பரம்பொருள்-பதிவு-112

           பரம்பொருள்-பதிவு-112

அரவான் :

“உதவியில்

உதவி செய்தவருக்கும் ;

உதவி பெற்றவருக்கும் ;

இடையே தொடர்பு

என்ற ஒன்று எப்போதும்

இருந்து கொண்டே இருக்கும் ;

ஆனால் யாசகத்தில்

யாசகம் அளித்தவருக்கும் ;

யாசகம் பெற்றவருக்கும் ;

இடையே தொடர்பு என்ற

ஒன்று எப்போதும் இருக்காது ;”

துரியோதனன் :

“நீ சொல்வது எனக்கு

புரியவில்லை மகனே !”

அரவான் :

“உதவி கேட்டு

வந்தவருக்கு

நாம் உதவி செய்து

விட்டோம் என்றால்,

என்றாவது ஒரு நாள்

நமக்கு உதவி

தேவைப்படும்போது

உதவி பெற்றவரிடம்

உதவி கேட்கத்

தோன்றும் - அவர் உதவி

செய்யவில்லை எனில்

உதவி பெற்றவரைப்

பார்த்து - அவர் கஷ்டத்தில்

இருக்கும் போது - நாம்

எப்படி உதவி செய்தோம்

நன்றி மறந்து விட்டான்

நன்றி கெட்டவன் என்று

திட்டுவோம் அவரிடம்

கோபம் கொள்வோம்

பகை உணர்வு ஏற்படக்கூட

வாய்ப்புண்டு - இது

உதவி செய்தவர் நிலை ;”

“அதைப்போல  

உதவி பெற்றவர்

உதவி செய்தவருக்கு

உதவி செய்ய வேண்டும்

என்ற எண்ணம் - அவர்

மனதில் இருந்து

கொண்டே இருக்கும் ;

உதவி செய்வதற்கான

காலத்தை எதிர்பார்த்துக்

காத்துக் கொண்டே இருப்பார்.

உதவி பெற்றவர்

உதவி செய்தவருக்கு

உதவி செய்யும் வரை

உதவி செய்தவரையும்

அவர் செய்த

உதவியையும் நினைத்துக்

கொண்டே இருப்பார் ;”

“அதாவது உதவியில்

உதவி செய்தவருக்கும் 

உதவி பெற்றவருக்கும்

இடையே தொடர்பு என்ற

ஒன்று எப்போதும் இருந்து

கொண்டே இருக்கும் “

“ஆனால் யாசகத்தில்

யாசகம் என்று

கேட்டு வந்தவருக்கு

யாசகம் அளிப்பவர்

அவர் கேட்கும் யாசகத்தை

அளித்து விட்டால்

யாசகம் அளித்தவர்- எந்த

காலத்திலும் தனக்கு

என்ன நேர்ந்தாலும்

யாசகம் அளித்தவர்

யாசகம் பெற்றவரிடம்

எதையும் எதிர்பார்த்து

காத்துக் கொண்டிருக்க

மாட்டார் - தான் யாருக்கு

யாசகம் அளித்தோம்

என்பதையும் - என்ன

யாசகம் அளித்தோம்

என்பதையும்

மறந்து விடுவார் “

“யாசகம் பெற்றவரும்

தான் யாரிடம்

யாசகம் பெற்றோமோ

அவரையும் - அவரிடம்

பெற்ற யாசகத்தையும்

மறந்து விடுவார் “

“அதாவது

யாசகம் அளித்தவர்

யாசகம் பெற்றவர்

ஆகிய இருவருக்கும்

இடையே எந்தவிதமான

தொடர்பும் இருக்காது “

“அதனால் தான் கேட்டேன்

பெரிய தந்தையே !

நீங்கள் என்னிடம்

கேட்டுப் பெற வந்திருப்பது

உதவியையா அல்லது

யாசகத்தையா என்று ?”

