பரம்பொருள்-பதிவு-127

             பரம்பொருள்-பதிவு-127

உலூபி :

“உண்மையாகவே

நீங்கள் நல்லது

செய்வதற்கான

முயற்சியை எடுத்து

இருப்பீர்களேயானால்

அரவானை

களப்பலியாகக்

கொடுக்காமல்

இருப்பதற்குரிய

அனைத்து

முயற்சிகளையும்

செய்து இருப்பீர்கள் ;

ஆனால்

நீங்கள் அவ்வாறு

செய்யாமல்

துரியோதனன் அரவானைக்

களப்பலியாகக் கேட்டு

வரவில்லை என்றால்

பாண்டவர்களுக்காக

அரவானை களப்பலியாகக்

கொடுப்பதற்குரிய

அனைத்து

முயற்சிகளையும் செய்து

கொண்டிருக்கிறீர்கள் “

“நீங்கள் செய்யும்

செயல்களைப்

பார்த்தால் நல்லது

செய்வதற்கான

முயற்சிகளை செய்து

கொண்டிருக்கிறீர்கள்

என்று எப்படி

சொல்ல முடியும் “

கிருஷ்ணன்  :

“துரியோதனனுக்காக

களப்பலியாவதாக

அரவான் வாக்கு

கொடுத்து விட்டான் “

“அரவான்

துரியோதனனுக்கு

கொடுத்த வாக்கை

மீற முடியாது “

“அரவான் கண்டிப்பாக

களப்பலியாகத்

தான் வேண்டும் “

“அரவான் களப்பலியாவதை

யாராலும் தடுக்க முடியாது “

“அரவான்

துரியோதனனுக்காக

களப்பலியானால்

இந்த உலகத்தில்

நல்ல செயல்கள்

நடைபெறாது  

வருங்காலத்தில்

இந்த உலகத்தில்

நல்லவர்கள் வாழ

முடியாத சூழ்நிலை

தான் ஏற்படும்;

தர்மம் அழிந்து அதர்மம்

தலைவிரித்தாடும்

அரவானின் தியாகம்

வீணாகிப் போய் விடும்;

அரவானுக்கு கெட்ட

பெயர் ஏற்படும் “

“ஆனால் அரவான்

பாண்டவர்களுக்காக

களப்பலியானால்

இந்த உலகத்தில்

நல்ல செயல்களே

நடைபெறும்  ;

அரவானின் தியாகம்

வீணாகப் போய் விடாது ;

அரவானுக்கு கெட்ட

பெயர் ஏற்படாது ; “

என்ற காரணத்தினால்

வருகின்ற அமாவாசை

தினத்தன்று துரியோதனன்

அரவானை களப்பலியாகக்

கேட்டு வரவில்லை

என்றால்

பாண்டவர்களுக்காக

அரவானை களப்பலி

கொடுப்பதற்கு தேவையான

முயற்சிகளை செய்து

கொண்டிருக்கிறேன் “

 “களப்பலி கொடுப்பதை

ஆரம்பித்து வைத்ததே

துரியோதனன் தான் “

“அதை நல்லபடியாக

முடித்து வைக்க

வேண்டும் என்று

முயற்சி செய்து

கொண்டிருப்பவன் நான் “

“நான் செய்யும்

செயல்கள் சரியானவை

என்பது - உனக்கு

புரியாததற்குக் காரணம்

உன்னுடைய தாய்ப்பாசம் “

“தாய்ப்பாசம் என்ற

திரை உன் இதயத்தை

மூடி மறைத்து

இருக்கிறது ; - அந்தத்

திரையை விலக்கி

விட்டு பார் உலூபி

நான் செய்யும்

செயல்கள் அனைத்தும்

சரியானவை என்று

உனக்குப் புரியும் “

உலூபி :

“வாழ்வு அல்லது

சாவு இரண்டில்

ஒன்று கிடைக்கும்  ;

