திருக்குறள்-பதிவு-104

                      திருக்குறள்-பதிவு-104

(சிறையில் இருக்கும்

ஜியார்டானோ

புருனோவை நேரில்

சந்தித்து பாதர்

டிராகாக்லியோலோ

பேசத் தொடங்கினார்)

பாதர் டிராகாக்லியோலோ :

“ உங்களை கொல்ல

வேண்டும் என்றும் :

உங்களை

கொல்லக்கூடாது என்றும் ;

இரு வேறுபட்ட கருத்துக்கள்

உருவாகி விட்ட

காரணத்தினால் கத்தோலிக்க

கிறிஸ்தவ திருச்சபை

உங்களால்  இரண்டாக

பிரிந்து நிற்கிறது “

“ நீங்கள் ஏன் உங்கள்

மனதை மாற்றிக் கொள்ள

மாட்டேன் என்கிறீர்கள்?” “

“ மரணத்தைப் பார்த்து

உங்களுக்கு பயமில்லையா?”

ஜியார்டானோ புருனோ :

“ நான் வாழ்க்கையை

வெறுப்பவனும் கிடையாது ;

மரணத்தை கண்டு

பயப்படுபவனும் கிடையாது ;

மரணத்தை பார்த்து நான்

ஏன் பயப்பட வேண்டும் “

“கோள்களின் இயக்கங்கள் ;

பருவகால மாற்றங்கள் ;

மட்டுமின்றி இந்த

பிரபஞ்சத்தில் உள்ள

அனைத்தும் எப்படி

இயக்க ஒழுங்கு

மாறாமல் இயங்கிக்

கொண்டிருக்கிறதோ

அப்படியே பிறப்புக்கும்

இறப்புக்கும் இடையே

வாழ்க்கை நடந்து

கொண்டிருக்கிறது “

“ இத்தகைய நித்திய நியதி

இந்த பிரபஞ்சத்தில் உள்ள

அனைவருக்கும் மட்டுமின்றி

அனைத்துக்கும் பொருந்தும் “

“ அப்படி இருக்கும் போது

நான் ஏன் வாழ்க்கையை

வெறுக்க வேண்டும் ;

மரணத்தை கண்டு

பயப்பட வேண்டும் ; “

பாதர் டிராகாக்லியோலோ :

“ உங்களுடைய

இறப்பை

பெரும்பாலானவர்கள்

விரும்பவில்லை “

“ உங்களிடம்

மனமாற்றத்தை

எதிர்பார்க்கிறேன் “

(பாதர் டிராகாக்லியோலோ

ஜியார்டானோ புருனோவை

சந்தித்து பேசி விட்டு

சென்று விட்டார்)

//////////////////////////////////////////////////////////////

(ஜியார்டானோ

புருனோவிற்கு எதிரான

ரோம் நகரத்தின் நான்காம்

கட்ட விசாரணை

துவங்கியது ஜியார்டானோ

புருனோவை போப்பின்

பாதுகாவலர்கள் பல்வேறு

பாதைகளின் வழியாக

அழைத்து சென்று ஒரு

பெரிய மண்டபத்தின்

மையத்தில் கொண்டு

சென்று அவரை தனியாக

நிறுத்தினர், போப்

கிளமெண்ட்-VIII அவர்களின்

பாதுகாவலர்கள்

ஜியார்டானோ

புருனோவை சுற்றி

பாதுகாப்புக்காக

நின்று கொண்டனர்,

அவருக்கு நேர் எதிராக

போப் கிளமெண்ட்-VIII

அவர்கள் அமர்ந்து

கொண்டிருந்தார் - அவரைச்

சுற்றி அவரது

பாதுகாவலர்கள்

நின்று கொண்டிருந்தனர்

கார்டினல் சார்டோரி ;

பெல்லரமினோ ; பாதர்

டிராகாக்லியோலோ ;