துரியோதனன் :

(அரவானின் அற்புதமான

அறிவுத் திறனைக்

கண்டு மலைத்துப் போன

துரியோதனன் வியந்து

போய் நின்றான் )

“அரவான் உன்னுடைய

வீரத்தைக் கேள்விப்பட்டு

மலைத்து நின்றேன் ;

நேரில் உன்னை சந்தித்த

போது உன்னுடைய

பணிவைக் கண்டு

ஆச்சரியப்பட்டு நின்றேன் ;

இப்போது உன்னுடைய

அறிவைக் கண்டு

வியந்து நிற்கிறேன் ;”

“வேறு யாருடனும்

ஒப்பிட முடியாத

தனிச்சிறப்பு பெற்றவனாக

இருக்கிறாய் மகனே ! “

“நீ செய்யக்கூடிய

செயலுக்கு இணையாக

என்னால் எதுவுமே

செய்ய முடியாது “

“உதவி செய்ய வேண்டுமா

யாசகம் தர வேண்டுமா

என்பதை தீர்மானிக்கும்

உரிமை அதைத்

தருபவருக்குத் தான்

இருக்கிறது ; - அதனால்

நான் உன்னிடம் கேட்டுப்

பெற வந்ததை உதவியாக

செய் என்றோ அல்லது

யாசகமாக தா என்றோ

நான் உன்னிடம்

கேட்க முடியாது ?

நீ தான் முடிவு

செய்ய வேண்டும் “

அரவான் :

“நான் ஒருவருக்கு

ஒன்றைக் கொடுத்து

விட்டால்

யாருக்கு கொடுத்தேன் ;

எப்போது கொடுத்தேன் ;

என்ன கொடுத்தேன் ;

என்ன காரணத்திற்காக

கொடுத்தேன் ; என்பதை

எல்லாம் எப்போதும்

என்னுடைய நினைவில்

வைத்துக் கொள்வதே

இல்லை ;”

“நான் யாருக்கு என்ன

கொடுத்தாலும்

அதை யாசகமாகக்

கொடுத்துத் தான்

எனக்குப் பழக்கம் ;”

“நீங்கள் என்னிடம்

கேட்டுப் பெற வந்ததை

நான் உங்களுக்கு

யாசகமாகவே தர

முடிவு செய்து விட்டேன் ;”

“சொல்லுங்கள் தந்தையே !

சொல்லுங்கள் என்னிடமிருந்து

யாசகமாக நீங்கள் எதை

எதிர்பார்க்கிறீர்கள் என்று

சொல்லுங்கள்……………………………? “

---------- இன்னும் வரும்

----------- K.பாலகங்காதரன்

---------- 07-01-2020

//////////////////////////////////////////

பரம்பொருள்-பதிவு-111

            பரம்பொருள்-பதிவு-111

துரியோதனன் :

"அரவான் !

நான் இங்கு

வருவதற்கு முன்பு

நான் என்னுடைய

தேவையைப் பற்றியும் ;

என்னுடைய தேவையை

உன்னிடம் எப்படி

கேட்டு பெற்றுக்

கொள்வது

என்பதைப் பற்றியும் ;

என்னுடைய தேவையை

எப்படி நிறைவேற்றிக்

கொள்வது

என்பதைப் பற்றியும் ;

மட்டுமே நினைத்துக்

கொண்டு வந்தேன் "

"ஆனால் நான்

இங்கு வந்த பின்பு

நீ காட்டிய அன்பினையும் ;

உன்னுடைய உயர்ந்த

பண்பினையும் ;

கண்டு நான் மெய்

சிலிர்த்து நிற்கிறேன் "

"உன்னுடைய அன்பில்

கரைந்த நான்

எப்படி என்னுடைய

தேவையை

உன்னிடம் கேட்டுப்

பெறுவது என்பதைப்

பற்றி யோசித்துக்

கொண்டிருக்கிறேன் "

"நான் என்னுடைய

தேவையைக்

கேட்பதினால்

நீ கோபப்பட்டு

என்னைப் பார்த்து ,

“சாஸ்திரங்களைப்

படித்து இருக்கிறாயா ?

சாஸ்திரங்களைப் படித்து

இருந்தால் தர்மம்

என்றால் என்ன

என்று உனக்கு

தெரிந்து இருக்கும் ?"

"நீதியின் வழியில்

சென்று இருக்கிறாயா ?

தர்மத்தின் பாதையை

அறிந்து இருக்கிறாயா ? "

"உன்னை கொடியவன்

என்று இந்த உலகம்

சொல்வதில்

தப்பே இல்லை ;

உனக்கு அன்பு

என்றால் என்ன

என்றே தெரியவில்லை ;

கருணை உனக்குள்

இறந்து விட்டிருக்கிறது ;"

"இல்லை என்றால்

இப்படி ஒரு தேவையை

என்னிடம் வந்து

கேட்டு பெற்றுக்

கொள்ள வந்திருப்பாயா ?