போர் புரிவதற்கு

உன் மகனை

அனுப்புகிறாயா என்று

கேட்டால் ஒப்புதல்

அளிக்க முடியும் ;

ஏனென்றால்

போர்க்களத்திற்கு சென்று

போர் புரிவதற்கு

வீரம் தேவை - அங்கே

வீரத்தை வெளிப்படுத்த

வாய்ப்பிருக்கிறது "

"ஆனால் ,

களப்பலியாகக் கொடுப்பதற்கு

உன் மகனை

அனுப்புகிறாயா என்று

கேட்டால் எப்படி ஒப்புதல்

அளிக்க முடியும் ;”

களப்பலியாவதற்கு வீரம்

தேவை இல்லையே

அங்கே வீரத்தை

வெளிப்படுத்த எங்கே

வாய்ப்பிருக்கிறது "

"என் மகன்

களப்பலியானான்

என்று கேட்பதை விட ;

போர்க்களத்தில்

வீரத்துடன் போரிட்டு

மடிந்தான் என்பதைக்

கேட்பதையே - நான்

பெருமையாகக் கருதுகிறேன் "

"நான் மட்டுமல்ல

இந்த உலகத்தில் உள்ள

எந்தத் தாயும் - தன்

மகன் போர்க்களத்தில்

வீரத்துடன் போரிட்டு

மடிந்தான் என்பதைக்

கேட்கவே விரும்புவார்கள்" "

கிருஷ்ணன்  :

“களப்பலியாவதற்கு

வீரம் தேவையில்லை

என்கிறாயே உலூபி !

விரம் இல்லாமல்

களப்பலியாக முடியாது

என்பது உனக்குத்

தெரியுமா உலூபி ! ””

----------- இன்னும் வரும்

----------- K.பாலகங்காதரன்

------------ 10-02-2020

//////////////////////////////////////////

பரம்பொருள்-பதிவு-126

         பரம்பொருள்-பதிவு-126

கிருஷ்ணன் :

“நான் சொல்வதை

பொறுமையாகக்

கேள் உலூபி !”

“போரில் வெற்றி

பெற வேண்டும்

என்பதற்காக

துரியோதனன்

களப்பலி

கொடுப்பதற்காக

தகுந்த நாளையும் ;

களப்பலியாக

கொடுப்பதற்கு

சரியான ஆளையும் ;

தெரிந்து கொள்ள

வேண்டும் என்பதற்காக

சோதிட மேதை

சகாதேவனை

சந்தித்தான் ; “

“சோதிட மேதையான

சகாதேவனும்

களப்பலி கொடுப்பதற்கு

தகுந்த நாளாக வருகின்ற

அமாவாசை நாளையும் ;

களப்பலியாக கொடுப்பதற்கு

உகந்த ஆட்களில் ஒருவனாக

அரவானையும்; குறித்துக்

கொடுத்து விட்டான் “

“அதனால் துரியோதனன்

அரவானை சந்தித்து

தான் போரில்

வெற்றி பெறுவதற்காக

வருகின்ற அமாவாசை

தினத்தன்று தனக்காக

களப்பலியாக வேண்டும்

என்று அரவானை கேட்க

அரவானும் வருகின்ற

அமாவாசை தினத்தன்று

துரியோதனனுக்காக

களப்பலியாக

சம்மதித்து விட்டான் “

உலூபி :

“அரவான் ஏன்

இவ்வாறு செய்தான் “

கிருஷ்ணன் :

“பொறு உலூபி பொறு “

“முதலில் நான்

சொல்வதை

முழுமையாகக் கேள் “

“துரியோதனனுக்காக

அரவான்

களப்பலியாகி

துரியோதனன்

குருஷேத்திரப் போரில்

வெற்றி பெற்று

விட்டான் என்றால்

வருங்காலத்தில்

உலகம் இருள்

மயமானதாகி விடும் ;