ஆகியோரும்

கார்டினல்களும் அந்த

அறையில் அமர்ந்து

இருந்தனர் - அங்கே

அமர்ந்து

இருந்தவர்களில்

ஒரு அதிகாரி எழுந்து

பேசத் தொடங்கினார் )

அதிகாரி :

“ இந்த நீதிமன்றத்தால்

நியமிக்கப்பட்ட

குழுவானது ஜியார்டானோ

புருனோவால்

எழுதப்பட்ட எழுத்துக்கள்

அனைத்தையும் முதலாவதாக

கவனமாக படித்து

ஆராய்ந்து பார்த்தது “

“ இரண்டாவதாக

விசாரணையின் போது

எழுதப்பட்ட பதிவுகள்

அனைத்தையும் ஒன்றுக்கு

மேற்பட்டு பலமுறை

படித்து பார்த்தது “

“ அதனைத் தொடர்ந்து

இரண்டையும் ஒப்பிட்டு

பார்த்ததில் - இந்த

குழுவானது ஒரு

முடிவுக்கு வந்திருக்கிறது;

இந்தக்குழு எடுத்த முடிவை

புனித போப் அவர்கள்

முன்னால் படிப்பதற்கு

அனுமதி அளிக்குமாறு

இந்தக்குழுவின் சார்பாக

நான் கேட்டுக் கொள்கிறேன்”

(அப்பொழுது பெல்லரமினோ

தன்னுடைய இருக்கையை

விட்டு எழுந்து பேசத்

தொடங்கினார்)

பெல்லரமினோ  :

“ ஜியார்டானோ புருனோ

தன்னுடைய கருத்துக்களை

இங்கே சொல்ல

விரும்பினால் - அவர்

தன்னுடைய கருத்துக்களை

இங்கே அனைவர்

முன்பும் சொல்லலாம் “

ஜியார்டானோ புருனோ :

(ஜியார்டானோ புருனோ

எதுவும் பேசவில்லை

அமைதியாக இருந்தார்)

பெல்லரமினோ  :

“ கத்தோலிக்க கிறிஸ்தவ

திருச்சபை

குற்றவாளிகளை

தண்டிப்பதற்கான

செயல்களைத்தான்

செய்யும் ;

குற்றமற்றவர்களை

தண்டிக்கும் செயலைச்

செய்யாது ;  “

“ நாங்கள் பாவங்கள்

தான் இறக்க வேண்டும்

என்று நினைப்போமே

தவிர ;  பாவிகள் இறக்க

வேண்டும் - என்று

நினைத்ததில்லை, “

 “நாங்கள் பாவங்களை

கொல்லும்

அதிகாரத்தைத்தான்

பெற்றிருக்கிறோம் ;

பாவிகளை கொல்லும்

அதிகாரத்தை

பெற்றிருக்கவில்லை ; “.

---------  இன்னும் வரும்

----------  K.பாலகங்காதரன்

---------  11-02-2019

//////////////////////////////////////////////

திருக்குறள்-பதிவு-103

                     திருக்குறள்-பதிவு-103

கார்டினல் சார்டோரி :

“ ஜியார்டானோ

புருனோவை

உயிருடன் எரித்துக்

கொல்வதற்கு தேவையான

அனைத்து ஆதாரங்களும்

தயார் செய்யப்பட்டு

இருக்கிறது. “

“ இந்த ஆதாரங்களே

போதுமானவை

ஜியார்டானோ

புருனோவை

உயிருடன் எரித்து

கொல்வதற்கு…………………………………!

போப் கிளமெண்ட்-VIII :

“அந்த மூன்று

நபர்களை பற்றிச்

சொல்கிறீர்களா………………? “

“அவர்களை நம்புவது

என்பது ஆபத்தானது?”

