பரம்பொருள்-பதிவு-114

            பரம்பொருள்-பதிவு-114

“அது மட்டுமல்ல

தன்னுடைய உயிரை

களப்பலியாக

கொடுக்கிறேன் என்று

சொன்ன அரவானின்

வார்த்தைகளைக் கேட்ட

துரியோதனன் சற்று

திகைத்துத் தான் நின்றான் ;

உயிரைப் பற்றி

கவலைப்படாத

அரவான் என்ற

மாவீரன் தனக்கு

எதிராக நின்று

கொண்டிருப்பதைக் கண்டு

துரியோதனன்

அதிர்ச்சியில் தான் நின்றான் ;

வீரத்தின் உருவாக

நின்று கொண்டிருந்த

அரவானைக் கண்டு

துரியோதனன்

மலைத்துத் தான் நின்றான் ;

துரியோதனனால்

எதுவுமே பேச முடியாமல்

வார்த்தையின்றித்

தான் நின்றான் ; “

“ஆனால்

எந்தவிதமான

கலக்கமும் இல்லாமல்

கொஞ்சம் கூட

வார்த்தையில் நடுக்கம்

என்ற ஒன்று

இல்லாமல் அரவான்

தொடர்ந்து பேசினான்”

அரவான் :

“பெரியவர்கள் கேட்டு

இந்த சிறியவன்

இல்லை என்று

சொல்ல முடியுமா ?

பெரிய தந்தையே !
அதுவும் பெரிய தந்தை

மகனிடம் யாசகமாக

உயிரையே கேட்கும் போது

உயிரைத் தரமுடியாது

என்று சொல்ல முடியுமா ?

அப்படி நீங்கள்

கேட்டு நான் இல்லை

என்று சொன்னால்

பெரியவர்கள் சொல்லை

தட்டியவன் ஆவேன் ;

பெரியவர்களுடைய

வார்த்தைக்கு மரியாதை

கொடுக்காதவனாவேன் ;

பெரிய தந்தையை

மதிக்காதவனாவேன் ;

நாளை இந்த உலகம்

என்னைப் பார்த்து

அரவான் பெரியவர்களை

மதிக்கவில்லை ;

பெரியவர்கள் சொல்லை

கேட்கவில்லை ;

பெரியவர்கள்  கேட்டதை

அளிக்கவில்லை; - என்று

வசைபாடும் இழிவான

சொற்களுக்கு இலக்காக

நான் விரும்பவில்லை ;”

“யாசகமாக நீங்கள்

கேட்கும் என்னுடைய

உயிரை களப்பலியாக

கொடுப்பதற்கு சம்மதிக்கிறேன்

பெரிய தந்தையே ! “

“என்னுடைய உயிரை

களப்பலியாக கொடுப்பதற்கு

இப்போதே நான்

தயாராக இருக்கிறேன் ;

என்னுடைய உயிரை

தங்களுக்கு களப்பலியாக

தருகிறேன் என்று

வாளை எடுத்தான் அரவான் ; “

துரியோதனன் :

“நிறுத்து அரவான்

நிறுத்து !

களப்பலி கொடுப்பதற்கு

இன்றைய நாள்

தகுந்த நாள் கிடையாது ;

வருகின்ற அமாவாசையே

களப்பலி கொடுப்பதற்கு

தகுந்த நாள் ;

அன்றைய நாளில் தான்

நான் களப்பலி கொடுப்பதற்கு

முடிவு செய்திருக்கிறேன் ;

வருகின்ற அமாவாசை

தினத்தன்று காளியின்

முன்பு உன்னுடைய

உயிரை களப்பலியாக

கொடுத்தால் போதும் “

அரவான்  :

.”ஒன்றே ஒன்றை மட்டும்

நான் சொல்லிக் கொள்ள

கடமைப்பட்டிருக்கிறேன்

பெரிய தந்தையே !

நாளை என்ன

நடக்கும் என்பது

யாருக்கும் தெரியாது ;

காலம் என்ன

நினைக்கிறது என்பதும்

யாருக்கும் தெரியாது ;

வருகின்ற அமாவாசை

வரை நான்

உயிரோடு இருந்தால் ;  

என்னுடைய உடல்

பின்னமாகாமல் இருந்தால் ;

நான் கொடுத்த

வாக்குறுதியின்படி

உங்களுக்காக

வருகின்ற அமாவாசை

தினத்தன்று காளியின்

முன்பு களப்பலியாகிறேன்

பெரிய தந்தையே ! “

துரியோதனன் :

“அப்படியே ஆகட்டும்

அரவான் உன்னுடைய

சொல் எனக்கு மிகுந்த

மகிழ்ச்சியை அளிக்கிறது. ;

