பரம்பொருள்-பதிவு-153

              ஜபம்-பதிவு-401

            (பரம்பொருள்-153)

கிருஷ்ணன் :

"தாங்கள் வாழ வேண்டும்

என்பதற்காக என்னிடம்

வரங்களைப் பெற்று ;

வாழும் காலத்தில்

வாழ்க்கையை

வாழாமல்

வாழ்க்கையைத்

தொலைத்து விட்டு ;

புகழை இழந்து விட்டு ;

மக்கள் மனதில்

இடம் பெறாமல்

காலத்தால் காணாமல்

போனவர்கள் தான் ;

இந்த உலகத்தில் அதிக

எண்ணிக்கையில் உண்டு"

"ஆனால் நீ கேட்ட

வரங்களை - நான் உனக்கு

அளிப்பதன் மூலம்

உன்னுடைய வாழ்க்கை

முடிந்த பிறகும் - இந்த

உலகம் இருக்கும் வரை

இந்த உலகத்தில் உள்ள

மக்கள் அனைவருடைய

மனதிலும் இடம் பெற்று

காலத்தால் காணாமல்

போகாமல் இறவாப்

புகழுடன் இருக்கக்கூடிய

பாக்கியம் இந்த உலகத்தில்

உனக்கு மட்டுமே

கிடைக்கப் போகிறது "

"பேரறிவே பரிணமித்து

படைப்புகளாகி

இருக்கும் நிலையில்

அந்த படைப்புகளில்

உள்ள பேரறிவை

சாட்சியாக வைத்து

கிருஷ்ணனாகிய நான்

அரவானாகிய உனக்கு

நீ கேட்ட இரண்டு

வரங்களை அளிக்கிறேன் "

“அரவான் நீ

களப்பலி ஆனாலும்

உன்னுடைய வெட்டுப்பட்ட

தலையில் உள்ள

கண்களின் வழியாக

குருஷேத்திரப் போர்

முழுவதையும்

பார்ப்பாய் என்ற

முதல் வரத்தை

உனக்கு அளிக்கிறேன் “

“நீ ஒரு பெண்ணை

திருமணம் செய்து

கொண்டு அந்த

பெண்ணுடன் ஒரு

இரவு தாம்பத்ய சுகம்

அனுபவிப்பாய் என்ற

இரண்டாவது வரத்தையும்

அளிக்கிறேன் “

"தான் இறக்காமல்

இருக்க வேண்டும்

என்பதற்காக பல்வேறு

வார்த்தைகளைப்

பயன்படுத்தி என்னிடம்

வரங்களைக்

கேட்டுப் பெற்றும்

இறந்தவர்கள் தான்

இந்த உலகத்தில் அதிகம்

பேர் இருக்கிறார்கள் "

"ஆனால் இறக்கப்

போகிறோம் என்று

தெரிந்தும் நீ கேட்ட

வரத்தின் மூலம்

நீ இறந்தாலும்

உன்னுடைய புகழ்

இந்த உலகத்தில்

இறக்காமல் வாழ்ந்து

கொண்டிருக்கத் தான்

போகிறது "

"இந்த உலகத்தில்

வாழ்ந்த யாருக்குமே

கிடைக்காத மிகப்

பெரிய புகழ் - நீ

இறந்த பிறகு உனக்கு

கிடைக்கப் போகிறது "

"இந்த உலகம்

இருக்கும் வரை

உன்னுடைய புகழ்

அழியாமல் நிலைத்து

நிற்கப்போகிறது "

"இந்த உலகம்

இருக்கும் வரை

உன்னை கடவுளாக

வணங்கக் கூடியவர்கள்

இருந்து கொண்டு தான்

இருக்கப் போகிறார்கள் "

"இந்த உலகம்

இருக்கும் வரை

உனக்காக கண்ணீர்

சிந்தி கதறி

அழக்கூடியவர்கள்

இருந்து கொண்டு தான்

இருக்கப் போகிறார்கள் "

