பரம்பொருள்-பதிவு-99

            பரம்பொருள்-பதிவு-99

“யாருக்கும் பயப்படாமல்

அரவான் பேசிய

அர்த்தம் நிறைந்த

வாத்தைகளைக் கொண்ட

பேச்சைக் கேட்ட

இந்திரன் அவையில்

உள்ளோர் அனைவரும்

அரவானின் மயக்கும்

பேச்சைக் கேட்டு

பேசுவதற்கு வார்த்தை

எதுவும் இல்லாமல்

இருந்த போதும்

தங்களையும் அறியாமல்

எழுந்து நின்றனர் “

“அர்ஜுனன்

எழுந்து நின்று

மகனே ! என்று

அழைத்துக் கொண்டே

அரவானை

நோக்கி சென்று

கொண்டிருந்தார் ;

அரவானும் தன்

தந்தை அர்ஜுனனைக்

கண்ட மகிழ்ச்சியில்

அர்ஜுனனை

நோக்கி ஓடினான்  

தன்னுடைய

தந்தை அர்ஜுனன்

காலில் விழுந்து

வணங்கினான் அரவான்;”

அரவான் :

“என்னை

ஆசிர்வதியுங்கள்

தந்தையே ! “

அர்ஜுனன் :

“எல்லா நலமும்

பெற்று வளமுடன்

வாழ்க மகனே !

(என்று சொல்லிக்

கொண்டே காலில்

விழுந்த அரவானை

தூக்கி நிறுத்தி

இறுக தழுவிக்

கொண்டான்

அர்ஜுனன்) ;”

“உன் அன்னை

எப்படி இருக்கிறார் ?”

அரவான் :

“தங்கள் நினைவாகவே

இருக்கிறார் ;

தங்களுக்காகவே

வாழ்ந்து

கொண்டிருக்கிறார் ;

என்றேனும் ஒரு

நாள் உங்களைக்

காண முடியும்

என்ற நினைப்பில்

வாழ்ந்து

கொண்டிருக்கிறார் ;

தங்களைக்

காண்பதற்கு காலம்

வழி ஏற்படுத்திக்

கொடுக்கும் என்ற

நம்பிக்கையுடன்

உயிரை

உடலில் வைத்துக்

கொண்டிருக்கிறார் ;

உங்களைத் தவிர

அவர் வேறு

எதையும் சிந்தனை

செய்வதில்லை ;

உங்களைப்

பற்றியே பேசிக்

கொண்டிருக்கிறார் ;

உங்கள்

சிந்தனையிலேயே

காலத்தை ஓட்டிக்

கொண்டிருக்கிறார் ;”

அர்ஜுனன் :

“உன் அன்னை

பெண்களுக்குள்

தெய்வம் ;

காணக்கிடைக்காத

மாணிக்கம் ;

மாசு குறையாத

தங்கம் ; “

அரவான் :

“ஆமாம்”

அர்ஜுனன் :

“உன் தாய் உன்னிடம்

என்ன சொல்லி

அனுப்பினார்?”

அரவான் :

“என் தாய் போர்

ஏற்படப்

போவதை அறிந்து

தந்தைக்கு

உதவியாக இரு

என்று என்னை

அனுப்பி வைத்தார் ;

தந்தை என்ன

சொன்னாலும் எதை

செய்யச் சொன்னாலும்

தட்டாமல் செய்ய

வேண்டும் என்று

சொல்லி என்னை

அனுப்பி வைத்தார் ;”

“என்னுடைய தாயின்

உத்தரவை ஏற்று

நான் தங்களைக்

காண வந்தேன் ;

போரில் உங்களுக்கு

துணையாக இருப்பேன் ;

எத்துன்பம் வரினும்

உங்களை விட்டு

விலக மாட்டேன் ;

நான் தங்களுக்காக

போர் புரிய

எனக்கு அனுமதி

வழங்க வேண்டும் ;”

அர்ஜுனன் : 

“அரவானே! நீ !

