பரம்பொருள்-பதிவு-168

                ஜபம்-பதிவு-416

              (பரம்பொருள்-168)

அரவான் :

சிற்றின்பத்தின்

சீர் சொல்லும்

சில்லறைகளின்

செயல்களால்

விளைந்த

இன்பத்தின்

எழில்களும் ;

இதயப்

பாசறையின்

பாசமிகு

பண்புகளும் ;

உயர் காவியம்

படைக்கும்

உன்னத

உயிரோவியங்களும் ;

தணலில்

வீழ்ந்து

தள்ளாடும்

தகைமையின்

தகைசான்ற

அன்பின்

அருமைகளும் ;

அரற்றி

கொண்டிருக்கும்

அறியாமையின்

எழுச்சி

பிம்பங்களும் ;

எழுந்தாட

முடியாமல்

ஒய்யாரக்

கூச்சலிடும்

உவகையின்

ஒற்றுமைகளும் ;

சரிந்து வீழ்ந்த

சகாப்தத்தை

சரியாமல் காக்க

சந்தடி சாக்கில்

எழுந்து நிற்கும்

இலக்கணத்தின்

இனிமைகளும் ;

இன்புற்று விளங்க

மூடப்பழக்கம்

முக்காடு

போட்டுக் கொள்ள

முயன்றும்

முடியாமல் போன

ஆசைகள்

அரியணை ஏற

ஆவலாய் அரற்ற

ஓடோடி வந்த

தகுதிகள்

எழுச்சியை

இலக்கணம் காட்ட

தன்மைகளை

காலங்கள்

சுழற்றிக் காட்டி

ஏகாத வேளையில்

இன்ப ஊற்று

ஏறி நிற்க

முயன்று பார்க்க

முடியாமல்

போனதுகள்

முக்கியும்

முனகியும்

முக்காட்டை

கழற்ற முடியாமல்

கனல் நெருப்பில்

கதகதத்து

பொருள் தேடும்

பொருள் நிலை

நாடும் – பொல்லாத

நிலைகளின்

ஆணவம்

அண்ட முடியாமல்

நினைவை

சிப்பிக்குள்

வைத்து விட்டால்

மட்டும் என்ன

முத்து மட்டும்

முல்லைப்பல்

காட்டுமா

முடியாதவைகள்

முயன்றால்

முடிந்தவைகள்

முழுமுதற்

பொருளை

நாடினால்

வாயாரப் புகழும்

வந்தேறிகளும்

வருங்காலத்தின்

நாழிகைகளை

கணக்கிடும்

கணக்கர்களும்

கண்மூட

வேண்டியது தான்

வினாக்களின்

விடை தேட

முடியாமல்

எழுச்சிகள்

எழுந்து

நிற்கா விட்டால்

எது ? முன் நிற்கும் ?

பரவெளியின்

பண்புணராமல்

பாரின் பல்கலை

நினையாமல்

அறிவின்

அடித்தளம்

மனத்தின்

அறிவு சான்ற

விளக்கம் – எங்கே ?

என்று தேடா

விட்டால்

இயலாமைகள் அழ

தோல்விகள்

கண்ணீர்

உகுக்க

புரட்சிகள்

புதைகுழி போக

வேண்டியது தான்?

புல் பூண்டு

செடிகளும்

பொங்கியெழும்

புவனத்தின்

பேர் சொல்லும்

பங்குகளும்

பார்வையில்

படாமல்

மறைந்திருப்பதால்

என்ன பயன்?

விழிக்கதவு

விழிப்பெற்றெழட்டும்

உன் விதியை

அது உணர்த்தட்டும்

பரிவுடன்

பாசம் காட்டி

பண் பளர்க்க 

பாரில் உள்ளோர்

பண் பட்டாலும்

பக்கத்தில்

உள்ளோர்

உள்ளில்

உருவகிக்க

வேண்டியது தான்

----------- ஜபம் இன்னும் வரும்

----------- K.பாலகங்காதரன்

----------- 30-03-2020

//////////////////////////////////////////

பரம்பொருள்-பதிவு-167

             ஜபம்-பதிவு-415

           (பரம்பொருள்-167)

திருநங்கை :

“உங்களிடம்

இணைந்து

இருந்தால்

இந்த உலகத்தில்

கவிதை சொல்லத்

தெரியாதவர்களும்

கவிதை

சொல்லுவார்கள் “

“யாராக

இருந்தாலும்

கவிதை

சொல்லுவார்கள்”

அரவான் :

“நீ சொல்வது போல்

காதல் கவிதை

சொல்வது

வேண்டுமானால்

எளிதாக இருக்கலாம்  ;