"யாருமே செய்ய

முடியாத மிகப்

பெரிய தியாகத்தைச்

செய்யப்போகும் உனக்கு

இந்த உலகமே

நன்றிக்கடன் பட்டிருக்கிறது

அரவான் நன்றிக்கடன்

பட்டிருக்கிறது "

அரவான்  :

“பரந்தாமா ! நீங்கள் எனக்கு

அளித்த வரங்களும் ;

உங்களுடைய

வார்த்தைகளும் ;

என்னுடைய மனதை

மகழ்வித்தது “

கிருஷ்ணன்  :

“உன்னுடைய மனம்

மகிழ்ந்ததற்கான காரணத்தை

உன்னுடைய தாய்

உலூபியை சந்தித்து

சொல்லி விட்டு ,

களப்பலியாவதற்கு

ஆசிகளைப் பெற்று விட்டு ,

இரவில் வந்து - இந்த

மாளிகையில் தங்கி இரு “

“இன்று இரவு அழகிய

பெண் ஒருத்தி

உன்னைத் தேடி - இந்த

மாளிகைக்கு வருவாள்  ;

அந்த பெண்ணை

திருமணம் செய்து

கொண்டு தாம்பத்ய

சுகம் அனுபவிப்பாய் ; “

“இன்று இரவு

இந்த மாளிகையில்

தங்கி இருந்து

உன்னைத் தேடி

வரப்போகும்

அந்த பெண்ணுக்காக

காத்துக் கொண்டிரு

அரவான் “

“காத்துக் கொண்டிரு “

(அரவான்

கிருஷ்ணனுடைய

பாதங்களில் விழுந்தபோது

கிருஷ்ணன் அரவான்

தலையில் கை

வைத்து விட்டு

எதுவும் பேசாமல்

சிறிது நேரம்

அமைதியாக இருந்தார் ;

எதுவும் பேசாமல்

அமைதியாக இருந்த

கிருஷ்ணன் அந்த

அறையை விட்டு

வெளியேறினார்)

----------- ஜபம் இன்னும் வரும்

----------- K.பாலகங்காதரன்

----------- 11-03-2020

//////////////////////////////////////////

பரம்பொருள்- பதிவு-152

             பரம்பொருள்- பதிவு-152

அரவான்  :

“களப்பலி ஆனாலும்

வெட்டுப்பட்ட என்

தலைக்கு உயிர்

இருக்க வேண்டும் ;

வெட்டுப்பட்ட என்னுடைய

தலையில் உள்ள

கண்களின் மூலம்

குருஷேத்திரப் போர்

முழுவதையும்

பார்க்கும் சக்தியை

எனக்குத் தர வேண்டும் ;”

இது என்னுடைய

முதலாவது வரம்”

கிருஷ்ணன்  :

“முதல் வரத்தில்

எந்த பிரச்சினையும்

இல்லை ;

அடுத்து ? “

அரவான்  ;

“நான் ஒரு பெண்ணை

திருமணம் செய்து

கொண்டு அவளுடன்

ஓர் இரவு

தாம்பத்ய சுகம்

அனுபவிக்க வேண்டும் “

கிருஷ்ணன்  :

“அரவான் நீ கேட்ட

முதல் வரத்தை

நிறைவேற்றி விடலாம் ; ”

“ஆனால்

இரண்டாவது வரத்தை

நிறைவேற்றுவது என்பது

கடினமான ஒன்று  ;

நிறைவேற்றுவதற்கு

தேவையான

சாத்தியக் கூறுகள்

எதுவும் இருப்பதாக

எனக்குத் தெரியவில்லை ; “

“நாளை காலை - நீ

களப்பலியாகப் போகிறாய்

என்பது தெரிந்தால்

எந்த பெண் - உன்னை

இன்று இரவு

திருமணம் செய்து

கொள்ள சம்மதிப்பாள் ;

“சம்மதிக்கக்கூடிய பெண்

இந்த உலகத்தில்

எங்கே கிடைப்பாள் ;