உனக்கு பாசம் என்ற

ஒன்று இருந்திருந்தால்

இப்படி கேட்டிருப்பாயா ?"

"என்று என்னை

வசைமாரி பொழிந்து

விடுவாயோ என்று

யோசித்துக்

கொண்டிருக்கிறேன் ?"

"இத்தகைய

காரணங்களால்

நான் மனம்

சஞ்சலப்பட்டு - நான்

உன்னிடம் கேட்டு

பெற வந்ததை

கேட்கலாமா ?

வேண்டாமா ? என்று

யோசித்துக்

கொண்டிருக்கிறேன் ?

என்ன செய்வது

என்றே எனக்குத்

தெரியவில்லை - நான்

மனம் சஞ்சலப்பட்டு

இருக்கிறேன் அரவான் "

அரவான் :

"பெரிய தந்தையே !

நீங்கள் மனம்

சஞ்சலப் பட வேண்டிய

அவசியமே இல்லை

நீங்கள் என்னிடம்

எதைக் கேட்டுப்

பெற வந்திருக்கிறீர்களோ ?

அதை தைரியமாக

கேட்டு பெற்று

விட்டு செல்லலாம் "

"நீங்கள் என்னிடம்

கேட்டுப் பெற வந்தது

நல்லதாக இருந்தாலும் சரி

கெட்டதாக இருந்தாலும் சரி

தைரியமாகக் கேட்கலாம் ;"

"நீங்கள் என்னுடைய

பெரிய தந்தை - நான்

உங்களுடைய மகன் ;

தந்தை மகனிடம்

எந்த ஒன்றை

கேட்பதற்கும்  ;

எந்த ஒன்றை

கேட்டுப் பெறுவதற்கும் ;

முழு உரிமை

இருக்கிறது - ஆகவே

நீங்கள் என்னிடம்

கேட்டுப் பெற

வந்ததை தைரியமாகக்

கேட்டுப் பெற்று

விட்டுச் செல்லலாம் "

"ஆனால் ஒன்று

தந்தையே நீங்கள்

என்னிடம் ஒன்றைக்

கேட்டுப் பெற

வந்தேன் என்கிறீர்களே ?

அந்த ஒன்றை

நான் உங்களுக்கு

எப்படி அளிக்க வேண்டும்

உதவியின் மூலம்

அளிக்க வேண்டுமா ?

அல்லது யாசகத்தின்

மூலம் அளிக்க

வேண்டுமா ? "

துரியோதனன் :

"உதவிக்கும்

யாசகத்திற்கும்

பெரிய அளவில்

வேறுபாடு எதுவும்

இருப்பதாக எனக்குத்

தெரியவில்லையே

மகனே ! "

அரவான் :

" இருக்கிறது

பெரிய தந்தையே !

இருக்கிறது

உதவிக்கும்

யாசகத்திற்கும்

வேறுபாடு இருக்கிறது"

---------- இன்னும் வரும்

----------- K.பாலகங்காதரன்

---------- 06-01-2020

//////////////////////////////////////////

பரம்பொருள்-பதிவு-110

             பரம்பொருள்-பதிவு-110

(துரியோதனன்

அரவானின்

மாளிகைக்குள்

நுழைகிறான் - தனது

பெரிய தந்தையான

துரியோதனனைக்

கண்ட அரவான்

துரியோதனனை ஓடிச்

சென்று வரவேற்கிறான்)

அரவான் :

"வாருங்கள்

பெரிய தந்தையே  !

வாருங்கள்

தங்கள் வரவால்

என் மாளிகை

பெருமை அடைகிறது ;

தங்கள் பாதம் பட்டு

என்னுடைய இல்லம்

சிறப்பு அடைகிறது ;

தங்களை வரவேற்பதில்

என் மனம் மிக்க

மகிழ்ச்சி அடைகிறது ;

வாருங்கள் பெரிய

தந்தையே வாருங்கள் "

(என்று சொல்லிக்

கொண்டே அரவான்

துரியோதனன்

காலில் சென்று

விழுந்து வணங்குகிறான்)

அரவான் :

"என்னை

ஆசிர்வதியுங்கள்

பெரிய தந்தையே ! "

