பரம்பொருள்-பதிவு-41

                  பரம்பொருள்-பதிவு-41

"பூம்பாவை வீட்டிற்கு

அருகில் உள்ள

ஒரு பூந்தோட்டத்திற்கு

பூப்பறிக்கச் சென்றாள் ;

அதாவது

பூம்பாவை என்ற

பூ ஒன்று

பூப்பறிக்கச் சென்றது ;

பூம்பாவை பூந்தோட்டத்தில்

பூப்பறித்துக் கொண்டிருந்த

போது பாம்பு ஒன்று

பூம்பாவையின் விரல்களில்

தன்னுடைய நான்கு

பற்களையும் பதிய வைத்து

விஷத்தை பூம்பாவையின்

உடலில் ஏற்றியது ;"

" குரங்கினால் கசக்கப்பட்ட

பூமாலை எப்படி

கசக்கப்பட்ட நிலையில்

இருக்குமோ - அப்படி

பாம்பினால் தீண்டப்பட்ட

பூம்பாவை கசங்கிய

மலரென மயங்கி விழுந்தாள் "

" அவளுடைய தோழிகள்

அனைவரும் பூம்பாவையை

தூக்கிக் கொண்டு

போய் படுக்கையில்

சாய்த்து வைத்தார்கள் ;

பூம்பாவை இருக்கும்

நிலையைக் கண்டு

சிவநேசர் தன்னையே

பாம்பு தீண்டியதைப்

போல் அலறித் துடித்து

பெருந்துயருற்றார் ;"

" இச்செய்தியைக்

கேள்விப்பட்ட சுற்றத்தார் ;

உறவினர்கள் ;

நண்பர்கள் ; அனைவரும்

ஓடி வந்து பூம்பாவையின்

உடல் மீது விழுந்து

அம்மா! ஆருயிரே!

கண்ணே! கண்மணியே!

என்று பூம்பாவையின்

மேல் விழுந்து

கதறிய கதறல்

அந்த இடத்தையே

அதிர வைத்தது "

" பூம்பாவையின் உடலில்

ஏறிய விஷத்தை

இறக்குவதற்காக

மந்திரம் ; மருந்து ;

தவம் ; ஆகியவற்றில்

சிறந்து விளங்குபவர்கள்

அனைவரும்

வர வழைக்கப்பட்டனர் ;

இவர்கள் அனைவரும்

தங்களுடைய துறைகளில்

தனித்தனியாக தாங்கள்

கற்றிருந்த அனைத்து

வித்தைகளையும்

பிரயோகித்துப் பார்த்தும்

பூம்பாவையின் உடலில்

ஏறிய விஷத்தை

அவர்களால் இறக்க

முடியவில்லை ;

இது விதியின் செயல் ;

இதனை மாற்ற முடியாது ;

என்று கைவிட்டு

விட்டு சென்று விட்டனர் ;"

" இதனால் பூம்பாவையின்

உடலில் ஏறிய விஷம்

பூம்பாவையின் உயிரை

கொஞ்சம் கொஞ்சமாக

குடித்துக் கொண்டு

இருந்த காரணத்தினால்

பூம்பாவையின் உடல்

கொஞ்சம் கொஞ்சமாக

தளர்ந்து கொண்டு

இருந்தது ;"

" பூம்பாவை

கொஞ்சம் கொஞ்சமாக

இறப்பை நோக்கி சென்று

கொண்டு இருந்தாள் "

" பூம்பாவையின் மேல்

அளவற்ற அன்பும் ;

பாசமும்; நேசமும்;

வைத்திருந்த சிவநேசர்

தன்னுடைய

மகளின் விஷத்தை

விலக்கவல்லார்க்கு

அளவற்ற நிதி

தருவேன் என்று

எல்லா இடங்களிலும்

பறை அறிவித்தார் ;"

" மூன்று நாட்கள் வரை

அரசர்களிடம் உள்ள

மருத்துவர்கள் ;

முதிர்ந்த அனுபவசாலிகள்;

மற்றும் எல்லா

இடங்களிலும் உள்ள

திறமைசாலிகள் ;

பலரும் வந்து தங்களால்

என்னென்ன செயல்களைச்

செய்ய முடியுமோ ?

அத்தனை செயல்களையும்

செய்து பார்த்துவிட்டு

பூம்பாவையின் உடலில்

ஏறிய விஷத்தை இறக்க

முடியாத காரணத்தினால்

வருத்தத்துடன்

சென்று விட்டனர் "

" பட்டாம் பூச்சியென

கவலை மறந்து

களித்து இருந்தவள் ;

சக்கரமென சுழன்று

வேலைகளைச்

செவ்வனே செய்து

உழைப்புக்கு உதாரணமாகத்

திகழ்ந்தவள் ;

தேனொழுகும் வார்த்தையின்

மூலம் கேட்போரை

தன்னுடைய கொஞ்சிப்

பேசும் மொழியின் மூலம்

வசீகரித்து வைத்தவள் ;

தெரிந்தவர் தெரியாதவர்

என அனைவரையும்

அன்பு என்ற நூல்

கொண்டு தன்னுடன்

கட்டிப் போட்டவள் ;

கருணையின் வடிவமாக

அனைவருடைய

உள்ளங்களிலும்

நிறைந்து இருந்தவள் ;

இத்தகைய பல்வேறு

சிறப்புத் தன்மைகளைக்

கொண்டு உண்மையின்

உருவாக விளங்கிய

பூம்பாவையின்

உடலில் ஏறிய விஷம்

பூம்பாவையின் உயிரைக்

குடித்து விட்டது ;

ஆம் பூம்பாவை

இறந்து விட்டாள் !"

" பூம்பாவையின் இறந்த

உடம்பைச் சுட்டு

எலும்பையும் ; சாம்பலையும் ;

ஒரு குடத்தில்

நிரப்பினார் சிவநேசர் ;

கன்னிமாடத்தில்

ஒரு பீடத்தில்

அந்த குடத்தை வைத்து

அந்த குடத்திற்கு

பொன்னும்; மணியும்;

அணிகலன்களும் ;

அணிவித்துத்

திருஞானசம்பந்தரையே

நினைத்து அனுதினமும்

அந்த குடத்தின் அருகில்

அமர்ந்து தவம் செய்து

கொண்டிருந்தார் ;

நாள்தோறும்

மாலை; சந்தனம்;

முதலியவைகளைத்

தவறாமல் அந்த

குடத்திற்கு புனைந்து

வந்தார் "

--------  இன்னும் வரும்

---------- K.பாலகங்காதரன்

--------- 14-07-2019

//////////////////////////////////////////////////////////