பரம்பொருள்-பதிவு-148

                பரம்பொருள்-பதிவு-148

(கிருஷ்ணர் இருக்கும்

அறைக்குள் பஞ்சாங்கத்தை

கைகளில் ஏந்தியபடி

புரோகிதர் ஒருவர்

உள்ளே நுழைகிறார்)

புரோகிதர் :

“வணங்குகிறேன்! மதுசூதனா

நீங்கள்  அழைத்ததால்

ஓடோடி வந்தேன் ;

அழைத்ததின் காரணத்தை

நான் தெரிந்து கொள்ளலாமா ? “

கிருஷ்ணன் :

“நாளை அமாவாசை

அல்லவா அதனால்

தான் அழைத்தேன் “

புரோகிதர் :

“என்னது நாளை

அமாவாசையா?”

கிருஷ்ணன் :

“ஆமாம் ! நாளை

தானே அமாவாசை”

புரோகிதர் :

“கிடையாது நாளை

அமாவாசை கிடையாது”

கிருஷ்ணன் :

“என்னது நாளை

அமாவாசை கிடையாதா?”

புரோகிதர் :

“ஆமாம் நாளை

அமாவாசை கிடையாது ;

நாளை மறுநாள்

தான் அமாவாசை “

கிருஷ்ணன் :

“அப்படி என்றால் நாளை”

புரோகிதர் :

“நாளை சதுர்த்தசி திதி”

கிருஷ்ணன் :

“பஞ்சாங்கத்தை பார்த்து

நன்றாக கணித்தீர்களா ?

வேண்டுமானால்

இன்னொரு முறை

பஞ்சாங்கத்தை பார்த்து

கணித்து சொல்லுங்கள் “

புரோகிதர் :

“அன்றாடம் பஞ்சாங்கம்

பார்ப்பவன் நான் ;

பஞ்சாங்கத்தை நன்றாக

கணித்து விட்டுத்

தான் வந்திருக்கிறேன் ;

வேண்டுமென்றால்

உங்களுடைய

விருப்பத்திற்காக நான்

மீண்டும் ஒரு முறை

பஞ்சாங்கத்தை

கணித்து சொல்கிறேன் ; “

(என்று சொல்லி விட்டு

புரோகிதர் பஞ்சாங்கத்தை

கணிக்கிறார். பஞ்சாங்கத்தை

கணித்த பின் மீண்டும்

பேசத் தொடங்குகிறார்)

“நான் சொன்னபடி

அனைத்தும் சரி தான்  ;

பஞ்சாங்கத்தின்படி நாளை

சதுர்த்தசி திதி தான்

நாளை மறுநாள்

தான் அமாவாசை “

கிருஷ்ணன்  :

“அப்படி என்றால் நீங்கள்

எனக்காக ஒரு

விஷயத்தைச்

செய்ய  வேண்டும் “

புரோகிதர் :

“கட்டளையிடுங்கள்

காத்திருக்கிறேன் “

கிருஷ்ணன் :

“அமாவாசையன்று செய்ய

வேண்டிய பூஜைகளையும்  ;

நடத்த வேண்டிய

ஹோமங்களையும் ;

சொல்ல வேண்டிய

மந்திரங்களையும் ;

சதுர்த்தசி திதியான

நாளை செய்வதற்கு

தேவையான அனைத்து

ஏற்பாடுகளையும் நீங்கள்

செய்ய வேண்டும் ;”

புரோகிதர் :

“சதுர்த்தசி திதி அன்று

அமாவாசையன்று

செய்ய வேண்டிய

அனைத்து ஆன்மீக

விஷயங்களையும்

ஏன் செய்ய வேண்டும் “

கிருஷ்ணன் :

“ஏனென்றால் சதுர்த்தசி

திதியை அமாவாசையாக

மாற்ற வேண்டும் அதற்காக “

புரோகிதர்  :

“சதுர்த்தசி திதியை

எதற்காக அமாவாசையாக

மாற்ற வேண்டும் ? “

கிருஷ்ணன்  :

“நாளை மறுநாள் வருகின்ற

அமாவாசை தினத்தன்று

துரியோதனனுக்காக

அரவான் களப்பலியாவதாக

வாக்கு கொடுத்திருக்கிறான் ;

அன்றைய தினம்

துரியோதனனை தடுத்து

நிறுத்த முடியாது ;

துரியோதனனை

தடுப்பதற்காக எந்த

முயற்சியை எடுத்தாலும்

அது பல்வேறு

பிரச்சினைகளைக்

கொண்டு வந்து விடும் ;”

 “நாளை நடைபெற இருக்கும்

சதுர்த்தசி திதியை

அமாவாசையாக

மாற்றி விட்டு

பாண்டவர்கள் சார்பாக

அரவானைக் களப்பலியாகக்

கொடுக்கலாம் ; - அவ்வாறு

பாண்டவர்கள் சார்பாக

அரவானைக் களப்பலியாகக்

கொடுக்கும் போது

அரவான் களப்பலியை

யாராலும் தடுக்க முடியாது ;”

“ஏனென்றால் நாளை

மறுநாள் தான் அமாவாசை

என்ற காரணத்தினால்

துரியோதனன் நாளை

வரமாட்டான் - நாம்

எந்தவிதமான இடையூறும்

இல்லாமல் அரவானைக்

களப்பலியாகக் கொடுக்கலாம் ;”

“அரவான் களப்பலியை

யாராலும் தடுத்து நிறுத்த

முடியாது ;- எந்தவிதமான

பிரச்சினைகளும் ஏற்படாது  ;

என்ற காரணத்திற்காகத் தான்

சதுர்த்தசி திதியை

அமாவாசையாக

மாற்றப் போகிறேன் என்றேன் “

“ஆமாம் !

காலத்தை மாற்றப் போகிறேன் “

“சதுர்த்தசி திதியை

அமாவாசையாக

மாற்றப் போகிறேன் “

----------- இன்னும் வரும்

----------- K.பாலகங்காதரன்

----------- 05-03-2020

//////////////////////////////////////////