திருக்குறள்-பதிவு-74

                       திருக்குறள்-பதிவு-74

வெனிஸ் நகரத்தின்

கத்தோலிக்க கிறிஸ்தவ

திருச்சபை ஜியார்டானோ

புருனோவின் மீது முதல்

கட்ட விசாரணையை

நடத்தி முடித்து விட்டது.

இந்த நிலையில் ரோம்

நகரத்தின் கத்தோலிக்க

கிறிஸ்தவ திருச்சபை

ஜியார்டானோ புருனோவின்

மீது மேற்கொண்டு

தொடர் விசாரணை ரோம்

நகரத்தில் நடத்தப்பட

வேண்டும் என்று முடிவு

செய்து ஜியார்டானோ

புருனோவை ரோம்

நகருக்கு அனுப்பி

வைக்க வேண்டும் என்று

வெனிஸ் நகரத்தின்

ஆட்சியாளர்களை

கேட்டுக் கொண்டதுடன்

வெனிஸ் நகரத்தின்

கத்தோலிக்க கிறிஸ்தவ

திருச்சபையையும்

கேட்டுக் கொண்டது.

ரோம் நகரம்

வெனிஸ் நகரத்தை

கேட்டுக் கொண்டதுடன்

நிறுத்தாமல் ஜியார்டானோ

புருனோவை வெனிஸ்

நகரத்திலிருந்து ரோம்

நகரத்திற்கு அழைத்து

வருவதற்காக கப்பலையும்

அனுப்பி வைத்தது

வெனிஸ் நகரத்தின்

ஆட்சியாளர்களும்

வெனிஸ் நகரத்தின்

கத்தோலிக்க கிறிஸ்தவ

திருச்சபையினரும்

ஜியார்டானோ

புருனோவை ரோமுக்கு

அனுப்பி வைப்பதற்கு

எந்தவிதமான நடவடிக்கைகள்

மேற்கொள்ள வேண்டும்

என்று கலந்து

ஆலோசித்தனர்

ஜியார்டானோ புருனோ

சாதாரண மனிதர் இல்லை ;

பல்வேறு புத்தகங்களை

எழுதி அனைவர்

மனதிலும் நிறைந்தவர் ;

உலகத்தில் உள்ள அனைத்து

மக்களாலும் அறியப்பட்டவர் ;

உலகம் முழுவதும

அறியப்பட்ட ஒரு

தத்துவமேதை ;

ரோம் கேட்டுக் கொண்டது

என்பதற்காக அவரை உடனே

அனுப்பி வைக்க முடியாது ;

சட்டப்படி என்ன

என்ன நடவடிக்கைகள்

மேற்கொள்ள வேண்டுமோ

அவைகளை கடைப்பிடித்து

ஜியார்டானோ புருனோவை

ரோம் நகருக்கு

அனுப்பி வைப்பதற்கான

முயற்சிகளை

மேற்கொள்ளலாம் என்று

முடிவு எடுக்கப்பட்டது

அதன்படி,

முதற்கட்டமாக

மக்களிடையே கருத்து

கேட்பது என்றும் ,

இரண்டாம் கட்டமாக

வெனிஸ் நகரத்தின்

கத்தோலிக்க கிறிஸ்தவ

திருச்சபையில் ஜியார்டானோ

புருனோவிற்கு எதிராக

வாக்கெடுப்பு நடத்தி

வாக்கெடுப்பு வெற்றி

பெறும் பட்சத்தில்

ஜியார்டானோ புருனோவை

ரோம் நகருக்கு அனுப்பி

வைப்பது என்றும் முடிவு

செய்யப்பட்டது

ஜியார்டானோ

புருனோவை எதிர்ப்பவர்கள்

சொன்ன பல்வேறு

காரணங்களில் இரண்டு

காரணங்கள் ஜியார்டானோ

புருனோவிற்கு எதிரான

முக்கிய சாட்சியங்களாக

எடுத்துக் கொள்ளப்பட்டன,.

காரணம் – 1 :

ஆண்டவனால் சொல்லப்பட்டு

பைபிளில் எழுதப்பட்ட

பூமியை மையமாக வைத்து

சூரியன் சுற்றுகிறது என்ற

கோட்பாடு தவறு என்றும்

சூரியனை மையமாக

வைத்து பூமி சுற்றுகிறது

என்ற நிக்கோலஸ் கோப்பர்

நிக்கஸ் சொன்ன

கோட்பாடே சரியானது

என்றும் ஜியார்டானோ

புருனோ சொல்லியதன்

மூலம் ஆண்டவன்

வாக்கை இழிவு

செய்வதுடன் ;

பைபிளையும் அவமதிக்கும்

விதத்தில் நடந்து

கொண்டு இருக்கிறார் ;