“அவர்கள் எந்த

நேரத்திலும்

தங்களுடைய மனதை

மாற்றிக் கொள்ளலாம்”

“பிறழ் சாட்சியாக

மாறுவதற்கு கூட

வாய்ப்பிருக்கிறது”

“தங்களை காப்பாற்றிக்

கொள்வதற்கு

உண்மையை

சொல்லாமல்

பொய் சொல்லி

விட்டால் என்ன

செய்வது………………………………..? ”

கார்டினல் சார்டோரி :

‘ புனித தந்தையே !

நன்றாக யோசியுங்கள்

தற்போது நடந்து

கொண்டிருக்கும்

சூழ்நிலைகளை நன்றாக

உற்று பாருங்கள். “

“ ஜியார்டானோ

புருனோவை

கொல்வதற்கு இது தான்

சரியான தருணம்

இதனை நாம் தவற

விட்டு விடக்கூடாது; “

“ புனித ஆண்டு

துவங்க இருக்கிறது

ரோம் நகரை தரிசனம்

செய்வதற்கு

உலகின் பல்வேறு

நாடுகளிலிருந்தும்

யாத்ரீகர்கள் வரத்

தொடங்குவர் “

“ அவர்கள் கேட்கும்

கேள்விகளுக்கு

நாம் என்ன பதில்

சொல்வது……………………….? “

“ கத்தோலிக்க கிறிஸ்தவ

திருச்சபையை

எதிர்த்த ஒருவரை

இன்னும்

உயிரோடு விட்டு

வைத்திருக்கிறீர்களா

என்று அவர்கள் கேள்வி

கேட்டால் நாம் என்ன

பதில் சொல்வது “

“ கிறிஸ்தவ மத

நம்பிக்கைகளையும்

பைபிளில் உள்ள

கருத்துக்களையும்

எதிர்த்த ஒருவரை

இன்னும் விட்டு

வைத்திருக்கிறீர்களா

என்று அவர்கள்

கேட்டால்

நாம் என்ன பதில்

சொல்வது “

“ ஜியார்டானோ

புருனோவின்

கருத்துக்கள் அனைத்து

இடங்களிலும்

பரவத் தொடங்கி

இருக்கிறது “

“ அரசாங்கத்தின்

அனைத்து துறைகளிலும்

நுழைய ஆரம்பித்து

இருக்கிறது “

“ மக்கள் அனைவரும்

ஜியார்டானோ

புருனோவின்

கருத்துக்களை சிந்திக்கத்

தொடங்கி விட்டனர் “

“ ஜியார்டனோ

புருனோவை

நாம் உயிருடன்

விட்டு வைத்தால்

ஜியார்டானோ புருனோ

மக்கள் அனைவரையும்

நஞ்சாக்கி விடுவார் ;

கத்தோலிக்க கிறிஸ்தவ

திருச்சபையையும்

கிறிஸ்தவ மக்களையும்

எதிர்க்கும் நிலைக்கு

மக்களை உருவாக்கி

விடுவார் ; “

போப் கிளமெண்ட்-VIII :

“ ஜியார்டானோ

புருனோ உயிருடன்

எரித்துக்

கொல்லப்படுவதை

நான் விரும்பவில்லை ;

அவர் உயிருடன்

இந்த உலகத்தில் வாழ

வேண்டும் ; “

“ அவரை நாம்

கொல்வதால் அவர்

செய்தது அனைத்தும்

சரி என்று ஆகிவிடும் “

“ அவர் தான் செய்த

தவறுகளை

உணர வேண்டும் ;

மக்கள் மத்தியில் தான்

செய்தது தவறு

சொல்லி ஒத்துக்

கொண்டு மன்னிப்பு

கேட்டு மனம்

வருந்த வேண்டும் ;”

பெல்லரமினோ :

“ அவரை உயிரோடு

விட்டு வைத்தால்

மக்கள் அனைவரையும்

நமக்கு எதிராக

திருப்பி விடுவார் ;

அவரை உயிரோடு

எரித்து கொல்வது

என்பது தவிர்க்க

முடியாத ஒன்று;

அவரை கொன்றே

ஆக வேண்டும்;”