யார் வேண்டுமானலும்

சொல்லும் வகையில்

காதல் கவிதை

இருக்கலாம் ;”

“ஆனால்

தத்துவக் கவிதை

அப்படி அல்ல ;

தத்துவக் கவிதையை

அவ்வளவு எளிதில்

எல்லோராலும்

சொல்லி விட

முடியாது ;

தத்துவக் கவிதையை

சொல்வது

என்பது - நீ

நினைப்பது போல்

அவ்வளவு

சுலபமானது அல்ல  ;

தத்துவக் கவிதையை

சொல்வது

என்பது கடினம் ;”

திருநங்கை  :

“அப்படி என்றால்

எனக்காக நீங்கள்

ஒரு தத்துவக்

கவிதையை

சொல்லியே

ஆக வேண்டும் “

அரவான்  :

“என்னது தத்துவக்

கவிதையையா

நானா…………………..-

நானா,…………………….?

சொல்ல வேண்டும் “

திருநங்கை :

“ஆமாம் எனக்காக

நீங்கள் ஒரு

தத்துவக் கவிதையை

சொல்லியே

ஆக வேண்டும்”

அரவான் :

“சரி நான்

முயற்சி செய்கிறேன்  “

திருநங்கை :

“காதல் கவிதையை

இவ்வளவு

அழகாக சொல்ல

முடிந்த உங்களால்

தத்துவக் கவிதையை

சொல்ல

முடியாதா என்ன ?”

“கண்டிப்பாக

உங்களால்

சொல்ல முடியும்”

“முயற்சி

செய்கிறேன் என்று

சொல்லக் கூடாது ;

எனக்காக

நீங்கள் ஒரு

தத்துவக் கவிதையை

கண்டிப்பாக சொல்லியே

ஆக வேண்டும் “

“எனக்காக  சொல்வீர்களா?”

அரவான்  :

“கண்டிப்பாக சொல்கிறேன்”

திருநங்கை :

“அப்படி என்றால்

ஒரு நிபந்தனை

நீங்கள் சொல்லும்

தத்துவக் கவிதையில்

அர்த்தம் இருக்க

வேண்டும் - அந்த

அர்த்தம் யாருக்கும்

எளிதாக புரிந்து

கொள்ள முடியாத

வகையில்

கடினமான

வார்த்தைகளால்

அந்தக் கவிதை

அமைந்து இருக்க

வேண்டும் ;

அவ்வாறு ஒரு

தத்துவக் கவிதையை

எனக்காக - நீங்கள்  

சொல்ல வேண்டும் “

அரவான்  :

“அது கொஞ்சம்

கடினமானது

சொல்ல முடியுமா

என்று எனக்குத்

தெரியவில்லை  ;

தத்துவக் கவிதை

சொல்லலாம்

ஆனால்- நீ

கேட்கிறபடி

சொல்வது என்பது

கஷ்டமான செயல் ;

என்னால் சொல்ல

முடியுமா என்று

எனக்குத்

தெரியவில்லை  ;

இருந்தாலும் நான்

முயற்சி செய்கிறேன் ;”

திருநங்கை  :

“உங்களால் முடியும்

நீங்கள் இதை

எனக்காக செய்தே

ஆக வேண்டும்

எனக்காக

செய்வீர்களா ? “

அரவான்  :

“கண்டிப்பாக

செய்கிறேன்

நீ கேட்டபடியே

தத்துவக் கவிதையை

சொல்கிறேன் “

(என்று அரவான்

தத்துவக் கவிதையை

சொல்ல ஆரம்பித்தான்)

----------- ஜபம் இன்னும் வரும்

----------- K.பாலகங்காதரன்

----------- 30-03-2020

//////////////////////////////////////////

பரம்பொருள்-பதிவு-166

              ஜபம்-பதிவு-414

            (பரம்பொருள்-166)

“கார்த்திகைப்

பூக்களை எடுத்து

வரிசையாக

கட்டி வைத்தது

போல இருக்கும்

கார்த்திகைப்

பூப்போன்ற

உன்னுடைய

விரல்களும் ;”

“தண்ணீருக்குள்

இருக்கும் தாமரை

எப்படி அழகாக

இருக்குமோ

அதைப்போல

அழகை வெளிச்சம்

போட்டுக் காட்டிக்

கொண்டிருக்கும்

தாமரை பூப்போன்ற

உன்னுடைய

கால்களும் ;”

“மல்லிகையை விட

மென்மையாக இருக்கும்

மிருதுவான

மல்லிகை பூப்போன்ற

உன்னுடைய

பாதங்களும் ;”

