பரம்பொருள்-பதிவு-97

                  பரம்பொருள்-பதிவு-97

"தன்னுடைய தாய்

உலூபியின் அனுமதியைப்

பெற்று தன்னுடைய

தந்தை அர்ஜுனனைக்

காண புறப்பட்டான்

அரவான் "

"அர்ஜுனனுடைய

தந்தையான

இந்திரன் இருக்கும்

இந்திரலோகத்தில்

இந்திரனுடைய அவையில்

அர்ஜுனன் இருப்பதாகக்

கேள்விப்பட்டு இந்திரனுடைய

அவைக்கே சென்றான்

அரவான் "

"இந்திரன் அவையில்

இந்திரன் ; அர்ஜுனன் ;

கிருஷ்ணன் ; மற்றும்

சிலர் இருந்தனர்.

இந்திரனுடைய அவைக்குள்

நுழைந்தான் அரவான் "

இந்திரன்  :

"யார் நீ

எங்கிருந்து வந்திருக்கிறாய் ?

எதற்காக வந்திருக்கிறாய் ?

என்ன காரணத்திற்காக

வந்திருக்கிறாய் ?

என்ன நோக்கத்தோடு

வந்திருக்கிறாய் ?

எத்தகைய செயலைச்

செய்வதற்காக

வந்திருக்கிறாய் ?

" இந்திரன் அவைக்குள்

நுழைவதற்கு முன்

அனுமதி பெற்று

வர வேண்டும்

என்பது உனக்கு

தெரியாதா ?

அனுமதி இல்லாமல்

இந்திரன் அவைக்குள்

நுழைந்தவர்கள்

உயிரோடு வெளியே

சென்றதில்லை என்ற

செய்தி உனக்கு

தெரியாதா ?

நல்ல எண்ணத்துடன்

வந்திருந்தால்

உன் உயிர் தப்பியது ?

தவறான எண்ணத்துடன்

வந்திருப்பாயேயாகில்

உன் உயிர் உனக்கு

சொந்தமல்ல ? "

"நீ உயிரோடு

வாழ வேண்டும் என்றால்;

உன் உயிர் உனக்கு

சொந்தமாக இருக்க

வேண்டும் என்றால் ;

உண்மையைச் சொல்

யார் நீ…………………………….?"

அரவான் :

"தர்மத்தின் பக்கம்

நின்று போர் புரிவதற்காக

வந்திருக்கிறேன் "

இந்திரன் :

" தர்மம் என்றால்

என்ன என்றே

உனக்குத் தெரியவில்லை ?

அப்படி இருக்கும் போது

எப்படி தர்மத்தின்

பக்கம் நின்று

போர் புரிவாய் ? "

அரவான் :

"தர்மம் என்றால்

என்ன என்பதை

என்னுடைய அன்னை

எனக்கு சொல்லிக்

கொடுத்துத் தான்

வளர்த்து இருக்கிறார் "

"என்னுடைய அன்னை

எனக்கு சொல்லிக்

கொடுத்த

தர்மத்தை உணர்ந்து ;

தர்மத்தின்

பாதை தவறாமல்

வாழ்க்கையை நடத்திக்

கொண்டிருப்பவன் நான் ;"

இந்திரன் :

"உன்னுடைய

செயல்களைப் பார்த்தால்

அன்னையின் வார்த்தைக்கு

மதிப்பு கொடுத்து

நடப்பவனாகத்

தெரியவில்லையே !"

" அன்னையின் வார்த்தைக்கு

மதிப்பு கொடுத்து

தர்மத்தை

கடைபிடிப்பவனாக

இருந்திருந்தால்……………….?

இந்திரன் அவைக்குள்

அனுமதி பெற்று அல்லவா

உள்ளே நுழைந்திருப்பாய் !"

"ஒரு விஷயத்தை

நன்றாக தெரிந்து கொள் !

இந்திரன் அவைக்குள்

நட்புடன்  வந்தவர்களை

அன்பு காட்டி ;

அரவணைத்து ;

பாசத்தைக் காட்டி ;

மகிழ்வித்து வழியனுப்பி ;

வைத்திருக்கிறோம் !

விரோதியாக வந்தவர்களுக்கு

மரணம் என்றால்

என்ன என்பதைப்

புரிய வைத்து எங்கு

செல்ல வேண்டுமோ

அங்கு வழியனுப்பி

வைத்திருக்கிறோம் !"

