அறிய வேண்டியவை-பதிவு-37

              ஜபம்-பதிவு-529

       (அறிய வேண்டியவை-37)

“என்னுடைய உடலில்

வலிமை குறைந்து

கொண்டு வருகிறது  ;

உனக்காக நான்

காத்துக் கொண்டிருப்பேன் ;

நீ கொண்டு வரும்

செய்திக்காக நான்

காத்துக் கொண்டிருப்பேன் ;

நீ வரும் வரை

என்னுடைய உயிர்

என்னை விட்டு போகாது ;”

“செல் கடமையைச்

செய்யச் செல்”

(அஸ்வத்தாமன் முன்னே

செல்ல கிருபர்

கிருதவர்மன் ஆகியோர்

அஸ்வத்தாமனை

தொடர்ந்து சென்றனர் ;

அஸ்வத்தாமன்

கிருபர் கிருதவர்மன்

ஆகியோர்

தென்திசை நோக்கி

பயணம் செய்தனர்

பாண்டவர்களின்

பாசறைக்கு அருகில்

வந்தார்கள்

பாண்டவர்களின்

பாசறைக்கு செல்லாமல்

பாண்டவர்களின்

பாசறைக்கு அருகில்

இருக்கும்  யாராலும்

நுழைய முடியாத ஒரு

காட்டிற்குள் நுழைந்தனர் ;

அங்கே மூவரும்

ஆலமரத்தின் கீழ்

ஓய்வு எடுத்துக்

கொண்டனர் - மூவரும்

அந்த ஆலமரத்தின்

கீழ் படுத்தனர் )

(பழிவாங்கும் எண்ணம்

அஸ்வத்தாமனின்

மனதில் ஆழமாக

பதிந்து இருந்ததால்

அவனால் உறங்க

முடியவில்லை ;

விழித்துக் கொண்டு

இருந்தான் சுற்றி

நடப்பதை

பார்த்தபடியே இருந்தான் ;)

(அந்த ஆலமரத்தின்

பல கிளைகளில்

காக்கைகள் தங்கள்

கூடுகளில் ஆழ்ந்து

உறங்கிக் கொண்டு

இருந்தன - திடீரென்று

அங்கு வந்த ஒரு

ஆந்தை அந்த

காக்கைகளின் மேல்

தாக்கியது - அந்த

தாக்குதலை சமாளிக்க

முடியாமல் காக்கைகள்

அனைத்தும் இறந்து

ஆலமரத்தில் இருந்து

கீழே விழுந்தது ;

இக்காட்சியைக்

கண்டான்

அஸ்வத்தாமன் ;

தன்னுடைய மனதில்

நினைத்துக் கொண்டான்)

அஸ்வத்தாமன் :

“நான் காணும் இந்தக்

காட்சியின் மூலம்

எனக்கு ஒரு

விஷயம் விளங்குகிறது ;

நான் என்ன செய்ய

வேண்டும் என்பதை

இந்தக் காட்சி

எனக்கு விளக்குகிறது ;

உறங்கிக் கொண்டிருந்த

காக்கைகளை இரவில்

இருளில் ஆந்தை

கொன்று எனக்கு

பாண்டவர்களைக்

கொல்வதற்கு சரியான

வழியைக் காட்டி உள்ளது ;”

“பாண்டவர்களை

கொல்வதாக

துரியோதனனுக்கு

நான் வாக்கு

கொடுத்திருக்கிறேன் ;

பாண்டவர்களை நேருக்கு

நேர் நின்று கொல்வது

அவ்வளவு எளிதான

காரியம் இல்லை ;

வஞ்சனையால் தான்

பாண்டவர்களை

வீழ்த்த வேண்டும் ;

ஆந்தை எப்படி

இரவில் இருளில்

உறங்கிக் கொண்டிருந்த

காக்கைகளைத் தாக்கி

கொன்றதோ அவ்வாறே

பாண்டவர்கள்

அனைவரையும்

கொல்வேன் ;

பாண்டவர்கள்

இரவில் உறங்கிக்

கொண்டிருக்கும் போது

இருளில் வைத்து

அவர்கள்

அனைவரையும்

கொல்வேன் ;”

(என்று முடிவு

எடுத்த அஸ்வத்தாமன்

எழுந்து நின்றான் ;

கிருபரையும்

கிருதவர்மனையும்

எழுப்பி பேசத்

தொடங்கினான்)

அஸ்வத்தாமன் :

“நான் ஒரு திட்டத்தை

வைத்திருக்கிறேன்

கேளுங்கள்  ;

பாண்டவர்களை

இரவில் இருளில்

அவர்கள் உறங்கிக்

கொண்டிருக்கும் போது

அவர்களைத் தாக்கிக்

கொல்வோம் - இதற்கு

நீங்கள் சம்மதிக்கிறீர்களா?”

கிருபர் :

“இது தவறான

முடிவு அஸ்வத்தாமா

வீரத்தில் சிறந்தவன் நீ !

உயர்ந்த கல்வியை

உயர்ந்தவர்களிடம்

இருந்து கற்றவன் நீ !

உயர்ந்த வித்தையைப்

பயின்றவன் நீ !

யாருக்கும் கிடைக்காத

உயர்ந்த

அஸ்திரங்களைப்

பெற்றவன் நீ!

அத்தகைய வீரம்

செறிந்த நீ

நேர்வழியில்

செல்லாமல்

அதர்ம வழியில்

செல்லக்கூடாது ;  

வீரனுக்குத்

தேவையானது

நேர்வழி தானே தவிர

குறுக்குவழி கிடையாது ;

குறுக்கு வழியில்

செல்லும் வீரனின்

வீரத்தை இந்த

உலகம் மதிக்காது ;

உலகமே போற்றக்கூடிய

வீரனாக இருந்தாலும்

குறுக்கு வழியில்

சென்று வெற்றியைத்

தேட முயற்சித்தால்

அவனுடைய வீரத்தை

இந்த உலகம்

ஏற்றுக் கொள்ளாது ;”

----------- ஜபம் இன்னும் வரும்

----------- K.பாலகங்காதரன்

----------- 24-06-2020

//////////////////////////////////////////