எங்கே தேடினாலும்

கிடைக்க மாட்டாளே ; “

“அப்படி இருக்கும் போது

நீ கேட்ட இரண்டாவது

வரத்தை என்னால்

எப்படி நிறைவேற்ற

முடியும் என்று

எனக்குத் தெரியவில்லை “

“இருந்தாலும் எனக்கு

ஒரு சந்தேகம்

ஏற்பட்டுள்ளது அதை

நீ தான் தீர்க்க வேண்டும் “

அரவான்  ;

“நான் தீர்க்கும் அளவுக்கு

தங்களுக்கு அப்படி

என்ன சந்தேகம்

தங்களுக்கு

ஏற்பட்டுள்ளது பரந்தாமா ? “

கிருஷ்ணன்  :

“பெண் சுகம் அனுபவிக்க

வேண்டும் என்ற

எண்ணத்துடன் தானே

நீ இரண்டாவது

வரத்தைக் கேட்கிறாய் “

அரவான் :

“இல்லை நான்

அதற்காக கேட்கவில்லை “

“நான் கேட்ட வரத்தின்

அர்த்தத்தை தாங்கள்

தவறாக எடுத்துக்

கொண்டு இருக்கிறீர்கள் ‘

“கடவுளான தாங்களே

தவறான அர்த்தத்தை

எடுத்துக் கொண்டீர்கள்

என்றால் - இந்த

உலகத்தில் வாழும்  

மக்களுக்கு நான்

கேட்ட வரத்தின்

அர்த்தம் எப்படி புரியும் “

“நான் இரண்டாவது

வரத்தைக் கேட்டதற்கு

இரண்டு காரணங்கள்

இருக்கிறது “

“ஒன்று

நான் இறந்த பிறகு

கணவன் என்று சொல்லி

என் பிணத்தை

கட்டிபிடித்து கதறி

அழுவதற்கு  மனைவியாக

இந்த உலகத்தில்

எனக்கு ஒரு உறவு

இருக்க வேண்டும் - என்ற

காரணத்திற்காகவும் ;

நான் இறந்த பிறகு

என்னுடைய இறுதிச்

சடங்கை உரிமை

கொண்டாடி செய்து

முடிப்பதற்கு மனைவி

என்ற முறையில்

ஒரு பெண் இருக்க

வேண்டும் என்ற

காரணத்திற்காகவும் ;

தான் - நான் ஒரு

பெண்ணை திருமணம்

செய்து கொண்டு

தாம்பத்ய சுகம்

அனுபவிக்க வேண்டும்

என்று கேட்டேன் “

“இரண்டு

ஒரு மனிதனுடைய

வாழ்வில் எதிர்ப்படும்

நான்கு பருவங்களான

பிரம்மச்சரியம் ;

கிரகஸ்தம் ;

வானப்பிரஸ்தம் ;

சந்நியாசம் ;

ஆகியவற்றில்

பிரம்மச்சரியம் ;

வானப்பிரஸ்தம் ;

சந்நியாசம் ஆகிய

மூன்றையும்

பார்த்து விட்டேன் “

“இல்லறம் என்று

சொல்லப்படக்கூடிய

கிரகஸ்தம் என்பதையும்

பார்த்து விட்டால்

நான் முழுமையான

மனிதனாகி விடுவேன்  

என்ற காரணத்திறக்காகவும்

தான் – நான் ஒரு

பெண்ணை திருமணம்

செய்து கொண்டு

தாம்பத்ய சுகம்

அனுபவிக்க வேண்டும்

என்று கேட்டேன் “

“நான் இரண்டாவது

வரத்தைக் கேட்டதற்கு

இவைகள் இரண்டும்

தான் காரணம் ;

வேறு எந்தவொரு

காரணமும் இல்லை “

-----------இன்னும் வரும்

----------- K.பாலகங்காதரன்

----------- 08-03-2020

------------மகளிர் தின

      வாழ்த்துக்கள்

//////////////////////////////////////////

பரம்பொருள்-பதிவு-151

           பரம்பொருள்-பதிவு-151

அரவான் :