"நீ நண்பனாக

வந்திருக்கிறாயா ? (அல்லது)

விரோதியாக

வந்திருக்கிறாயா ? "

அரவான் :

"எனக்கு விரோதிகள்

என்று யாரும் இல்லை  ;

என்னை யாரும்

விரோதியாக

நினைத்ததில்லை ;

என்னுடைய விரோதி

என்று சொல்லிக்

கொண்டு என் எதிரே

யாரும் நின்றதில்லை.;

ஏனென்றால் என்

எதிரே என்னுடைய

எதிரியாக நிற்பதற்கு

யாருக்கும் தைரியம்

இருந்ததில்லை ;"

"எனக்கு எதிரி என்று

சொல்லிக் கொண்டு

எதிரியாக இப்போது

இந்த உலகத்தில்

யாருமே இல்லை ;

என்னை நண்பனாக

ஏற்றுக் கொண்டவர்கள்

மட்டுமே இந்த

உலகத்தில் வாழ்ந்து

கொண்டிருக்கிறார்கள் ;"

இந்திரன் :

" உன்னுடைய பேச்சும்

நடவடிக்கையும்

உன் மேல்

எனக்கு கோபத்தை

ஏற்படுத்தவில்லை ;

மாறாக உன் மேல்

எனக்கு அன்பைத் தான்

ஏற்படுத்துகிறது ;

பாசத்தைத் தான்

ஏற்படுத்துகிறது ;

இனம் புரியாத

ஏதோ ஒன்று

உனக்குள்ளும்

எனக்குள்ளும்

பிணைப்பை

ஏற்படுத்துகிறது ;"

"பிரபஞ்சத்தின்

ரகசியங்கள்

ஆச்சரியப்படத்தக்கவை !

அந்த ஆச்சரியத்தில்

பூத்து வந்தவனாக

நீ இருக்கிறாய் !"

"அதிசயத்தில் பிறந்து

வந்த அற்புதமாக

நீ இருக்கிறாய் "

"விடை காண முடியாத

கேள்விக் குறியாக

நீ இருக்கிறாய்"

"என் மனம் கலக்கம்

அடைகிறது  ;

சிந்தனை குழப்பம்

அடைகிறது ;

எண்ணம் தடுமாறுகிறது  ;

பேச வார்தை

வர மாட்டேன் என்கிறது ;

என்னால் என்னுடைய

உணர்வுகளை கட்டுப்படுத்த

முடியவில்லை ;"

"சொல்……………………………….?

யார் நீ………………………………..?

---------- இன்னும் வரும்

----------- K.பாலகங்காதரன்

---------- 12-12-2019

//////////////////////////////////////////

பரம்பொருள்-பதிவு-96

                    பரம்பொருள்-பதிவு-96

“தன்னுடைய தாய்

உலூபியின்

மேற்பார்வையில்

பாதுகாப்பில்

மற்றும்

அரவணைப்பில்

வளர்ந்த அரவான் ;

அ  ன்பிற்கு

இலக்கணமாய் !

ஆ  ளுமைக்கு

உறைவிடமாய் !

இ  னிமைக்கு

இருப்பிடமாய் !

ஈ  கைக்கு

எடுத்துக்காட்டாய் !

உ  ழைப்புக்கு

உயர்வாய் !

ஊ  ருக்கு

உதாரணமாய் !

எ  ளிமைக்கு

ஆதரவாய் !

ஏ  ற்றத்திற்கு

சிந்தனையாய் !

ஐ  யத்திற்கு

விளக்கமாய் !

ஒ  ற்றுமைக்கு

ஒளிச்சுடராய் !

ஓ  ர்மைக்கு

வரலாறாய் !

ஒள ஷதத்திற்கு

முகவரியாய் !

அனைவரும்

போற்றும்படி

வீரத்திற்கு

விளை நிலமாய் !

வெற்றியின்

திருவுருவமாய் !

