னும் கழுகுகள் ;

நல்லவர்கள் என்ற போர்வையில் ,

நல்லவர்கள் போல் நடித்து ,

உண்மை உணர்ந்தவர்  ;  ஊருக்கு உழைப்பவர்  - என்று

பகல் வேஷம் போட்டுக் கொண்டு

தன்னையும் தன் குடும்பத்தையும்

உயர்த்திக் கொள்ளும் சுயநல விரும்பிகள் ;

மதத்தின் பெயரால் ; கடவுளின் பெயரால் ; பக்தியின் பெயரால் ;

உண்மையை வெளிப்படுத்தாமல் ,

அறியாமையை விதைத்து ,

பணத்தை அறுவடை செய்து ,

வயிறு வளர்க்கும் தவறானவர்கள் - ஓரு சிலர்

வியாபாரம் செய்து கொண்டிருக்கும்

எல்லாம் வல்ல இறைவனுடைய புனித வீட்டில் ;

அனைத்தையும் அளிக்கும் இறைவனுடைய புனித வீட்டில் ;

அன்பு குடி கொண்டிருக்கும் இறைவனுடைய புனித வீட்டில் ;

கருணை நிரம்பி வழியும் இறைவனுடைய புனித வீட்டில் ;

துன்பம் என்று வந்தவர்க்கு துன்பம் நீக்கி

இன்பம் தரும் இறைவனுடைய வீட்டில் ;

கண்ணீருடன் வந்தவர்க்கு கண்ணீரைத் துடைத்து

புன்னகை அளிக்கும் இறைவனுடைய வீட்டில் ;

சோகத்தின் சுமையை தோளில் சுமந்து வந்தவர்க்கு

சோகத்தின் சுமையை முற்றிலும் நீக்கி

மகிழ்ச்சி கொடுக்கும் இறைவனுடைய வீட்டில் ;

வாழ்க்கையை வெறுத்து வாழ முடியாமல் போனவர்க்கு

வாழ்வின் இனிமையை அளிக்கும் இறைவனுடைய வீட்டில் ;

பாவத்தால் பாதிக்கப்பட்டவருக்கு

பாவத்தைக் கழித்து நல்வழி காட்டும் இறைவனுடைய வீட்டில் ;

வருந்தி உழைப்பவர்க்கு

உழைப்புக்கேற்ற ஊதியம் இல்லை - என்று

வருத்தப்படுவர்க்கு செல்வம் அடைவதற்கான

திறவு கோலைத் தரும் இறைவனுடைய வீட்டில் ;

தீர்க்க முடியாத நோயினால் பாதிக்கப் பட்டிருப்பவரையும்

நோயைத் தீர்த்து சுகமளிக்கும் இறைவனுடைய வீட்டில் ;

வறுமையில் வாடிக் கொண்டிருப்பவர்க்கும்

வறுமையை நீக்கி ஏற்றத்தைக் கொடுக்கும் இறைவனுடைய வீட்டில் ;

இறைவனின் வீட்டை அசுத்தப்படுத்தியவர்களை ,

இறைவனின் வீட்டை அவமானம் செய்தவர்களை ,

இறைவனின் வீட்டை இழிவு படுத்தியவர்களை ,

இறைவனின் வீட்டை வியாபாரம்  செய்ய பயன்படுத்தியவர்களை

ஏன் என் பிதாவின் வீட்டை கள்ளர்  குகை ஆக்கினீர்கள்

என்று அடித்து துரத்தினார் .

என் பிதாவின் வீட்டை வியாபார வீடாக்காதிருங்கள் என்றார் .

கடவுள் இருக்கும் இடத்தை வியாபார ஸ்தலமாக்காதீர்கள் என்றார்.

இயேசு .

கடவுள் இருக்கும் இடம் துhய்மையாக இருக்க வேண்டும் என்றும்

அதை அசுத்தப் படுத்தக் கூடாது என்றும் விளக்குகிறார் .

துhய்மையாக இருக்கும் இடத்தில் தான் கடவுள் வந்து தங்குவார்

அசுத்தமான இடத்தில் கடவுள் வந்து தங்க மாட்டார்

என்ற காரணத்திற்காகவே இயேசு இச்செயலைச் செய்தார்.

இதில் இன்னொரு ரகசியமும்  மறைந்து இருக்கிறது

அகத்தில் துhய்மை இருந்தால் தான் ,

இறைவன் வந்து தங்குவார்  என்று பொருள் .

புற வழிபாட்டிற்காக அமைக்கப்பட்ட கோயில்கள்

துhய்மையாக இருந்தால் எப்படி இறைவன் எவ்வாறு வந்து தங்குவாரோ?

அதைப் போல ,

உடலாகிய ஆலயத்தில் உள்ளமாகிய கோயில்

துhய்மையாக இருந்தால் தான் இறைவன் வந்து தங்குவார்

என்கிறார்  இயேசு .

உலகநாதர்:

       “””கோயில் இல்லா ஊரில் குடி இருக்க வேண்டாம்”””

                                                    -----உலகநாதர்-----உலக நீதி------

மிகவும் புகழ் பெற்ற இந்தப் பாடல் பெரும்பாலான நுhல்களில்

ஔவையார்  என்றே குறிப்பிடப்பட்டிருக்கிறது .