“ஆமாம் ! நான்

பாண்டவர்கள்

சார்பாகத் தான்

களப்பலியாகப்

போகிறேன் “

“பாண்டவர்கள்

சார்பாக

களப்பலியாவதற்கு

ஒப்புதல்

கொடுக்கிறாயா என்று

நீங்கள்

என்னிடம் கேட்டு

என்னுடைய

ஒப்புதலைப்

பெற்ற போது

நான் கொஞ்சம்

தெரிந்து கொண்டேன் “

“உன்னுடைய

ஒப்புதல்

மட்டும் போதாது

உன்னுடைய தாய்

தந்தை மற்றும்

உன்னுடன் இரத்த

சம்பந்தம்

கொண்டவர்கள்

அனைவரிடமும்

ஒப்புதல் கேட்கப்

போகிறேன் என்று

நீங்கள்

சொன்ன போது

இன்னும்

கொஞ்சம்

தெரிந்து கொண்டேன் “

“அனைவரிடமும்

ஒப்புதல் பெற்று

விட்டேன் என்று

நீங்கள்

சொன்ன போது

இன்னும்

கொஞ்சம்

தெரிந்து கொண்டேன் “

“ஆனால் நீங்கள்

நாளை

அமாவாசை என்று

சொன்னபோது

தான் நான்

முழுவதுமாக

தெரிந்து கொண்டேன் “

“நான்

பாண்டவர்களுக்காகத்

தான் களப்பலியாகப்

போகிறேன் என்று “

“ஏனென்றால் நாளை

அமாவாசை

கிடையாது ;

நாளை மறுநாள்

தான் அமாவாசை ;

நாளை நடைபெற

இருக்கும்

சதுர்த்தசி திதியை

அமாவாசை

என்று நீங்கள்

சொன்ன போதும் ;

நாளை

களப்பலியாவதற்கு

தயாராக இரு

என்று நீங்கள்

சொன்ன போதும் ;

நான் ஒன்றைத்

தெளிவாகத்

தெரிந்து கொண்டேன் “

“இந்த உலகம்

நிம்மதியாக

இருக்க வேண்டும்

என்பதற்காக  ;

எந்தவிதமான

பிரச்சினையும்

இல்லாமல்

இருக்க வேண்டும்

என்பதற்காக ;

பாண்டவர்கள்

சார்பாக

என்னை

களப்பலியாக

கொடுக்க வேண்டும்

என்பதற்காக ;

சதுர்த்தசி திதியை

அமாவாசையாக

மாற்றுவதற்குத்

தேவையான

செயல்களைச்

செய்து

கொண்டிருக்கிறீர்கள்

என்பதைத்

தெரிந்து கொண்டேன் “

“அதனால் தான்

நான் சொன்னேன்

பாண்டவர்கள்

சார்பாக நான்

களப்பலியாகப்

போகிறேன் என்று “

கிருஷ்ணன் :

“அற்புதம் அரவான்

அற்புதம் “

“காலத்தை

கணிக்கக் கூடிய

உன்னுடைய

அற்புதமான

சக்தியையும் ;

தொலை நோக்குப்

பார்வையுடன்

சிந்திக்கும்

உன்னுடைய

சிந்திக்கும்

திறனையும் ;

கண்டு நான்

வியக்கிறேன் “

“இந்த உலகம்

கண்டிராத

அற்புதப் பிறவி நீ ! “

“யாராலும் கணிக்க

முடியாத அற்புத

ஞானி நீ ! “

“யாருடனும் ஒப்பிட

முடியாத

அற்புதமானவன் நீ ! “

“நீ செய்யப் போகும்

தியாக செயலுக்கு

நீ கேட்ட படி

நான் உனக்கு

இரண்டு வரங்களை

அளிக்கிறேன் “

“கேள் அரவான் கேள் “

“உன்னுடைய

இரண்டு

வரங்களைக் கேள் “

“உனக்கு

என்ன வரம்

வேண்டும் கேள் “

“கேள் அரவான் கேள்”

----------- இன்னும் வரும்

----------- K.பாலகங்காதரன்

----------- 07-03-2020

//////////////////////////////////////////