வளர்ந்தான்  “

“இத்தகைய

சூழ்நிலையில்

பாண்டவர்களுக்கும் ;

கௌரவர்களுக்கும் ;

இடையே போர்

ஏற்படாமல்

இருக்க வேண்டும்

என்பதற்காக

நடத்தப்பட்ட

அனைத்து சமாதான

பேச்சு வார்த்தைகளும் ;

தோல்வியில் முடிந்து

விட்ட காரணத்தினால்

பாண்டவர்களுக்கும் ;

கௌரவர்களுக்கும் ;

இடையே போர்

நடைபெறுவது என்பது

உறுதியாகி விட்டது "

"இதனால் போர்

நடப்பதற்கு

தேவையான

அனைத்து ஆயத்த

வேலைகளையும்

பாண்டவர்களும்  ;

கௌரவர்களும் ;

தனித்தனியாக செய்து

கொண்டிருந்தனர் "

"பாண்டவர்கள்

அணியில் நின்று

பாண்டவர்களுக்கு

ஆதரவாக  ;

பாண்டவர்களின் சார்பாக ;

போர் செய்வதற்காக

தங்களுடைய

சம்மதத்தை அளித்து  ;

தங்களுடைய ஆதரவை

தெரிவிப்பதற்காகவும் ;

கௌரவர்கள்

அணியில் நின்று

கௌரவர்களுக்கு

ஆதரவாக

கௌரவர்களின்

சார்பாக போர்

செய்வதற்காக

தங்களுடைய 

சம்மதத்தை அளித்து

தங்களுடைய

ஆதரவை

தெரிவிப்பதற்காகவும் ; "

"பல்வேறு நாட்டைச்

சேர்ந்தவர்களும்  ;

பல்வேறு திறமைகளை

படைத்தவர்களும் ;

பல்வேறு அற்புதமான

ஆற்றல்

படைத்தவர்களும் ;

பிரமிக்கத்தக்க சக்தி

படைத்தவர்களும் ;

பாண்டவர்களையும்

கௌரவர்களையும்

தனித்தனியாக

சந்தித்து

தங்களுடைய

சம்மதத்தை அளித்து

தங்களுடைய ஆதரவை

தெரிவித்த

வண்ணம் இருந்தனர்".

"இதனைக்

கேள்வியுற்ற

அரவான்

தன்னுடைய தந்தை

அர்ஜுனனுக்கு

ஆதரவாகவும்  ;

பாண்டவர்களின்

சார்பாகவும் ;'

பாண்டவர்கள்

அணியில் நின்று

போரிடுவதற்காகவும் ;

தன்னுடைய

சம்மதத்தை அளித்து ;

தன்னுடைய ஆதரவை

தெரிவிப்பதற்காகவும் '

தன்னுடைய தந்தை

அர்ஜுனனைக்

காண புறப்பட்டான் ;"

---------- இன்னும் வரும்

----------- K.பாலகங்காதரன்

---------- 11-12-2019

//////////////////////////////////////////

பரம்பொருள்-பதிவு-95

            பரம்பொருள்-பதிவு-95

“ஆண் குழந்தையை

தாய் தான் வளர்க்க

வேண்டும் என்று

நம்முடைய

முன்னோர்கள் சொல்லி

விட்டு சென்றதற்கு

பல்வேறு காரணங்கள்

இருக்கிறது”

“ஆண்குழந்தை

பிறந்து வளரும் போதே

இயல்பாகவே தைரியம்

கொண்டதாக இருக்கும் ;”

“வீரத்தை வெளிப்படுத்தக்

கூடிய செயல் எதுவாக

இருந்தாலும் - அந்தச்

செயலில் வீரத்தை

வெளிப்படுத்தும் வகையில்

செயல்களைச் செய்து

கொண்டே இருக்கும் ;”

“சிந்தித்து

செயல்படக்கூடிய

செயல்களில்

சில நேரங்களில்

சிந்திக்காமல் தைரியத்தை

வெளிப்படுத்துவதாக

நினைத்துக் கொண்டு

செயல்களை தவறாக

செய்து சிக்கலில்

மாட்டிக் கொள்ளும் ;”

“அதனால் ஆண்

குழந்தைக்கு

முதலில் 

வீரத்தை

ஊட்டக் கூடாது

அப்படி வீரத்தை

ஊட்டினால்

அந்த ஆண் குழந்தை

வளர வளர பிறரிடம்

சண்டை போடுவது ;

பிரச்சினையை 

கொண்டு வருவது ;

கோபத்தை பிறர் மேல்

பிரயோகப் படுத்துவது ;