அதற்கு காரணமான

அரவானையும்

வசைபாடக் கூடிய

நிலை ஏற்படும் ; “

“ஆனால்,

பாண்டவர்களுக்காக

அரவான்

களப்பலியாகி

பாண்டவர்கள் போரில்

வெற்றி பெற்று விட்டால்

வருங்கால உலகம்

ஒளிமயமானதாக

இருக்கும் ;

அரவானை தெய்வமாக

வணங்கக் கூடிய

நிலை ஏற்படும் ;

என்ற விஷயங்களை

எடுத்துச் சொல்லி

வருகின்ற அமாவாசை

தினத்தன்று

துரியோதனன் அரவானை

களப்பலியாகக் கேட்டு

வரவில்லை என்றால்

பாண்டவர்களுக்காக

களப்பலியாகிறாயா

என்று அரவானை

நான் கேட்டதற்கு

அரவானும் சரி

என்று சம்மதம்

தெரிவித்து விட்டான் “

“வருகின்ற அமாவாசை

தினத்தன்று

துரியோதனன்

களப்பலியாக

அரவானைக் கேட்டு

வரவில்லை என்றால்

பாண்டவர்கள் சார்பாக

அரவானை

களப்பலியாகக்

கொடுப்பதற்கு

உன்னிடம் ஒப்புதல்

பெறவே வந்தேன் “

உலூபி :

“நாட்டை ஆளும்

மன்னனின் மகன்

வந்து கேட்டார்

என்ற காரணத்தினால்

களப்பலியாவதற்கு

அரவான் சரி

என்று சொன்னது

தவறானது தான் “

“நடந்து விட்ட தவறை

நீங்கள் சரி செய்யாமல்

மேலும் ஒரு தவறை

நீங்களும் சேர்ந்து

செய்து இருக்கிறீர்கள் “

“அறியாதவர்கள் செய்த

தவறை அனைத்தும்

அறிந்த நீங்கள்

திருத்தியிருக்க

வேண்டும்  ;

ஆனால் நீங்களும்

அவர்கள் செய்த

தவறை திருத்தாமல்

அவர்களுடன்

சேர்ந்து நீங்களும்

தவறை செய்து

இருக்கிறீர்கள் ;”

“தவறை திருத்த

வேண்டிய - நீங்களே

தவறு செய்தால்

தவறை திருத்துவது யார் “

கிருஷ்ணன்  :

“தவறு செய்யத்

தூண்டியவன்

துரியோதனன் “

“தவறு செய்தவன்

அரவான் “

“தவறு நேர்ந்து

விடக்கூடாது

என்பதற்காக அதை

மாற்றி அமைக்க

முயற்சி செய்தவன் நான் “

“தவறு செய்த

துரியோதனன் , அரவான்

ஆகியோர்களை விட்டு

விட்டு நல்லது

செய்வதற்கு முயற்சி

செய்த என்னை

தவறு செய்தவன்

என்கிறாய் “

----------- இன்னும் வரும்

----------- K.பாலகங்காதரன்

------------ 06-02-2020

//////////////////////////////////////////

பரம்பொருள்-பதிவு-125

           பரம்பொருள்-பதிவு-125

(கிருஷ்ணன் உலூபியை

சந்திக்கச் செல்கிறார்.

கிருஷ்ணனைக் கண்ட

உலூபி கிருஷ்ணனின்

கால்களில் விழுகிறாள்)

உலூபி :

"என்னை ஆசிர்வதியுங்கள்

அண்ணா ! "

கிருஷ்ணன் :

"அரவானின் புகழ்

இந்த உலகத்தில்

இருக்கும் வரைக்கும்

உன்னுடைய புகழும்

இந்த உலகத்தில்

இருக்கும் ;

நீடுழி வாழ்க !