“சோலையில்

இனிய கீதம்

பாடித் திரிந்து

கொண்டிருந்த

குயிலானது

உன்னுடைய குரலின்

இனிமையைக்

கேட்டு விட்டு தான்

குயிலானது

பாடுவதையே

நிறுத்தி விட்டது  

என்று சொல்லும்

வகையில்-அழகிய

குயிலோசையையே

மிஞ்சும் உன்னுடைய

குரலும் ; “

“மின்னல் அடித்து

எத்தனை பேர்கள்

இறந்தார்கள் என்று

எனக்குத் தெரியாது  ;

ஆனால் நீ

ஒவ்வொரு முறை

சிரிக்கும் போதும்

எழுகின்ற மின்னல்

ஒளியில் ஒவ்வொரு

முறையும் நான்

இறந்து

கொண்டிருக்கிறேன்  ;”

“நடையில்

தன்னை மிஞ்சியவர்

இந்த உலகத்தில்

எவரும் இல்லை

என்று இறுமாப்பில்

நடந்து கொண்டிருந்த

அன்னமே வெட்கித்

தலை குனியும்

வகையில் இருக்கும்

அன்னத்தை

மிஞ்சிய உன்னுடைய

நடையும் ;”

“தங்கத்தை

உருக்கி வார்த்து 

செய்தது போல்

இருக்கும்

தங்கச் சிலையைப்

போன்ற உன்னுடைய

உருவமும்  ;”

“ஊர்வசி

ரம்பை

மேனகை

திலோத்தம்மை

போன்ற

தேவமாதர்களே

கண்டு

பொறாமைப்படும்

படியாக இருக்கும்

உன்னுடைய

அழகும் ;”

“என்னை

உனக்கு

அடிமையாக்கி

விட்டது “

“அடிமை

எப்படி இருப்பான் ;

எப்படி

கஷ்டப்படுவான் ;

எத்தகைய மன

உளைச்சலைக்

கொண்டிருப்பான் ;

என்பதெல்லாம்

எனக்குத்

தெரியாது - ஆனால்

ஒரு அடிமை

அடையும் அனைத்து

விதமான

உபாதைகளையும்

நான் அனுபவித்து

விட்டேன்

உன்னைக்

கண்டது முதல் ; “

“ஆமாம்! நான்

உன்னுடைய

அடிமையாகவே

மாறி விட்டேன் “

“இந்த அடிமையை

ஆளும் அழகு

ராணி நீ தான் “

திருநங்கை :

“நீங்கள் என்னுடைய

அடிமை என்று

சொல்லாதீர்கள்  ;

நீங்கள் எனக்கு

அடிமையும் இல்லை ;

நான் உங்களுக்கு

ராணியும் இல்லை ;”

“அடிமை என்பவர்

ஏவலுக்கு

கட்டுப்பட்டவர் ;

நீங்கள் என்னுடைய

ஏவலுக்கு

கட்டுப்பட்டவர் இல்லை ;

நீங்கள் என்னுடைய

அன்புக்கு

கட்டுப்பட்டவர் ;

உங்களை அன்பால்

ஆளும் ராணி

நான் என்று

சொல்லுங்கள்

அந்த வார்த்தை

எனக்கு இனிக்கும் ; “

அரவான்  :

“நான் தான்

கவிதையாக

பேசுகிறேன் என்றாய் ;

இப்போது நீயும்

கவிதையாக பேச

ஆரம்பித்து

விட்டாய் ;“

----------- ஜபம் இன்னும் வரும்

----------- K.பாலகங்காதரன்

----------- 30-03-2020

//////////////////////////////////////////

பரம்பொருள்-பதிவு-165

              ஜபம்-பதிவு-413

            (பரம்பொருள்-165)

அரவான்  :

“அழகு என்ற

உளி எடுத்து,

பருவம் என்ற

பாறையில்,

கவர்ச்சியாக

செதுக்கப்பட்ட,

மனதை மயக்கும்

சிலையாக-நீ,

இருக்கிறாய் “

“அது மட்டுமா ?”