அவரை ரோம் நகருக்கு

அனுப்ப வேண்டும்

அங்கு அவரைக் கொல்ல

வேண்டும் என்றார்கள்

காரணம் – 2 :

கன்னி மேரியின்

புனிதத் தன்மையைப்
பற்றியும் ;

இயேசு கிறிஸ்துவின்

பிறப்பைப் பற்றியும் ;

இழிவு படுத்தும்

விதத்தில் பேசினார்

ஏன் இவ்வாறு பேசுகிறீர்கள்

நீங்கள் ஒரு கிறிஸ்தவர்

குடும்பத்தில் பிறந்தவர்

கிறிஸ்தவராக வளர்ந்தவர்

கிறிஸ்தவர்

பள்ளியில் படித்தவர்

கிறிஸ்தவர் கல்லூரியில்

வகுப்பு நடத்தியவர்

கிறிஸ்தவ மதத்தைப் பற்றி

நன்கு அறிந்து இருப்பவர்

கிறிஸ்தவ மதத்தின்

மத போதகராக இருப்பவர்

கிறிஸ்தவ மதத்தின்

மதபோதகர்களில்

சிறந்தவராகக் கருதப்படுபவர்

கிறிஸ்தவ மதத்தில்

FATHER ஆக இருப்பவர்

ஏன் இப்படி பேசுகிறீர்கள்

என்று கேட்டதற்கு

நீங்கள் பேசுவது மதம்

நான் பேசுவது தத்துவம்

மற்றும் அறிவியல்

என்கிறார் மதம் என்ற

கண்ணாடியை அணிந்து

கொண்டு பார்த்தால்

உங்களுக்கு தத்துவம்

என்றால் என்ன என்றும்

அறிவியல் என்றால்

என்ன என்றும் தெரியாது

மதம் என்ற கண்ணாடியை

கழட்டிவிட்டு பாருங்கள்

உங்களுக்கு நான் சொன்னது

புரியும் என்று பேசுகிறார்

இவ்வாறு கிறிஸ்தவ

மதத்தை இழிவுபடுத்தி

பேசியதற்காக ஜியார்டானோ

புருனோவைக் கொல்ல

வேண்டும் என்றார்

ஒரு பெண்மணி

இந்த இரண்டு காரணங்களும்

ஜியார்டானோ புருனோ

கிறிஸ்தவ மதத்திற்கு

எதிரானவர் என்று

நிரூபிக்க போதுமானதாக

இருந்தது.

---------  இன்னும் வரும்

---------  26-12-2018

///////////////////////////////////////////////////////////

கிறிஸ்துமஸ் தின வாழ்த்து மடல்-25-12-2018

            கிறிஸ்துமஸ் தின வாழ்த்து மடல்-25-12-2018

அன்பிற்கினியவர்களே,

""பகைவனையும் நேசி"""

என்ற வார்த்தை

இயேசு கிறிஸ்துவால்

சொல்லப்பட்ட வார்த்தை ;

பிரபஞ்ச ஒருங்கிணைப்புத்

தத்துவத்தை

வலியுறுத்தும் வார்த்தை. ;

பிறரை நேசிப்பவர்களை

இரண்டு நிலைகளில்

பிரித்துவிடலாம் :

ஒன்று :

பகைவராக இல்லாதவரை

நேசிப்பவர்கள்

இரண்டு :

பகைவரை நேசிப்பவர்கள்

பகைவராக இல்லாதவரை

நேசிப்பதற்கு எந்தவித

சிறப்பு குணங்களும்

தேவையில்லை

ஆனால் பகைவனை

நேசிப்பதற்கு

அன்பு, கருணை என்ற

இரண்டு குணங்கள்

கண்டிப்பாக தேவை.

இந்த இரண்டு குணங்கள்

மட்டும் இருந்தால் போதாது

அந்த குணமாகவே

மாறினால் மட்டுமே

பகைவனை நேசிக்க முடியும்

பகைவனை நேசிக்கும்

போது இரண்டு விதமான

நிகழ்வுகள் நடைபெறுகிறது

ஒன்று :

முதலில் நாம் திருந்துகிறோம்

இரண்டு :