நீ செய்யப்போகும் இந்த

தியாகச் செயலுக்காக

வருகின்ற அமாவாசையை

எதிர்நோக்கி நான் காத்துக்

கொண்டிருப்பேன் ;”

அரவான் ;

“அப்படியே ஆகட்டும்

பெரிய தந்தையே ! “

(துரியோதனன் அரவானிடம்

விடைபெற்றுச் செல்கிறான்)

----------- இன்னும் வரும்

----------- K.பாலகங்காதரன்

-------------10-01-2020

//////////////////////////////////////////

பரம்பொருள்-பதிவு-113

            பரம்பொருள்-பதிவு-113

துரியோதனன் :

“மகனே அரவான் !

பாண்டவர்களுக்கும்

கௌரவர்களுக்கும் இடையே

ஏற்பட்ட பிரச்சினையைத்

தீர்ப்பதற்காக பல்வேறு

வகையானவர்களால் பல்வேறு

நிலைகளில் நடத்தப்பட்ட

அனைத்து சமாதானப்

பேச்சுவார்த்தைகளும்

தோல்வியில் முடிந்துவிட்ட

காரணத்தினால் ,

சமாதானத்தின்

அனைத்து கதவுகளும்

அடைக்கப்பட்டு விட்டது “

“இதனால்

பாண்டவர்களுக்கும்

கௌரவர்களுக்கும்

இடையே போர் நடப்பது

என்பது முடிவாகி விட்டது ;

போரை நடத்துவதற்குத்

தேவையான அனைத்து

ஏற்பாடுகளையும்

இருவரும் செய்து

கொண்டிருக்கிறார்கள்

என்பது உனக்குத் தெரியும் ;”

“போரில் நான் வெற்றி

பெற வேண்டும்

என்பதற்காக களப்பலி

கொடுப்பதற்கு தீர்மானித்தேன் “

“32 லட்சணங்கள் உள்ளவராக

இருக்க வேண்டும் ;

எதிர்ரோமம் படைத்தவராக

இருக்க வேண்டும்.;

ஆகிய இரண்டு

தன்மைகளையும்  ஒருங்கே

கொண்டவரைத் தான்

களப்பலியாகக்

கொடுக்க வேண்டும்

என்பதையும்  ;

அத்தகையவரை

களப்பலியாகக்

கொடுத்தால் மட்டுமே

வெற்றி பெற முடியும்

என்பதையும் ;

தெரிந்து கொண்டேன் ”

“களப்பலியாக  கொடுப்பதற்கு

தகுதி பெற்றவர்களில்

சிறந்த ஒருவனாக நீ

இருக்கிறாய் என்பதையும்  ;

களப்பலியாக கொடுப்பதற்கு

தகுதி வாய்ந்தவர்களில்

உயர்ந்தவனாகக்

கருதப்படுவதும்

நீ தான் என்பதையும் ;

தெரிந்து கொண்டேன் “

“கேட்பவர் எதிரியாக

இருந்தாலும் ;

கேட்கப்படுவது எதுவாக

இருந்தாலும் ; - எந்தவித

மறுப்பும் சொல்லாமல்

தானம் தரக்கூடிய

உயர்ந்த மனப்பான்மை

கொண்டவன் நீ

என்பதையும் நான்

தெரிந்து கொண்டேன் “

“அதனால் நானே உன்னை

நேரில் சந்தித்து

போரில் நான் வெற்றி

பெறுவதற்காக களப்பலியாக

உன்னுடைய உயிரை

எனக்குத் தருவாயா ?

என்று கேட்டு உன்னுடைய

சம்மதத்தைப் பெறுவதற்காக

உன்னைத் தேடி நானே

நேரில் வந்தேன் ;

“களப்பலியாக உன்னுடைய

உயிரை எனக்குத்

தருவாயா அரவான் ?”

(துரியோதனனின்

வார்த்தைகளைக் கேட்ட

அரவானுக்கு எந்தவிதமான

அதிர்ச்சியும் ஏற்படவில்லை

சர்வ சாதாரணமாக

பதில் அளித்தான்)

அரவான் :

“என்னுடைய உயிரை

களப்பலியாகத் தருகிறேன்

பெரிய தந்தையே  ! “

“களப்பலியாக என்னுடைய

உயிரைத் தருவதற்கு

சம்மதிக்கிறேன்

பெரிய தந்தையே ! “

என்று சொன்ன அரவானின்

வார்த்தைகளைக் கேட்ட

துரியோதனன்………………………!