(அரவானை அள்ளி

மார்போடு அணைத்து  

பிறகு பேசத்

தொடங்குகிறான்

துரியோதனன்)

துரியோதனன் :

"மகனே ! அரவான்

உன்னுடைய வார்த்தைகள்

என்னுடைய மனதை

ஏ‘தோ செய்கிறது ;

உன்னுடைய பணிவைக்

கண்டு என்னுடைய

கண்கள் கலங்குகிறது ;

உன்னுடைய

பெருந்தன்மை என்னை

வியக்க வைக்கிறது ; "

"அனைவரையும் சமமாக

பாவிக்கும் உன்னுடைய

பாசம் என்னை

மலைக்க வைக்கிறது ;

பகைவனாக

நினைக்க வேண்டியவனையும்

வரவேற்கும் உன்னுடைய

பண்பு என்னை

திகைக்க வைக்கிறது ;"

‘"நீ வீரத்தில்

சிறந்தவன் என்று

கேள்விப்பட்டிருக்கிறேன் ;

ஆனால் பண்பிலும்

உயர்ந்தவன் என்பதை

உன்னுடைய

செய்கையின் மூலமே

நிரூபித்து விட்டாய் ;"

"உன்னுடைய உயர்ந்த

அன்பில் கரைந்து

போன நான்

என்ன பேசுவது என்று

தெரியாமல் வார்த்தை

இன்றி தவித்துக்

கொண்டிருக்கிறேன் "

"இந்த பார் உள்ளளவும்

உன்னுடைய புகழ்

என்றும் நிலைத்து நிற்கும்

என்னுடைய ஆசிகள்

உனக்கு என்றும்

உண்டு மகனே அரவான் ! "

அரவான் :

"பெரிய தந்தையே !

நீங்கள் என்னை

பார்க்க வேண்டும் என்று

ஒரு வார்த்தை

சொல்லி இருந்தால்

உங்களைக் காண

நீங்கள் இருக்கும்

இடத்தைத் தேடி

நானே நேரில்

வந்திருப்பேனே ?

இந்த எளியவனைக்

காண தாங்கள்

இவ்வளவு தூரம்

வர வேண்டுமா ?

பெரிய தந்தையே ! "

துரியோதனன் :

"உலகத்தையே

கட்டி காப்பாற்றும்

கடவுளாக

இருந்தாலும் சரி ;

நாட்டை ஆளும்

மன்னவனாக

இருந்தாலும் சரி ;

அவர்களுக்கு ஒன்று

தேவைப்படுகிறது

என்றால்

அதை கொடுப்பவர்

யாராக இருந்தாலும்

அவர் இருக்கும்

இடத்தைத் தேடித்

தான் செல்ல

வேண்டும் என்பது

தானே உலக நியதி ! "

"எனக்கு உன்னிடம்

ஒன்று தேவைப்படுகிறது

அதனால் நானே

உன்னைத் தேடி

உன்னுடைய

இருப்பிடம் தேடி

நேரில் வந்தேன்

அரவான் !"

அரவான் :

"ஒன்றும் இல்லாத

இந்த எளியவனிடம்

அப்படி என்ன

தான் இருக்கிறது

என்று என்னைத்

தேடி வந்தீர்கள்

பெரிய தந்தையே ! "

துரியோதனன் :

"யாரிடமும் இல்லாத ஒன்று ;

அரிதாக இருக்கும் ஒன்று ;

யாருக்கும்

கிடைக்காத ஒன்று ;

கடவுளால்

அருளப்பட்டது என்று  

சொல்லப்படும் ஒன்று ;

சிலரிடம் மட்டுமே

இருக்கும் "

"அந்த ஒன்று

உன்னிடம் இருக்கிறது

என்பதைக் கேள்விப்பட்டேன் ;

அந்த ஒன்றைப் பெற

வேண்டும் என்பதற்காக ;

உன்னுடைய

சம்மதத்தைப் பெற ;

உன்னைக் காண

நானே நேரில்

வந்தேன் அரவான் ! "

அரவான் :

"என்னிடம் என்ன பெற

வேண்டும் என்பதற்காக

என்னுடைய சம்மதத்தைப்

பெற வந்திருக்கிறீர்கள்

என்பதை சொல்லுங்கள்

பெரிய தந்தையே ! "

---------- இன்னும் வரும்

----------- K.பாலகங்காதரன்

---------- 04-01-2020

//////////////////////////////////////////