பிறரை திருத்துகிறோம்

பொய் , சூது ,

கொலை , கொள்ளை ,

கற்புநெறி பிறழ்தல் ,

என்ற பஞ்சமா

பாதகங்களை செய்து

கொண்டிருக்கும் நாம்

இந்த தவறுகளுக்கு

எல்லாம் மூல காரணம்

நம்மிடம் உள்ள ஆறு

வகை தீய குணங்களான

பேராசை, சினம்,

கடும்பற்று,

முறையற்ற

பால் கவர்ச்சி,

உயர்வு- தாழ்வு

மனப்பான்மை ,

வஞ்சம் ஆகியவை தான்

என்பதை உணர்ந்து

அவற்றை நம்மிடையே

இருந்து படிப்படியாக

நீக்குவதற்கான

முயற்சிகளை நாம்

மேற்கொள்ளும்போது

அறுவகை தீய

குணங்களும் நம்மை

விட்டு படிப்படியாக

விலகிச் செல்ல செல்ல

அன்பும், கருணையும்

நம்மிடம் படிப்படியாக

வளர்ந்து கொண்டே

வருகிறது நம்மிடம் உள்ள

ஆறுவகை தீய குணங்களும்

நம்மை விட்டு முற்றிலுமாக

நீங்கும் போது நாம்

அன்பும், கருணையுமாகவே

மாறி விடுகிறோம்

இந்த நிலைக்கு நாம்

மாறிவிடும்போது நாம்

பகைவனையும் நேசிக்கத்

துவங்கி விடுகிறோம்

அதாவது பகைவனை

நேசிப்பதற்கு முதலில்

நாம் திருந்துகிறோம்

நாம் அன்பும்

கருணையுமாக மாறி

பகைவனை நேசிக்கத்

துவங்கும் போது பகைவன்

நமக்கு எதிராக எந்த

செயல்களைச் செய்தாலும்

அதனை பெரிதாக

எடுத்துக் கொள்ளாமல்

பகைவனை மன்னிக்கும்

உயர்ந்த குணத்தை

பெற்று விடுகிறோம்

நம்முடைய உயர்ந்த

குணங்களை காணும்

பகைவன் நாம் எவ்வளவு

கெடுதல் செய்கிறோம்

இவர் நம்மை மன்னித்து

நமக்கு எதிராக எந்த

ஒரு கெடுதலான

செயல்களையும்

செய்வதில்லை என்று

பகைவன் உணரும்போது

பகைவனுடைய மனதில்

உள்ள ஆறு வகை

தீய குணங்களும்

பகைவனை விட்டு

படிப்படியாக விலகிச்

செல்ல செல்ல

அன்பும், கருணையும்

பகைவனிடம் படிப்படியாக

வளர்ந்து கொண்டே

வருகிறது

பகைவனிடம் உள்ள

ஆறுவகை தீய குணங்களும்

பகைவனை விட்டு

முற்றிலுமாக நீங்கும் போது

பகைவன் அன்பும்,

கருணையுமாகவே

மாறி விடுகிறான்

இந்த நிலைக்கு பகைவன்

மாறிவிடும்போது

பகைவன் எதிரியாக

நினைத்த நம்மையும்

நேசிக்கத் துவங்கி

விடுகிறான்

நம்முடைய உயர்ந்த

குணங்களால் பகைவன்

திருத்தப்படுகிறான்

முதலில் நாம்

திருந்துகிறோம்

பிறகு பகைவனை

திருந்தச் செய்கிறோம்

இத்தகைய நிலையை

இந்த உலகத்தில் உள்ள

ஒவ்வொருவரும்

கைக்கொள்ளுபோது

இந்த உலகம்

முழுவதும் அன்பும்,

கருணையுமாக நிரம்பி

அனைவரும் ஒன்றுபட்டு

ஒற்றுமையாக

ஒருவருக்கொருவர்

ஒத்தும் உதவியும்

வாழக்கூடிய அமைதியான

ஒரு உலகம் ஏற்படும்

அதாவது பிரபஞ்ச

ஒருங்கிணைப்பு ஏற்படும்

என்பதை உணர்ந்து தான்

இயேசு கிறிஸ்து

பகைவனையும் நேசி

என்றார்

இவ்வளவு உயர்ந்த

தத்துவத்தை இரண்டு

வார்த்தைகளில்

சொல்லிச் சென்ற

இயேசு கிறிஸ்துவின்

வார்த்தைகளில்

உள்ள அர்த்தங்களை

மனதில் கொண்டு

இயேசு கிறிஸ்துவின்

பிறந்த நாளான

கிறிஸ்துமஸ் தினத்தன்று

பகைவனை நேசிக்கத்

துவங்குவோம்

சமதர்ம உலகத்தை

உருவாக்குவோம்

25-12-2018-ஆம் ஆண்டு

கிறிஸ்துமஸ்

தின வாழ்த்துக்கள்

--------என்றும் அன்புடன்

--------K.பாலகங்காதரன்

--------25-12-2018