பலரும் அவ்வாறே தொடர்ந்து பயன்படுத்தி வருகின்றனர்.

இந்த புகழ்மிக்க சிறப்புமிக்க பாடலைப் பாடியவர்  

உலகநாதர்  என்பதையும்,

அதை அவர்  தன்னுடைய உலகநீதி என்ற நுhலில்

எழுதியிருக்கிறார் என்பதையும் ,

அனைவரும் உணர்ந்து கொள்ள வேண்டும் .

இந்த பாடலில் உலகநாதர்  என்ன கருத்தை

சொல்ல வருகிறார்  என்பதை இப்பொழுது பார்ப்போம்:

கடவுளிடம் இருந்து சக்திகளைப் பெற வேண்டும் ;

கடவுளிடம் இருந்து வரங்கள் பலவற்றைப் பெற வேண்டும் ;

கடவுள் விளக்கம் பெற வேண்டும் ;

கடவுள் நிலை புரிய வேண்டும் ;

கடவுள் தன்மை உணர வேண்டும் ;

கடவுள் உண்மை நிலை விளங்க வேண்டும் ;

கடவுளை அறிய வேண்டும் ;

கடவுளை அடைய வேண்டும் ;

கடவுளாய் மாற வேண்டும் - என்று

கடவுள் பற்றி நிதம் சிந்தித்துக் கொண்டிருப்பவர் ;

கடவுளை அறிய முற்படுபவர் ;

அறிய வேண்டிய முக்கியமான விஷயங்கள் இரண்டு :

ஒன்று -------- கர்ம வினை,

இரண்டு ------ மறுபடியும் பிறத்தல்

இவைகள் இரண்டும் மறைக்கப்பட்டதால் ;

விளக்கம் தெரியப்படுத்தப் படாததால் ;

சூட்சுமம் விளக்கப் படாததால் ;

ரகசியங்கள் அவிழ்க்கப் படாததால் ;

கடவுளை அடையும் வழி மறைக்கப் பட்டது ;

கடவுளை உணரும் வழி சிக்கலாக்கப் பட்டது ;

கடவுளை அறியும் வழி புதைக்கப் பட்டது ;

இதனால் தான் இந்த உலகம்

மூவரின் ஆளுகைக்குள் வந்து விட்டது ;

மக்கள் கடவுளின் மேல் வைத்த பக்தியை

தனக்கு சாதகமாகப் பயன் படுத்திக் கொண்டு

மதத் தலைவர்கள் பெருகி விட்டனர்;

மதத்தின் மூலம் கிடைக்கும் பணம் அளவற்றது என்பதால்

பொருளாதாரத் தலைவர்கள் வளர்ந்து விட்டனர்;

இரு நிலையில் உள்ளவர்களும்

தான் பெற்றதைக் காப்பாற்றிக் கொள்வதற்கும்

இனி பெறப் போவதை வளர்த்துக் கொள்வதற்கும் ;

அரசியல் தலைவர்களுடன்  இணைந்து விட்டனர் ;

இணக்கமாக சென்று விட்டனர் ;

அரசியல் தலைவர்கள்,  மதத் தலைவர்கள் , பொருளாதாரத் தலைவர்கள்,

இந்த மூவரின் ஆளுகைக்குள்  - தான்

இந்த உலகம் இயங்கிக் கொண்டிருக்கிறது .

இந்த உலகம் வந்து விட்டது .

தாங்கள் வாழ்வதற்காக கடவுளின் உண்மை நிலை

மக்களை உணர விடாமல் தடுத்து விட்டனர் .

இதனால் தான் ,

புற வழிபாட்டில் உள்ள ஆளுமைத் தன்மையையும் ,

அக வழிபாட்டில் உள்ள உண்மைத் தன்மையையும் ,

அறியும் அறிவு இல்லாமல் போய் விட்டது .

இந்தத் தன்மையைத் தான் புறத்தை சொல்வது போல் இருக்கும்

இந்த அடிகளில் தான் உலகநாதர்

அகத்தை அக வழிபாட்டில் உள்ள,  

சூட்சும ரகசியங்களை கட்டவிழ்க்கிறார்.

கோயில் :

கோ என்றால் அரசன் என்று பொருள் .

இல் என்றால் இறைவன் , அரசன் , தலைவன் , உறைவிடம்

இருக்குமிடம் என்று பொருள் .

கோயில் என்றால் இறைவன் இருக்குமிடம் என்று பொருள் .

இந்த உடலாகிய ஆலயத்தில்

உள்ளம் என்ற கோயிலில் இறைவன் இருக்கிறான் .

                                                          மயக்கு மொழி பேசி

                                                         மங்கையர்  வாழ்வை

                                                         நிர்மூல மாக்குபவன் !

          காவி வேடம் தரித்துக் கொண்டு

          கயமைத் தனம் புரியும்

          கபட வேடதாரிகள் !