என் அன்புத் தங்கை

உலூபி ! "

(கிருஷ்ணன் உலூபியை

ஆசிர்வதிக்கிறார்)

"எழுந்திரு உலூபி "

(உலூபி எழுந்திருக்கிறாள்)

உலூபி :

"நீங்கள் வாழ்த்தியதின்

அர்த்தம் எனக்குப்

புரியவில்லை அண்ணா ! "

கிருஷ்ணன் :

“அரவானுக்குக்

கிடைக்கக்கூடிய புகழ்

இந்த உலகம் என்று

வரை இருக்குமோ

அன்று வரை இருக்கும் ;

அதைப்போல ,

அரவானின் புகழ்

இந்த உலகத்தில்

இருக்கும் வரை

உன்னுடைய

புகழும் இருக்கும் ;”

உலூபி :

“இந்த உலகம்

இருக்கும் வரை

அரவானின் புகழ் இருக்க

வேண்டுமென்றால்  

யாரும் செய்ய முடியாத

மிகப்பெரிய செயலை

அல்லவா அரவான்

செய்ய வேண்டும் ? “

கிருஷ்ணன் :

“ஆமாம் “

“யாரும் செய்ய முடியாத

மிகப்பெரிய செயலைத்

தான் அரவான்

செய்யப் போகிறான் “

“அதனால் தான் நானே

அரவானைப் பார்த்து

விட்டு வந்தேன் “

உலூபி :

“அரவானைப் பார்த்தீர்களா ?”

கிருஷ்ணன்  :

“அரவானை மட்டுமல்ல

அர்ஜுனனையும்

பார்த்து விட்டுத்

தான் வந்திருக்கிறேன் “

உலூபி :

“அனைவரும் நலமாக

இருக்கிறார்களா அண்ணா !”

கிருஷ்ணன் :

“அனைவரும் நலம் “

உலூபி :

“தாங்கள் என்னைக்

காண வந்ததின்

காரணத்தை நான் தெரிந்து

கொள்ளலாமா அண்ணா ! “

கிருஷ்ணன் :

“நான் ஏற்கனவே எடுத்த

முடிவு ஒன்றிற்கு ஒப்புதல்

பெறுவதற்காக உன்னைக்

காண வந்தேன் “

உலூபி :

“அண்ணா நீங்கள்

எந்த முடிவு எடுத்தாலும்

அந்த முடிவு சரியான

முடிவாகத் தானே இருக்கும் “

“உங்கள் முடிவு

எப்போதும் தவறான

முடிவாக இருந்ததில்லையே !”

“நீங்கள் எப்போதும்

தவறான முடிவை

எடுத்ததே இல்லையே “

“உங்கள் முடிவை தவறு

என்று சொல்வதற்கு

தகுதி படைத்தவர்கள்

இந்த உலகத்தில்

யார் இருக்கிறார்கள் “

“நீங்கள் எடுத்த முடிவிற்கு

ஒப்புதல் அளிக்கும்

அளவிற்கு நான்

ஒன்றும் பெரிய ஆள்

இல்லையே அண்ணா ! “

கிருஷ்ணன் :

“முடிவு என்னுடையது

என்றாலும் அதை

ஏற்றுக் கொண்டு

ஒப்புதல் அளித்தது

உன் மகன் அரவான் “

“உன்னுடைய ஒப்புதலும்

தேவைப்படுகிறது என்ற

காரணத்தினால் தான்

உன்னுடைய ஒப்புதலைப்

பெறுவதற்காக

உன்னைக் காண வந்தேன் “

உலூபி :

“என்ன ?

என் மகனா ?

என் மகன் அரவானா ? “

“ஒப்புதல் அளித்தானா ?”

“உங்களுடைய முடிவுக்கு

ஒப்புதல் அளித்தானா ?”

“எந்த முடிவுக்கு

ஒப்புதல் அளித்தான் “

“எந்த முடிவைச் சொல்லி

அரவானிடம் ஒப்புதல்

பெற்றீர்கள்“

----------- இன்னும் வரும்

----------- K.பாலகங்காதரன்

------------ 05-02-2020

//////////////////////////////////////////