“ஆயிரம் பேர் சுற்றி

வளைத்து கொல்லத்

துடித்தாலும் அத்தனை

பேர்களையும் கொன்று

குவித்து பகைவர்களை

கதி கலங்கச் செய்வதற்கு

உலகத்திலேயே பெரிய

வீரனாகவும் ;

அஞ்சா  நெஞ்சம்

கொண்டவனாகவும் ;

இருக்கவேண்டிய

அவசியமில்லை “

“போர்க்களத்தில் நின்று

கிழிந்து தொங்கும்

சதையுடனும் ; - அறுந்து

கிடக்கும் நரம்புகளுடனும் ;

உடலில் வழியும்

ரத்தத்துடனும்  ;

எதிரிகளுடன் போரிடுவதற்கு

உலகத்திலேயே பெரிய

வீரனாகவும் ; அஞ்சா

நெஞ்சம் கொண்டவனாகவும் ;

இருக்க வேண்டிய

அவசியமில்லை “

“எங்கிருந்தோ வந்த அம்பு

இதயத்தை கிழித்து

முதுகின் வழியாக

வெளியே வந்து - நின்று

கொண்டிருந்த போதும் ;

அதை எடுத்து தூர

எறிந்து விட்டு தொடர்ந்து

போர் செய்வதற்கு

உலகத்திலேயே

பெரிய வீரனாகவும் ;

அஞ்சா நெஞ்சம்

கொண்டவனாகவும் ;

இருக்க வேண்டிய

அவசியமில்லை “

“ஆனால் தன்னைத் தானே

களப்பலி கொடுப்பதற்கு

உலகத்திலேயே

பெரிய வீரனாகவும்  ;

உலகத்திலேயே

அஞ்சா நெஞ்சம்

கொண்டவனாகவும்  ;

கண்டிப்பாக இருந்தே

ஆக வேண்டும் “

“இத்தகைய இரண்டு

தன்மைகளைக்

கொண்டவனால் மட்டுமே

தன்னைத் தானே களப்பலி

கொடுக்க முடியும்  “

“களப்பலியாக

என்னுடைய உயிரைத்

தருகிறேன் என்று

அரவான் சொன்ன

வார்த்தையிலிருந்து

அரவான் - உலகத்திலேயே

பெரிய வீரனாகவும்  ;

உலகத்திலேயே

அஞ்சா நெஞ்சம்

கொண்டவனாகவும் ;

இருக்கிறான் என்பதைப்

புரிந்து கொண்டான்

துரியோதனன் “

“விண்ணை முட்டும்

மலையாக உயர்ந்து

நிற்கும் அரவான் முன்பு

தான் ஒரு சிறு குன்றாக

நிற்பதை உணர்ந்து

கொண்டான் துரியோதனன் “

---------- இன்னும் வரும்

----------- K.பாலகங்காதரன்

---------- 09-01-2020

//////////////////////////////////////////

பரம்பொருள்-பதிவு-112

           பரம்பொருள்-பதிவு-112

அரவான் :

“உதவியில்

உதவி செய்தவருக்கும் ;

உதவி பெற்றவருக்கும் ;

இடையே தொடர்பு

என்ற ஒன்று எப்போதும்

இருந்து கொண்டே இருக்கும் ;

ஆனால் யாசகத்தில்

யாசகம் அளித்தவருக்கும் ;

யாசகம் பெற்றவருக்கும் ;

இடையே தொடர்பு என்ற

ஒன்று எப்போதும் இருக்காது ;”

துரியோதனன் :

“நீ சொல்வது எனக்கு

புரியவில்லை மகனே !”

அரவான் :

“உதவி கேட்டு

வந்தவருக்கு

நாம் உதவி செய்து

விட்டோம் என்றால்,

என்றாவது ஒரு நாள்

நமக்கு உதவி

தேவைப்படும்போது

உதவி பெற்றவரிடம்

உதவி கேட்கத்

தோன்றும் - அவர் உதவி

செய்யவில்லை எனில்

உதவி பெற்றவரைப்

பார்த்து - அவர் கஷ்டத்தில்

இருக்கும் போது - நாம்

எப்படி உதவி செய்தோம்

நன்றி மறந்து விட்டான்

நன்றி கெட்டவன் என்று

திட்டுவோம் அவரிடம்

கோபம் கொள்வோம்

பகை உணர்வு ஏற்படக்கூட

வாய்ப்புண்டு - இது

உதவி செய்தவர் நிலை ;”

“அதைப்போல  

உதவி பெற்றவர்

உதவி செய்தவருக்கு

உதவி செய்ய வேண்டும்

என்ற எண்ணம் - அவர்

மனதில் இருந்து

கொண்டே இருக்கும் ;

உதவி செய்வதற்கான

காலத்தை எதிர்பார்த்துக்

காத்துக் கொண்டே இருப்பார்.