“காற்றுப் பட்டு

கலைந்து ஓடும்

கருநிற மேகங்களைப்

போன்று காற்றில்

அசைந்தாடிக்

கொண்டிருக்கும்

கருநிற மேகங்களைப்

போன்ற உன்னுடைய

கூந்தலும் ;”

“வானத்தில்

ஒளிர்ந்து

ஒளி வீசி மக்களின்

மனதை மயக்கிக்

கொண்டிருக்கும்

பிறைச்சந்திரனை

வெட்டி எடுத்து

வந்து வைத்தது

போல் இருக்கும்

பிறைச்சந்திரனைப்

போன்ற உன்னுடைய

நெற்றியும் ;”

“எதிரிகளை

வீழ்த்துவதற்கென்றே

உருவாக்கப்பட்ட

வீரம் செறிந்த

வில்லைப் போன்று

வளைந்திருக்கும்

வில்லைப்

போன்ற உன்னுடைய

புருவங்களும் ;”

“வில்லிலிருந்து

புறப்பட்ட அம்பு

எதிரிகளை

வீழ்த்தாமல்

பாதை மாறி வந்து

என்னுடைய

இதயத்தை

துளைத்துக்

கொண்டிருக்கும்

அம்பை விடக்

கூர்மையான

உன்னுடைய

கண்களும் ;”

“அமைதியாக

ஆரவாரம் அற்று

அடக்க நிலையில்

இருக்கும்

என்னுடைய

உணர்வுகளைத்

தட்டி எழுப்பி

கிறங்கடிக்கும்

உணர்வு மிக்க

உன்னுடைய நீண்ட

மூக்கும் ;”

“இரத்தமே

இருப்பதிலே

சிவப்பு என்றால் - அந்த

இரத்தத்தையே

மிஞ்சும் வகையில்

சிவப்பாக இருக்கும்

உன்னுடைய

கவர்ச்சியான

இதழ்களும் ; “

“தேன் எப்படி

தேன் கூட்டிற்குள்

இருக்குமோ

அதைப்போல்

அமிர்தம்

குடிகொண்டு

வழிந்தோடி

போதையை

உண்டாக்கும்

வகையில்

அமிர்தம் நிறைந்து

இருக்கும்

உன்னுடைய

வாயும் ;”

“ஆப்பிளை

வெட்டி எடுத்து

இருபுறமும்

வைத்தது போல்

இருந்து கொண்டு

ரோஜாவைப் போல்

ஒளி வீசி

மிளிர்ந்து

கொண்டிருக்கும்

வசீகரிக்கும்

உன்னுடைய

கன்னங்களும் ;”

“மாதுளம் பழத்தில்

உள்ள முத்துக்களை

வரிசையாக அடுக்கி

வைத்தாற் போல்

பளபளப்பாக இருக்கும்

உன்னுடைய

ஒளிவீசும்

பற்களும் ;”

“பௌர்ணமி நிலவை

கொண்டு வந்து

உருக்கி வார்த்து

செய்தது போல்

இருக்கும்

மதியை மயக்கும்

பௌர்ணமியைப்

போன்ற உன்னுடைய

முகமும் ;”

“காண்போர் கண்களை

கவர்ந்திழுக்கும்

வகையில் மின்னும்

அணிகலன்களை

அணிந்து

பூங்கொடிகள் சுற்றிய

கமுகைப்

போன்று இருக்கும்

உன்னுடைய

கழுத்தும் ;”

“மூங்கிலை

வளைத்து வைத்து

உருவாக்கியது போல்

இருக்கும் மூங்கிலைப்

போன்ற உன்னுடைய

தோள்களும் ;”

“வான வில்லாள்

ஓரளவிற்குத் தான்

வளைய முடியும்

என்னால் அதையும்

தாண்டி வளைய

முடியும் என்று

நெளிந்தாடிக்

கொண்டிருக்கும்

வானவில்லைப்

போன்ற உன்னுடைய

இடையும் ;”

----------- ஜபம் இன்னும் வரும்

----------- K.பாலகங்காதரன்

----------- 30-03-2020

//////////////////////////////////////////

சிறப்பு பதிவு

அன்பிற்கினியவர்களே,

கொரோனா வைரஸ்

காரணமாக 144

தடையுத்தரவை

முன்னிட்டு வீட்டினுள்

பாதுகாப்பாக

இருக்கும்

அனைவருக்காகவும்

ஜபத்தின்

சிறப்பு பதிவுகளை

வெளியிடலாம்

என்று முடிவு செய்து

ஜபத்தின் மூன்று

பதிவுகளை

30-03-2020 - இன்று

வெளியிடுகிறேன்

144 தடையுத்தரவு

நீக்கப்பட்டு

மக்கள் தங்களுடைய

இயல்பு

வாழ்க்கைக்கு

திரும்பும் வரை

ஜபத்தின் சிறப்புப்

பதிவுகள்

வெளிவரும்

என்பதை

மகிழ்ச்சியுடன்

தெரிவித்துக்

கொள்கிறேன்

நன்றி

----------- ஜபம் இன்னும் வரும்

----------- K.பாலகங்காதரன்

----------- 30-03-2020

//////////////////////////////////////////