பரம்பொருள்-பதிவு-150

            பரம்பொருள்-பதிவு-150

(அரவானுடைய

மாளிகைக்குள்

கிருஷ்ணன் நுழைகிறார் ;

கிருஷ்ணனைக்

கண்டவுடன் அரவான்

ஓடோடி வந்து

கிருஷ்ணனுடைய காலில்

விழுந்து வணங்குகிறான்)

அரவான் :

"என்னை

ஆசிர்வதியுங்கள்

பரந்தாமா ! "

கிருஷ்ணன் :

"நீ செய்யப் போகும்

தியாகத்திற்கு

என்னுடைய ஆசிகள்

உனக்கு என்றுமே

உண்டு அரவான்"

அரவான் :

"அமருங்கள் பரந்தாமா"! "

(இருக்கையில் அமர்ந்த

கிருஷ்ணன் அரவானைப்

பார்த்து பேசத்

தொடங்குகிறார் )

கிருஷ்ணன்  :

"ஒரு முக்கியமான

விஷயத்தை உன்னிடம்

சொல்வதற்காகவே

வந்தேன் அரவான் "

அரவான் :

"சொல்லுங்கள் பரந்தாமா "

கிருஷ்ணன் :

"பாண்டவர்கள் சார்பாக

உன்னை களப்பலியாகக்

கொடுப்பதற்கு

உன்னுடைய தாய்

தந்தை மற்றும் உன்னுடன்

இரத்த சம்பந்தம்

கொண்டவர்கள்

அனைவரிடமும்

ஒப்புதல் பெற்று விட்டேன் ;

அது மட்டுமல்ல

நாளை அமாவாசை

என்பதை உனக்கு

ஞாபகப் படுத்தி விட்டு

செல்லலாம் என்று வந்தேன் ; "

"அது மட்டுமல்ல

துரியோதனன்

வரவில்லை என்றால்

பாண்டவர்கள் சார்பாக

களப்பலியாவதற்கு

நீ தயாராக இருக்கிறாயா

என்பதைக் கேட்டு விட்டு

செல்லலாம் என்று வந்தேன் "

"அது மட்டுமல்ல

நீ என்னிடம் ஏதேனும்

கேட்க விரும்புகிறாயா

என்பதைக் கேட்டு

விட்டு செல்லலாம்

என்று வந்தேன் "

"சொல் அரவான் சொல்

என்னிடம் ஏதேனும்

கேட்க விரும்புகிறாயா?"

அரவான்  :

"ஆமாம் "

"எனக்கென்று சில

ஆசைகள் இருக்கிறது "

"அது என்னுடைய

மனதிற்குள் இருக்கிறது "

"அந்த ஆசைகளை

நிறைவேற்ற வேண்டும்

என்ற எண்ணம்

எனக்கு இருக்கிறது "

"தாங்கள் எனக்கு இரண்டு

வரங்களை அளித்தால்

என்னுடைய மனதிற்குள்

நான் வைத்திருக்கும்

என்னுடைய ஆசைகள்

நிறைவேறும் "

"தாங்கள் எனக்கு இரண்டு

வரங்களை அளிப்பீர்களா ? '

கிருஷ்ணன்  :

"உன்னை களப்பலியாக

கேட்டு வந்த

துரியோதனனிடம் இரண்டு

வரங்களைக் கேட்டாயா ? "

அரவான்  :

"கேட்கவில்லை "

கிருஷ்ணன்  :

"துரியோதனனிடம்

கேட்காத போது

என்னிடம் மட்டும் ஏன்

இரண்டு வரங்கள்

கேட்கிறாய்?"

"நான் ஏன் உனக்கு

இரண்டு வரங்களை

அளிக்க வேண்டும் ? "

"எதற்காக

அளிக்க வேண்டும்  "

"எந்தவிதமான போட்டியும்

இல்லாமல் பாண்டவர்கள்

சார்பாக மட்டும் - நீ

களப்பலியானால் - நீ

கேட்கப் போகும்

இரண்டு வரங்களை

உனக்கு அளிக்கலாம் "

"அமாவாசை தினத்தன்று

துரியோதனன் வரவில்லை

என்றால் தானே

பாண்டவர்கள் சார்பாக

நீ களப்பலியாவாய் ;

துரியோதனன் வந்து

விட்டால் நீ

துரியோதனனுக்காகத்

தானே களப்பலியாக

முடியும் ; "

"அப்படி இருக்கும் போது

நான் ஏன் உனக்கு

இரண்டு வரங்களை

அளிக்க வேண்டும் ? "

"நான் உனக்கு இரண்டு

வரங்களைத் தந்த பிறகு

நீ துரியோதனனுக்காக

களப்பலியானால் நான்

உனக்கு தந்த இரண்டு

வரங்கள் வீணாகிப் போகாதா ? "

"எதையுமே நிச்சயித்து

சொல்ல முடியாத

நிலையில் இருக்கும் போது

நான் ஏன் உனக்கு

இரண்டு வரங்களை

அளிக்க வேண்டும்

அரவான்  :

"தாங்கள் தான் எனக்கு

இரண்டு வரங்களை

அளிக்க வேண்டும் ? "

"ஏனென்றால் நான்

தங்களுடைய

வேண்டுகோளுக்கிணங்கத்

தானே களப்பலியாகப்

போகிறேன் "

"ஏனென்றால் நான்

பாண்டவர்கள் சார்பாகத்

தானே களப்பலியாகப்

போகிறேன் "

கிருஷ்ணன்  :

"என்னது நீ பாண்டவர்கள்

சார்பாக களப்பலியாகப்

போகிறாயா  ? "

----------- இன்னும் வரும்

----------- K.பாலகங்காதரன்

----------- 07-03-2020

//////////////////////////////////////////