உதவி பெற்றவர்

உதவி செய்தவருக்கு

உதவி செய்யும் வரை

உதவி செய்தவரையும்

அவர் செய்த

உதவியையும் நினைத்துக்

கொண்டே இருப்பார் ;”

“அதாவது உதவியில்

உதவி செய்தவருக்கும் 

உதவி பெற்றவருக்கும்

இடையே தொடர்பு என்ற

ஒன்று எப்போதும் இருந்து

கொண்டே இருக்கும் “

“ஆனால் யாசகத்தில்

யாசகம் என்று

கேட்டு வந்தவருக்கு

யாசகம் அளிப்பவர்

அவர் கேட்கும் யாசகத்தை

அளித்து விட்டால்

யாசகம் அளித்தவர்- எந்த

காலத்திலும் தனக்கு

என்ன நேர்ந்தாலும்

யாசகம் அளித்தவர்

யாசகம் பெற்றவரிடம்

எதையும் எதிர்பார்த்து

காத்துக் கொண்டிருக்க

மாட்டார் - தான் யாருக்கு

யாசகம் அளித்தோம்

என்பதையும் - என்ன

யாசகம் அளித்தோம்

என்பதையும்

மறந்து விடுவார் “

“யாசகம் பெற்றவரும்

தான் யாரிடம்

யாசகம் பெற்றோமோ

அவரையும் - அவரிடம்

பெற்ற யாசகத்தையும்

மறந்து விடுவார் “

“அதாவது

யாசகம் அளித்தவர்

யாசகம் பெற்றவர்

ஆகிய இருவருக்கும்

இடையே எந்தவிதமான

தொடர்பும் இருக்காது “

“அதனால் தான் கேட்டேன்

பெரிய தந்தையே !

நீங்கள் என்னிடம்

கேட்டுப் பெற வந்திருப்பது

உதவியையா அல்லது

யாசகத்தையா என்று ?”

துரியோதனன் :

(அரவானின் அற்புதமான

அறிவுத் திறனைக்

கண்டு மலைத்துப் போன

துரியோதனன் வியந்து

போய் நின்றான் )

“அரவான் உன்னுடைய

வீரத்தைக் கேள்விப்பட்டு

மலைத்து நின்றேன் ;

நேரில் உன்னை சந்தித்த

போது உன்னுடைய

பணிவைக் கண்டு

ஆச்சரியப்பட்டு நின்றேன் ;

இப்போது உன்னுடைய

அறிவைக் கண்டு

வியந்து நிற்கிறேன் ;”

“வேறு யாருடனும்

ஒப்பிட முடியாத

தனிச்சிறப்பு பெற்றவனாக

இருக்கிறாய் மகனே ! “

“நீ செய்யக்கூடிய

செயலுக்கு இணையாக

என்னால் எதுவுமே

செய்ய முடியாது “

“உதவி செய்ய வேண்டுமா

யாசகம் தர வேண்டுமா

என்பதை தீர்மானிக்கும்

உரிமை அதைத்

தருபவருக்குத் தான்

இருக்கிறது ; - அதனால்

நான் உன்னிடம் கேட்டுப்

பெற வந்ததை உதவியாக

செய் என்றோ அல்லது

யாசகமாக தா என்றோ

நான் உன்னிடம்

கேட்க முடியாது ?

நீ தான் முடிவு

செய்ய வேண்டும் “

அரவான் :

“நான் ஒருவருக்கு

ஒன்றைக் கொடுத்து

விட்டால்

யாருக்கு கொடுத்தேன் ;

எப்போது கொடுத்தேன் ;

என்ன கொடுத்தேன் ;

என்ன காரணத்திற்காக

கொடுத்தேன் ; என்பதை

எல்லாம் எப்போதும்

என்னுடைய நினைவில்

வைத்துக் கொள்வதே

இல்லை ;”

“நான் யாருக்கு என்ன

கொடுத்தாலும்

அதை யாசகமாகக்

கொடுத்துத் தான்

எனக்குப் பழக்கம் ;”

“நீங்கள் என்னிடம்

கேட்டுப் பெற வந்ததை

நான் உங்களுக்கு

யாசகமாகவே தர

முடிவு செய்து விட்டேன் ;”

“சொல்லுங்கள் தந்தையே !

சொல்லுங்கள் என்னிடமிருந்து

யாசகமாக நீங்கள் எதை

எதிர்பார்க்கிறீர்கள் என்று

சொல்லுங்கள்……………………………? “

---------- இன்னும் வரும்

----------- K.பாலகங்காதரன்

---------- 07-01-2020

//////////////////////////////////////////