பிறரை மதிக்காத

தன்மையைக்

கொண்டு இருப்பது  ;

என்று பல்வேறு

தவறான பழக்க

வழக்கங்களை

வெளிப்படுத்தி

வாழ்க்கையைத்

தொலைத்து விட்டு

வாழ்க்கையைத் தேடி

அலைந்து 

கொண்டிருக்கும் ;”

“அதனால் தான்

ஆண் குழந்தைக்கு 

வீரத்தை ஊட்டாமல்

முதலில்

அன்பை

ஊட்ட வேண்டும்  ;

இதனால் அந்த

ஆண் குழந்தை

அன்பு என்றால்

என்ன என்பதையும் ; 

பிறரிடம் எப்படி

அன்புடன் பழக

வேண்டும் என்பதையும் ;

தனக்கு கஷ்டம்

ஏற்படும் போது தனக்கு

எத்தகைய வேதனை

ஏற்படுகிறதோ அதே

வேதனை தான்

மற்றவர்களுக்கும்

ஏற்படும் என்பதை

உணர்ந்து

பிறருக்கு தீங்கு

செய்யாமல் இருக்க

வேண்டும் என்பதையும் ;

தன்னைப் போல

பிறரையும் எண்ண

வேண்டும் என்பதையும் ;

கற்றுக் கொள்ளும் ;”

“அன்பைப் பற்றி

தெரிந்து கொண்ட பிறகு

இரண்டாவதாக

அறிவை

ஊட்ட வேண்டும் ;

இதனால் அந்த

ஆண் குழந்தை - இந்த

சமுதாயத்தில் தான்

எப்படி வாழ வேண்டும்

என்பதையும் ;

தன்னுடைய

வாழ்க்கைத் தரத்தை

எப்படி உயர்த்த

வேண்டும் என்பதையும் ;

தன்னுடைய

வாழ்க்கைத் தரத்தை

உயர்த்துவதற்கு

எத்தகைய செயல்களைச்

செய்ய வேண்டும்

என்பதையும் ;

கற்றுக் கொள்ளும் ;”

“அறிவைப் பற்றி

தெரிந்து கொண்ட பிறகு

மூன்றாவதாக

வீரத்தை

ஊட்ட வேண்டும்  ;

இதனால் அந்த

ஆண் குழந்தை

தன்னுடைய வாழ்க்கையில்

எத்தகைய காலத்தில் ;

எத்தகைய நேரத்தில் ;

எத்தகைய சூழ்நிலையில் ;

எத்தகைய செயலில் ;

வீரத்தை வெளிப்படுத்த

வேண்டும் என்பதையும் ;

தேவையற்ற

செயலுக்கெல்லாம்

வீரத்தை வெளிப்படுத்தக்

கூடாது என்பதையும் ;

பிறருக்கு உதவிகரமாக

இருக்கும் என்றால்

வீரத்தை வெளிப்படுத்த

வேண்டும் என்பதையும் ;

பிறருக்கு துன்பத்தை

ஏற்படுத்தும் என்றால்

வீரத்தை வெளிப்படுத்தக்

கூடாது என்பதையும் ;

கற்றுக் கொள்ளும் ;”

“இத்தகைய

காரணங்களினால் தான்

ஆண் குழந்தையை

தாய் வளர்க்க வேண்டும்

என்பதையும் ;

ஒரு தாய்

ஆண் குழந்தையை

வளர்க்கும் போது

ஆண் குழந்தைக்கு

அன்பு ; அறிவு ; வீரம் ;

என்ற வரிசையில்

குணநலன்களை

ஊட்டி வளர்ப்பாள்

என்பதையும் ;

நம்முடைய

முன்னோர்கள் சொல்லி

விட்டு சென்றிருக்கிறார்கள் “

“அவ்வாறே

உலூபியும் தன்

மகன் அரவானை

தன்னுடைய நேரடி

கண்காணிப்பில்

வைத்துக் கொண்டு

முதலில்

அன்பை

ஊட்டி வளர்த்தாள் ;

இரண்டாவதாக

அறிவை

ஊட்டி வளர்த்தாள் ;

மூன்றாவதாக

வீரத்தை

ஊட்டி வளர்த்தாள் ;

---------- இன்னும் வரும்

----------- K.பாலகங்காதரன்

---------- 10-12-2019

//////////////////////////////////////////