போப் கிளமெண்ட்-VIII :

“ அதை உங்களால்

நிறைவேற்ற முடியாது “

“ அது நடப்பதற்கு

வாய்ப்பே இல்லை “

(என்று பேசிவிட்டு

போப் கிளமெண்ட்-VIII

அவர்கள் தன்னுடைய

தனிமையான அறைக்குள்

சென்று விட்டார்

கார்டினல் சார்டோரி

பெல்லரமினோ

பாதர் டிராகாக்லியோலோ

போப் நடந்து

செல்வதையே நின்று

பார்த்துக் கொண்டு

இருந்தனர்)

---------  இன்னும் வரும்

----------  K.பாலகங்காதரன்

---------  10-02-2019

/////////////////////////////////////////////////////////////

திருக்குறள்-பதிவு-102

                      திருக்குறள்-பதிவு-102

(போப் அறையில்

பாதர் டிராகாக்லியோலோ

அமைதியாக நின்று

கொண்டிருக்க ;

போப் கிளமெண்ட்-VIII ;

கார்டினல் சார்டோரி  ;

பெல்லரமினோ  ;

ஆகியோரிடையே

சூடான வாக்கு வாதம்

நடைபெற்றுக்

கொண்டிருந்தது)

போப் கிளமெண்ட்-VIII :

“ கார்டினல் சார்டோரி

உங்களைக் கண்டு

நாங்கள் பலமுறை

பொறாமைப்பட்டிருக்கிறோம் ;

உங்களுடைய அறிவுத்

திறமையைக் கண்டு

நாங்கள் வியந்திருக்கிறோம் ;

சந்தேகம் என்ற

ஒன்றே ஏற்படாதவர் ;

என்று பெருமைப்

பட்டிருக்கிறோம் ; “

“ உங்களுக்கு ஏதேனும்

சந்தேகம் ஏற்பட்டு

இருக்கிறதா…….? “

கார்டினல் சார்டோரி :

“ புனித தந்தையே !

எனக்கு எந்த சந்தேகமும்

ஏற்படவில்லை “

“ ஆனால் தாங்கள்

என்ன நினைக்கிறீர்கள் ?

என்பதையும் ;

தாங்கள் என்ன

சொல்ல வருகிறீர்கள் ?

என்பதையும் ;

என்னால் புரிந்து

கொள்ள முடியவில்லை ; “

பெல்லரமினோ :

ஞகத்தோலிக்க

கிறிஸ்தவ திருச்சபைக்கும்

கிறிஸ்தவ மதத்திற்கும்

எதிராக செயல்பட்டவர்களை

தூக்கில் போடுவது ;

உயிரோடு எரிப்பது ;

என்று அளிக்கப்பட்ட பல

தண்டனைகளை மக்கள்

பார்த்து விட்டார்கள் “

“ இனிமேலும்

இதைப்போல் தண்டனைகள்

வழங்கப்பட்டால் - மக்கள்

இதைப் பார்த்துக் கொண்டு

சும்மா இருப்பார்களா

என்று தெரியவில்லை; “

கார்டினல் சார்டோரி :

“ ஜியார்டானோ

புருனோவை உயிரோடு

எரிப்பதன் மூலம்

மக்களுக்கு ஒன்றை

புரிய வைக்கலாம் ;

கிறிஸ்தவ மதத்தை

எதிர்ப்பவர்களுக்கு

இத்தகைய நிலை தான்

ஏற்படும் என்பதை

புரிய வைக்கலாம் ; “

“ ஜியார்டானோ

புருனோவை உயிரோடு

எரிக்காவிட்டால் ;

கிறிஸ்தவ மதத்தை

எதிர்ப்பவர்களுக்கும் ;

கிறிஸ்தவ

மதத்தை எதிர்க்க

நினைப்பவர்களுக்கும்

மனதில் தைரியம்

வந்து விடும் “

“ யார் வேண்டுமானாலும்

கத்தோலிக்க கிறிஸ்தவ

திருச்சபையின்

நடவடிக்கைகளை

எதிர்க்கலாம் ;