பாண்டவர்

சார்பாக போரில்

பங்கேற்பதைக் கண்டு

நான் மனம்

மகிழ்ச்சி

அடைகிறேன் ;

போர் நேரும் போது

நீ எங்களுக்கு

உதவி செய்வாயாக ;”

அரவான் :

“அப்படியே ஆகட்டும்”

“அர்ஜுனனும்

அரவானும் பேசி

முடித்த பின்

அர்ஜுனனிடமிருந்து

விடை பெற்றுச்

சென்ற அரவானை

அர்ஜுனன் மட்டுமல்ல

கிருஷ்ணனும்

அரவான் செல்வதையே

பார்த்துக்

கொண்டிருந்தார் ;”

---------- இன்னும் வரும்

----------- K.பாலகங்காதரன்

---------- 16-12-2019

//////////////////////////////////////////

பரம்பொருள்-பதிவு-98

            பரம்பொருள்-பதிவு-98

அரவான்  :

"அன்பும் ;கருணையும் ;

கொண்டவனாக

இந்த உலகத்தில்

நான் வாழ்வதற்கு

காரணமாக இருப்பவர் ;

உலகில் உள்ள

அனைத்து உயிர்களையும்

நேசிக்க வேண்டும்

என்று எனக்கு

கற்றுக் கொடுத்தவர் ;

தன்னைப் போல

பிறரை எண்ணும்

தன்மை உள்ளத்தில்

வர வேண்டும்

என்பதை எனக்கு

சொல்லிக் கொடுத்தவர் ;"

"பிறர் நமக்கு துன்பம்

செய்தால்

நாம் எவ்வாறு

கஷ்டப்படுவோமோ ?

அதே போல் தான்

பிற உயிர்களை

நாம் துன்புறுத்தும் போது

அந்த உயிர்களும்

நம்மைப் போல்

கஷ்டப்படும் - எனவே

பிற உயிர்களை

துன்புறுத்தக்கூடாது ?

என்ற உயர்ந்த நெறியை

எனக்கு போதித்தவர் ;"

"அன்பிற்கு

இலக்கணமாக இருப்பவர் ; ;

பாசத்திற்கு

பிறப்பிடமாக உதித்தவர் ;

மாதருக்குள்

மாணிக்கமாகத் திகழ்பவர் ;

பெண்களுக்குள்

வரலாறாக வசிப்பவர் ;

தாய்களுக்குள்

தெய்வத் தாயாக

வாழ்பவர் ;"

"தன்னுடைய கணவனை

எப்போதும் நினைவில்

வைத்து போற்றிக்

கொண்டிருப்பவர் ;

கணவரை கண்

கண்ட தெய்வமாக

அனுதினமும் வழிபட்டுக்

கொண்டிருப்பவர் ;

தன்னுடைய

கணவரைத் தவிர

வேறு யாரையும்

சிந்தனையால் கூட

தீண்டாதவர் ;"

"இந்த உலகம்

கண்டிராத அற்புத

பிறவி அவர்  ;

உலகமே கண்டிராத

அதிசயத்தின் அதிசயமாக

வாழ்ந்து கொண்டிருக்கும்

கருணை தெய்வமான

உலூபியே

என்னுடைய தாய் ;"

"அர்ஜுனன் தன்

இருக்கையில் இருந்து

எழ முயற்சி செய்தான்  ;

கிருஷ்ணன் அவன்

கையைப் பிடித்து

அழுத்தினான் ;

அவன் பேசட்டும்

என்று கண்ணால்

சொன்னார் கிருஷ்ணன்

அர்ஜுனன் தன்

இருக்கையில் அமர்ந்தான் ;"

"அரவான்

தொடர்ந்து பேசினான் "

அரவான்  :

"பொன்னைப் போன்ற

உடல் படைத்து

பொன்னிறமாக

ஒளிர்பவர்  ;

எஃகைப் போன்ற

உள்ளம் படைத்து

கஷ்டங்களை

புறமுதுகிட்டு

ஓடச் செய்தவர் ;

சிங்கம் நிகர்த்த

நடை கொண்டவர்  ;"

"அச்சம் என்றால்

என்ன என்றும்

அச்சத்திற்கான பொருள்

என்னவென்றும்

தெரியாதவர்  ;”

"யாருக்கும் எதற்கும்

எதைக் கண்டும்

எப்போதும்

எந்த காலத்திலும்

அஞ்சாதவர் ;

கலக்கம் என்ற

ஒன்று எப்போதும்

எழாத வகையில்

உறுதியான மனதைக்

கொண்டவர் ;"