///////////////////////

திருக்குறள்-பதிவு-73

                      திருக்குறள்-பதிவு-73

எனக்கு

வாழ்வதற்காக

பணம் தேவைப்பட்டதால்

குழந்தைகளுக்கு

Art of Memory

என்ற பாடத்தை

கற்பிக்கும் தொழிலை

நோலியிலும்

லிகுரியாவிலும்

செய்தேன்

டுரினை விட்டு

வெளியேறி

போ என்ற

ஆற்றைத் தொடர்ந்து

சென்று முதன்

முறையாக வெனிஸ்

சென்றேன்

வெனிஸ் நகரத்தில்

ஒரு மாதமாக

தொழிலாளி

ஒருவருடைய

வீட்டில் தங்கினேன்

அவருடைய பெயரை

என்னுடைய நினைவுக்கு

கொண்டு வர

என்னால்

முடியவில்லை

எனக்கு உடல்நிலை

சரியில்லாமல் போன

காரணத்தினால் நான்

வெனிஸ் நகரத்தை

விட்டு வெளியேறி

படோவா சென்றேன்

ஆல்ப்ஸ் மலையைக்

கடந்து ஜெனிவா

சென்றேன் ஜெனிவா

கல்வானிஸ்டிகளால்

ஆளப்பட்டு வந்தது

அதனைத் தொடர்ந்து

நான் டௌலோவ்

சென்றேன்

அங்கு இரண்டு

ஆண்டுகள்

தங்கி

பல்கலைக் கழகத்தில்

கற்பித்தல் தொழிலை

செய்தேன்

என்மீது

தொடுக்கப்பட்ட

மதப்போர்களின்

காரணமாக நான்

பாரிஸில் இருந்து

வெளியேறினேன்

ஹென்றி 3

என்னிடம்

கேட்டுக் கொண்டதற்கு

இணங்க நான்

Art of Memory

கற்பித்தேன்

ஐந்து வருடங்கள்

பாடம் கற்பித்த பிறகு

சபர்போன்னில்

மதத்தின் பெயரால்

மதப் போர்கள்

என்மீது

நடத்தப்பட்டன

மதக் குற்றங்கள்

சுமத்தப்பட்டன

அங்கிருந்து வெளியேறி

லண்டன் சென்றேன்

ராணி எலிசபெத்

எனக்கு மரியாதை

செலுத்தி

கௌரவித்தார்

ருடால்ப் 2

வான் ஹப்ஸ்பர்க்

அறிவியலின்

மிகப் பெரிய ஞானி

நான் செய்த

பல்வேறு வேலைகளில்

ஜியோமேட்ரிக்

வேலைக்காக மட்டும்

எனக்கு 300 தாலர்ஸ்

கொடுத்தார்

புத்தக சந்தையில்

கலந்து கொள்ள

வேண்டும் என்று

ஜியோவானி

மொசிங்கோ

அழைப்பிதழ் அனுப்பி

அழைத்ததின் பேரில்

வெனிஸ் வந்தேன்

நான் வெனிஸ்

வந்து உங்களால்

குற்றவாளி என்று

குற்றம் சாட்டப்பட்டு

உங்கள் முன் நின்று

கொண்டிருக்கிறேன்

இது தான்

என்னுடைய வாழ்க்கை

வரலாற்றின் சுருக்கம்

என்று சிங்கமென

கர்ஜித்து முடித்தார்

ஜியார்டானோ புருனோ

சிங்கத்தை பிடித்து

கூண்டில் அடைத்து

சித்திரவதை செய்தாலும்

சிங்கம் சிங்கமாகத்

தான் இருக்குமே

தவிர பூனையாக

மாறாது என்பதை

நிரூபித்து விட்டு ;

முதல் விசாரணை

முடிந்து விட்ட

காரணத்தினால்

அடுத்த விசாரணை

நடக்கும் வரை

சிறையில்

சித்திரவதைகளை

அனுபவிக்க சிறைக்கு

சிங்கமென நடந்து

சென்று கொண்டிருந்த

ஜியார்டானோ

புருனோவையே

வைத்த கண் மாறாமல்

பார்த்துக் கொண்டு

நின்று கொண்டு

இருந்தனர்

கிறிஸ்தவ மத

போதகர்கள்

  

இறப்பைக் கண்டு

பயப்படுபவன்

வாழ்க்கையைக்

கண்டும் பயப்படுவான் ;

இத்தகையவனை யார்

வேண்டுமானாலும்

எளிதாக அடிபணிய

வைத்து விடலாம் ;

ஆனால்

இறப்பைக் கண்டு

பயப்படாதவனை

அந்த ஆண்டவனே

வந்தாலும் அடி

பணிய வைக்க

முடியாது ; என்பதை

அவர்கள் உணரத்

தவறிவிட்டனர்

 ---------  இன்னும் வரும்

---------  21-12-2018

///////////////////////////////////////////////////////////