                                                         அறியாத நெஞ்சை

                                                         அடிமையாக்கி

                                                         அழவைத்து ரசிப்பவர்கள் !

         ஏழ்மையில் உழல்பவர்களை

         ஏளனம் செய்து

         எள்ளி நகையாடுபவர்கள்!

                                                      நாவின் நுனியில்

                                                      நயவஞ்சக வார்த்தை வைத்துக் கொண்டு

                                                      நல்லவர்களை அழிப்பவர்கள் !

         தலைக் கணம் மிகுதி கொண்டு

         தலை கால் புரியாமல்

         தறி கெட்டு நடப்பவர்கள் !

                                                      பொய் பேசி

                                                      பித்தலாட்டம் செய்து

                                                      கூட இருந்தே குழிபறிப்பவர்கள் !

        அஞ்சாது தவறுகளைச் செய்து

        சுக போகங்களில்

        திளைப்பவர்கள் !

                                                   நஞ்சை நெஞ்சிலும்

                                                   போலித் தனத்தை முகத்திலும்

                                                   வைத்துக் கொண்டு குடி கெடுப்பவர்கள் !    
                  

        பேதையராய் பெண்டிரைக் கண்டு

        அவர்களை ஊமையராக்கி

        போகப் பொருளாக்கி துய்க்கும்

        இழி குணம் கொண்டவர்கள் !

                                               பஞ்சமா பாதகங்களை

                                               மனதிற்கு பயப்படாமல்

                                               மனம் அறிந்து செய்பவர்கள் !

        ஆகியோருடைய உள்ளத்தில் அதாவது

        கலங்கமுள்ள அசுத்தமுள்ள உள்ளத்தில்

        இறைவன் குடி இருக்க மாட்டான் .

                                              இத்தகைய தன்மை கொண்டவரிடம்

                                             அசுத்தம் நிறைந்த உள்ளம் கொண்டவரிடம்

                                             இறைவன் இருக்க மாட்டான் .

உடலாகிய ஆலயத்தில் , உள்ளம் என்ற கோயிலில் , இருக்கும் இறைவன்

அசுத்தமுள்ள , களங்கம் நிறைந்த அகத்தில், அதாவது

உள்ளமாகிய கோயிலில் இறைவன் வந்து இருக்க மாட்டான் .

உள்ளமாகிய கோயிலில் இறைவன் வந்து தங்க மாட்டான் .

உள்ளம் சுத்தமாக இருந்தால் தான் ,

உள்ளமாகிய கோயிலில் இறைவன் வந்து தங்குவான் .

உள்ளம் சுத்தமாக இல்லையெனில் ,

உள்ளமாகிய கோயிலில் இறைவன் வந்து தங்க மாட்டான் .

கோயில் இல்லா ஊரில் குடியிருக்க வேண்டாம் , அதாவது

உடலாகிய ஆலயத்தில் , உள்ளமாகிய கோயிலில் ,

இறைவன் இல்லையெனில்

உயிரே நீ உடலில் இருக்க வேணடாம் .

உடலாகிய ஆலயத்தில், உள்ளமாகிய கோயிலில்,

இறைவன் இல்லையெனில்

அத்தகையவன் இழிவான குணத்தை உடையவன் .

அத்தகைய தன்மை உடையவன் இருப்பதை விட இறப்பதே மேல் .

உடலாகிய ஆலயத்தில்,உள்ளமாகிய கோயிலில்,

இறைவன் இல்லையெனில்

அதாவது இறைவன் இல்லாத உடம்பில் குடியிருக்க வேண்டாம் .

அதாவது உயிரே நீ உடலில் குடி இருக்க வேண்டாம் .

உயிர் உடலில் இருக்க வேண்டாம் .

உயிர் உடலில் தங்க வேண்டாம் .

உயிரே நீ வெளியே வந்து விடு என்கிறார்  உலகநாதர்

ஒருவனுடைய அகம் துhய்மையாக இல்லையெனில்

இறைவன் வந்து அகத்தில் தங்க மாட்டான் .

அத்தகைய நிலை உடைய மனிதன் ,

துhய்மையான அகம் இல்லாத மனிதன் ,

இருப்பதை விட இறப்பதே மேல் என்கிறார்  உலகநாதர் .

இயேசு கிறிஸ்து - உலகநாதர்:

இயேசு ,

அகத்தை துhய்மையாக வைத்திருந்தால் இறைவன் வந்து

குடியேறுவார், இருப்பார்,  தங்குவார், என்கிறார் .

அவ்வாறே,

உலகநாதரும் ,

அகம் துhய்மையாக இருந்தால் இறைவன் வந்து தங்குவார்.

அகம் துhய்மையாக இல்லையெனில் இறைவன் வந்து

தங்க மாட்டார் என்கிறார்.

மேலும் ,

ஒரு படி மேலே போய் அகத்தில் இறைவன் இல்லாதவன்

இருப்பதை விட இறப்பதே மேல் என்கிறார்.

                         “”போதித்த குருவின்பாதம் தெண்டனிட்டுப்

                                                      போற்றினேன் பதிவுஇருபத்துஒன்று  ந்தான்முற்றே “”