கிறிஸ்தவர்கள் பின்பற்றும்

மத நம்பிக்கைகளை

இழிவு செய்யலாம் ;

பைபிளில் உள்ள

கருத்துக்கு எதிராக

கருத்து சொல்லலாம் ;

என்ற நிலை

உருவாகி விடும் “

 “ ஜியார்டானோ

புருனோவை உயிரிரோடு

எரிப்பதன் மூலம்

கிறிஸ்தவ மதத்தை யாரும்

எதிர்க்கவும் மாட்டார்கள் ;

கிறிஸ்தவ மதத்தை

எதிர்க்க வேண்டும்

என்ற தைரியமும்

யாருக்கும் வராது ;

போப் கிளமெண்ட்-VIII :

“ ஜியார்டானோ

புருனோவை உயிரோடு

எரிக்கும் செயலைச்

செய்தால் நடைபெற்றுக்

கொண்டிருக்கும் ஆட்சி

கடவுளின் ஆட்சியாக இராது ;

பயங்கரவாதிகளின்

ஆட்சியாகத் தான் இருக்கும் ; “

கார்டினல் சார்டோரி :

“ ஜியார்டானோ

புருனோவின் கருத்துக்கள்

கத்தோலிக்க கிறிஸ்தவ

திருச்சபையின் மாளிகை

வரை வந்து விட்டது

என்று சொல்கிறார்கள் “

போப் கிளமெண்ட்-VIII :

“ போப்பை நீங்கள்

கிறிஸ்தவ மதத்திற்கு

எதிரானவர் என்கிறீர்களா….? “

“போப்பையே நீங்கள்

சந்தேகப் படுகிறீர்களா……..? “

கார்டினல் சார்டோரி :

“அதை நான்

சொல்லவில்லை “

“அதை நான்

சொல்லவில்லை “

ஜியார்டானோ

புருனோவின் கருத்துக்கள்

புனித போப்பின்

ஆத்மாவிற்குள் புகுந்து

பாதிப்பை ஏற்படுத்துகிறது

என்றால் - இனிமேலும்

இத்தகைய ஒரு பிரச்சினை

ஏற்படக்கூடாது என்றால்

அதற்கு ஒரே வழி

ஜியார்டானோ

புருனோவை உயிரோடு

எரிப்பது மட்டும் தான். “

பெல்லரமினோ :

“ ஜியார்டோனோ

புருனோவை உயிரோடு

எரித்தால் - அவரை

உயிரோடு எரிப்பதற்காக

வைக்கப்பட்ட நெருப்பு

உயிரோடு எரித்ததோடு

மட்டுமில்லாமல்

எரித்த அந்த நெருப்பு

அணையாமல் தொடர்ந்து

பல நூற்றாண்டுகள்

எரிந்து மிகப்பெரிய

பாதிப்புகளை ஏற்படுத்திக்

கொண்டே இருக்கும் “

கார்டினல் சார்டோரி :

“நாம் கிறிஸ்தவ

மதத்திற்கு எதிராக

செயல்பட்ட ஜியார்டானோ

புருனோவிற்கு என்ன

தண்டனை வழங்க

வேண்டும் என்பதைப்

பற்றி பேசிக்

கொண்டிருக்கிறோமோ ?

( அல்லது )

அவருடைய பாவங்களை

எப்படி மன்னிப்பது ;

எப்படி அவருக்கு கடவுள்

அருள் கிடைக்கச் செய்வது ;

என்பதைப் பற்றி - நாம்

பேசிக் கொண்டிருக்கிறோமோ?

என்பது எனக்கு தெரியவில்லை.”

---------  இன்னும் வரும்

----------  K.பாலகங்காதரன்

---------  09-02-2019

/////////////////////////////////////////////////////////////