"சூழ்ச்சிகளைத்

தகர்த்தெறிந்து

சூதுமதியினரை

அழித்தொழித்து

சூதினால் தன்னை

அழிக்க முடியாது

என்று நிரூபித்துக்

காட்டியவர்  ;

பெண்களை மதித்துப்

போற்றி தெய்வமென

வணங்கி வாழ்ந்து

கொண்டிருப்பவர் ;"

"எதிரிகளின் தூக்கத்தைக்

கலைத்து மரண

பயத்தை ஏற்படுத்திக்

கொண்டிருப்பவர்  ;

இந்த உலகத்தில்

வீரத்திற்கு

எடுத்துக்காட்டாக

திகழ்ந்து

கொண்டிருப்பவர் ;

இந்த உலகம் கண்டிராத

மாவீரனாக இருப்பவர் ;

இனியும் இந்த

உலகம் காண

முடியாத மாவீரனாக

இருக்கக் கூடியவர் ;"

"பீஷ்மரின் அன்பைப்

பெற்றவர்  ;

கிருபாச்சாரியாரின்

ஆசியைப் பெற்றவர்  ;

விதுரரின்

மதிப்பைப் பெற்றவர்  ;

துரோணாச்சாரியாரின்

பிரதம சீடரான

அர்ஜுனனே

என்னுடைய தந்தை !"

"நான் அவர்களுடைய

மகன்

என்னுடைய பெயர்

அரவான் "

---------- இன்னும் வரும்

----------- K.பாலகங்காதரன்

---------- 13-12-2019

//////////////////////////////////////////

பரம்பொருள்-பதிவு-97

                  பரம்பொருள்-பதிவு-97

"தன்னுடைய தாய்

உலூபியின் அனுமதியைப்

பெற்று தன்னுடைய

தந்தை அர்ஜுனனைக்

காண புறப்பட்டான்

அரவான் "

"அர்ஜுனனுடைய

தந்தையான

இந்திரன் இருக்கும்

இந்திரலோகத்தில்

இந்திரனுடைய அவையில்

அர்ஜுனன் இருப்பதாகக்

கேள்விப்பட்டு இந்திரனுடைய

அவைக்கே சென்றான்

அரவான் "

"இந்திரன் அவையில்

இந்திரன் ; அர்ஜுனன் ;

கிருஷ்ணன் ; மற்றும்

சிலர் இருந்தனர்.

இந்திரனுடைய அவைக்குள்

நுழைந்தான் அரவான் "

இந்திரன்  :

"யார் நீ

எங்கிருந்து வந்திருக்கிறாய் ?

எதற்காக வந்திருக்கிறாய் ?

என்ன காரணத்திற்காக

வந்திருக்கிறாய் ?

என்ன நோக்கத்தோடு

வந்திருக்கிறாய் ?

எத்தகைய செயலைச்

செய்வதற்காக

வந்திருக்கிறாய் ?

" இந்திரன் அவைக்குள்

நுழைவதற்கு முன்

அனுமதி பெற்று

வர வேண்டும்

என்பது உனக்கு

தெரியாதா ?

அனுமதி இல்லாமல்

இந்திரன் அவைக்குள்

நுழைந்தவர்கள்

உயிரோடு வெளியே

சென்றதில்லை என்ற

செய்தி உனக்கு

தெரியாதா ?

நல்ல எண்ணத்துடன்

வந்திருந்தால்

உன் உயிர் தப்பியது ?

தவறான எண்ணத்துடன்

வந்திருப்பாயேயாகில்

உன் உயிர் உனக்கு

சொந்தமல்ல ? "

"நீ உயிரோடு

வாழ வேண்டும் என்றால்;

உன் உயிர் உனக்கு

சொந்தமாக இருக்க

வேண்டும் என்றால் ;

உண்மையைச் சொல்

யார் நீ…………………………….?"

அரவான் :

"தர்மத்தின் பக்கம்

நின்று போர் புரிவதற்காக

வந்திருக்கிறேன் "

இந்திரன் :

" தர்மம் என்றால்

என்ன என்றே

உனக்குத் தெரியவில்லை ?

