அறிய வேண்டியவை-பதிவு-41

              ஜபம்-பதிவு-533

       (அறிய வேண்டியவை-41)

திருஷ்டத்யும்னன் :

“அஸ்வத்தாமா

என்னை வாளால்

ஒரே வீச்சில்  என்னை

கொன்று விடு என்னை

சித்திரவதை செய்யாதே!”

அஸ்வத்தாமன் :

“என் தந்தையை

கொன்று விட்டு

நிம்மதியாகத்

தூங்குகிறாயா - உனக்கு

நிம்மதியான சாவை

நான் தரமாட்டேன் “

“ஒரு வீரனுக்குரிய

சாவையும் நான்

உனக்குத் தர மாட்டேன்”

“உன்னை சித்திரவதை

செய்து தான் கொல்வேன்”

(என்று சொல்லிக்

கொண்டே கைகளால்

குத்து விட்டும்

காலால் எட்டி

உதைத்தும்

திருஷ்டத்யும்னனைக்

கொன்றான் )

(அஸ்வத்தாமன்

திரௌபதியின்

தம்பியரான

உத்தமௌஜாவையும்,

யுதாமன்யுவையும்

வாளால்

வெட்டிக் கொன்றான் ;

பீஷ்மர் இறப்பிற்குக்

காரணமான சிகண்டி

அஸ்வத்தாமனைக்

கண்டதும் எழுந்து

வந்தான் சிகண்டியின்

தலையை வெட்டி

சிகண்டியைக்

கொன்றான்

அஸ்வத்தாமன் ;

ஒரு கூடாரத்தில்

ஐந்து நபர்கள்

உறங்கிக்

கொண்டிருப்பதைக்

கண்டான்

அஸ்வத்தாமன்

அவர்கள் பாண்டவர்கள்

என்று நினைத்து

ஒரு மந்திரத்தை

ஜெபித்து தனது

வில்லிருந்து

ஒரு பாணத்தை

விடுகிறான் - அது

ஐந்து பாணங்களாக

மாறுகிறது உறங்கிக்

கொண்டிருக்கும்

ஐவரையும்

கொன்று விடுகிறது ;

அலறுகின்றவர்களையும்

ஓடுகின்றவர்களையும் 

விடாது அஸ்வத்தாமன்

துரத்திக் கொண்டு சென்று

ஆட்டுக் குட்டிகளை

வெட்டுவது போல

துரத்தி துரத்தி

சுழன்று சுழன்று

வெட்டிக் கொன்றான் ;

விராடனின் புதல்வர்கள்

துருபதனின் பௌத்திரர்கள்

முதலிய எல்லோரையும்

வாளால் வீசி வெட்டினான் ;

பாஞ்சாலர்கள்

அனைவரையும் கொன்றான் ;

தன்னுடைய வெறி

தீராத காரணத்தினால்

பாண்டவர்களின்

பாசறையில் இருந்த

மிருகங்களையும்

தன்னுடைய

வாளால் கொன்றான் ;

மரணத்தை வழங்க வந்த

மரணதேவனைப்போல

வாளை கையில்

ஏந்திக் கொண்டு

அங்கும் இங்கும்

ஓடி கண்ணில்

பட்ட அனைவரையும்

தன்னுடைய வாளால்

வெட்டிக் கொன்றான் ;

அஸ்வத்தாமனின் கொலை

வெறிக்கு பயந்து

ஓடியவர்கள் மிரண்டு

ஓடிய யானைகளின்

காலில் மிதி

பட்டு இறந்தனர் ;

அந்த இடம்

முழுவதும்

இரத்தம் ஆறாக

பெருக்கெடுத்து ஒடியது ;

மரண ஓலம் அந்த

இடத்தையே அதிர

வைத்தது ஒரே

கூக்குரலும் அழுகையும்

அந்த இடம் முழுவதும்

நிரம்பி இருந்தது  ;

ஒரு மந்திரத்தை

ஜெபித்து தன்னுடைய

வில்லிலிருந்து ஒரு

பாணத்தை விடுகிறான்

அது ஒரு தீ

உருண்டையாக

மாற்றம் அடைந்து

அந்த இடத்தில்

விழுகிறது அந்த

இடம் முழுவதும்

தீப்பிடித்து எரிகிறது ;

அந்த பாசறையில்

இருந்து தப்பிப்

பிழைப்பதற்காக

ஓடியவர்கள் பாசறையை

விட்டு வெளியே

வரும் போது

அவர்களை கிருபரும்

கிருதவர்மாவும்

கொல்கின்றனர் ;

தீப்பற்றி எரிந்து

கொண்டிருக்கும் அந்த

வெளிச்சத்தின்

உதவியினால்

அஸ்வத்தாமன்

பாண்டவர்களின்

பாசறையில் இருந்த

அனைவரையும் கொன்றான் ;

படுகொலைகள்

அனைத்தையும் செய்து

முடித்து விட்டு

அஸ்வத்தாமன் வெளியே

வந்த போது விடிந்து

விட்டிருந்தது இரவு

அந்த பாசறைக்குள்

அஸ்வத்தாமன்

நுழைந்த போது

எந்தவிதமான அமைதி

இருந்ததோ அப்படியே

விடியும் போதும் இருந்தது  ;

விடியற்காலையில்

அஸ்வத்தாமன்

பாண்டவர்கள்

பாசறையை விட்டு

வெளியே வந்த போது

ஒருவரும் இல்லை

என்று சொல்லத்தக்க

விதத்தில் பாசறையில்

இருந்த அனைவரும்

கொல்லப்பட்டு இருந்தனர் )

----------- ஜபம் இன்னும் வரும்

----------- K.பாலகங்காதரன்

----------- 24-06-2020

//////////////////////////////////////////