அப்படி இருக்கும் போது

எப்படி தர்மத்தின்

பக்கம் நின்று

போர் புரிவாய் ? "

அரவான் :

"தர்மம் என்றால்

என்ன என்பதை

என்னுடைய அன்னை

எனக்கு சொல்லிக்

கொடுத்துத் தான்

வளர்த்து இருக்கிறார் "

"என்னுடைய அன்னை

எனக்கு சொல்லிக்

கொடுத்த

தர்மத்தை உணர்ந்து ;

தர்மத்தின்

பாதை தவறாமல்

வாழ்க்கையை நடத்திக்

கொண்டிருப்பவன் நான் ;"

இந்திரன் :

"உன்னுடைய

செயல்களைப் பார்த்தால்

அன்னையின் வார்த்தைக்கு

மதிப்பு கொடுத்து

நடப்பவனாகத்

தெரியவில்லையே !"

" அன்னையின் வார்த்தைக்கு

மதிப்பு கொடுத்து

தர்மத்தை

கடைபிடிப்பவனாக

இருந்திருந்தால்……………….?

இந்திரன் அவைக்குள்

அனுமதி பெற்று அல்லவா

உள்ளே நுழைந்திருப்பாய் !"

"ஒரு விஷயத்தை

நன்றாக தெரிந்து கொள் !

இந்திரன் அவைக்குள்

நட்புடன்  வந்தவர்களை

அன்பு காட்டி ;

அரவணைத்து ;

பாசத்தைக் காட்டி ;

மகிழ்வித்து வழியனுப்பி ;

வைத்திருக்கிறோம் !

விரோதியாக வந்தவர்களுக்கு

மரணம் என்றால்

என்ன என்பதைப்

புரிய வைத்து எங்கு

செல்ல வேண்டுமோ

அங்கு வழியனுப்பி

வைத்திருக்கிறோம் !"

"நீ நண்பனாக

வந்திருக்கிறாயா ? (அல்லது)

விரோதியாக

வந்திருக்கிறாயா ? "

அரவான் :

"எனக்கு விரோதிகள்

என்று யாரும் இல்லை  ;

என்னை யாரும்

விரோதியாக

நினைத்ததில்லை ;

என்னுடைய விரோதி

என்று சொல்லிக்

கொண்டு என் எதிரே

யாரும் நின்றதில்லை.;

ஏனென்றால் என்

எதிரே என்னுடைய

எதிரியாக நிற்பதற்கு

யாருக்கும் தைரியம்

இருந்ததில்லை ;"

"எனக்கு எதிரி என்று

சொல்லிக் கொண்டு

எதிரியாக இப்போது

இந்த உலகத்தில்

யாருமே இல்லை ;

என்னை நண்பனாக

ஏற்றுக் கொண்டவர்கள்

மட்டுமே இந்த

உலகத்தில் வாழ்ந்து

கொண்டிருக்கிறார்கள் ;"

இந்திரன் :

" உன்னுடைய பேச்சும்

நடவடிக்கையும்

உன் மேல்

எனக்கு கோபத்தை

ஏற்படுத்தவில்லை ;

மாறாக உன் மேல்

எனக்கு அன்பைத் தான்

ஏற்படுத்துகிறது ;

பாசத்தைத் தான்

ஏற்படுத்துகிறது ;

இனம் புரியாத

ஏதோ ஒன்று

உனக்குள்ளும்

எனக்குள்ளும்

பிணைப்பை

ஏற்படுத்துகிறது ;"

"பிரபஞ்சத்தின்

ரகசியங்கள்

ஆச்சரியப்படத்தக்கவை !

அந்த ஆச்சரியத்தில்

பூத்து வந்தவனாக

நீ இருக்கிறாய் !"

"அதிசயத்தில் பிறந்து

வந்த அற்புதமாக

நீ இருக்கிறாய் "

"விடை காண முடியாத

கேள்விக் குறியாக

நீ இருக்கிறாய்"

"என் மனம் கலக்கம்

அடைகிறது  ;

சிந்தனை குழப்பம்

அடைகிறது ;

எண்ணம் தடுமாறுகிறது  ;

பேச வார்தை

வர மாட்டேன் என்கிறது ;

என்னால் என்னுடைய

உணர்வுகளை கட்டுப்படுத்த

முடியவில்லை ;"

"சொல்……………………………….?

யார் நீ………………………………..?

---------- இன்னும் வரும்

----------- K.பாலகங்காதரன்

---------- 12-12-2019

//////////////////////////////////////////